Categories

ഇന്ത്യന്‍ ക്യാപ്റ്റന്റെ വാര്‍ഷിക വരുമാനത്തില്‍ വന്‍ മുന്നേറ്റം

dhoni2

ന്യൂയോര്‍ക്ക്: ഇന്ത്യയുടെ ക്രിക്കറ്റ് ടീം ക്യാപ്റ്റനായ മഹേന്ദ്രസിങ് ധോണിക്ക് ഫോര്‍ബ്‌സ് പട്ടികയില്‍ മികച്ച നേട്ടം.

ലോകത്ത് ഏറ്റവും കൂടുതല്‍ വരുമാനമുളള    കളിക്കാരുടെ  ഇടയില്‍ ഇന്ത്യന്‍ ക്യാപ്റ്റന്‍ പതിനാറാം സ്ഥാനത്താണ്.

സച്ചിന്‍ ടെന്‍ഡുല്‍ക്കറാണ് ഫോബ്‌സ് പട്ടികയില്‍ ഇടം പിടിച്ച മറ്റൊരു ഇന്ത്യന്‍ താരം.

Ads By Google

നേരത്തെ ഫോബ്‌സ് മാഗസിന്‍ പുറത്ത് വിട്ട പട്ടികയില്‍ ധോണിക്ക് മുപ്പത്തിയെന്നാം സ്ഥാനമായിരുന്നു ലഭിച്ചിരുന്നത്. ഇന്ത്യന്‍ ക്യാപ്റ്റന്റെ കഴിഞ്ഞ വര്‍ഷത്തെ വരുമാനം 31.5 ദശലക്ഷം യു.എസ് ഡോളറാണ്.
ഏകദേശം 180 കോടി രൂപ. വരുമാനത്തില്‍ ഉണ്ടായ വര്‍ദ്ധനവാണ് ഫോബ്‌സ് പട്ടികയില്‍ മികച്ച നേട്ടമുണ്ടാക്കാന്‍ ധോണിക്ക് സഹായകമായത്.

78.1 ദശലക്ഷം, (ഏകദേശം 444 കോടി രൂപ) യു.എസ് ഡോളര്‍ വരുമാനമുളള ഗോള്‍ഫ് താരം ടൈഗര്‍ വുഡ്‌സ് ആണ് ഫോബ്‌സ് പട്ടികയില്‍ ഒന്നാമത്.

പട്ടികയില്‍ മുപ്പത്തിയൊന്നാം സ്ഥാനത്തുളള ഇന്ത്യയുടെ സൂപ്പര്‍ ബാറ്റ്‌സ്മാന്‍ സച്ചിന്‍ ടെന്‍ഡുല്‍ക്കറുടെ വരുമാനം 22 ദശലക്ഷം യു.എസ് ഡോളറാണ്, ഏകദേശം 125 കോടി രൂപ.

വിവിധ കായികതാരങ്ങളായ  ഫെര്‍ണാണ്ടൊ അലോന്‍സൊ, ലൂയിസ് ഹാമില്‍ട്ടണ്‍, നൊവാക് ജൊകൊവിക്, റാഫേല്‍ നദാല്‍, ഉസൈന്‍ ബോള്‍ട്ട്,  മരിയ ഷറപ്പോവ, സെറീന വില്യംസ് എന്നിവര്‍ വരുമാനത്തിന്റെ കാര്യത്തില്‍ ധോണിക്ക് എത്രയോ പിന്നിലാണ്.

Tagged with: |