ന്യൂഡല്‍ഹി: രാജ്യത്തെ സ്‌കൂളുകളില്‍ മൊത്തം 12 ലക്ഷം അധ്യാപകരുടെ കു­റ­വുണ്ടെന്ന് കേന്ദ്ര മാനവ വിഭവശേഷി വകുപ്പ് മന്ത്രി കപില്‍ സിബല്‍. ഈ കുറവ് നികത്തുന്നതിനായി കേന്ദ്രവുമായി സഹകരിക്കാന്‍ സംസ്ഥാനങ്ങളോട് ആവശ്യപ്പെട്ടി­ട്ടുണ്ടെന്നും മന്ത്രി പറഞ്ഞു. പല സംസ്ഥാനങ്ങളിലും ഭീമമായ തോതില്‍ അധ്യാപകരുടെ കു­റ­വുണ്ട് എന്താണ് അധ്യാപകരെ നിയമിക്കാന്‍ സര്‍ക്കാരുകള്‍ക്ക് തടസ്സമെന്നും രാജ്യസഭയില്‍ മറുപടി പറയവേ കപില്‍ സിബല്‍ ചോദിച്ചു.