Categories

Headlines

സി.പി.ഐ.എം അടിയന്തര യോഗം ഫെബ്രുവരി 4ന്

തിരുവനന്തപുരം: ലാവ്‌ലിന്‍ കേസില്‍ പ്രതിപക്ഷ നേതാവ് വി.എസ് അച്യുതാനന്ദന്റെ വിവാദ പരാമര്‍ശത്തെ തുടര്‍ന്ന് അടുത്തമാസം ഫെബ്രുവരി 4ന് സി.പി.ഐ.എം അടിയന്തര സെക്രട്ടറി യോഗം ചേരും. തിരുവനന്തപുരം എ.കെ.ജി ഭവനിലാണ് യോഗം ചേരുക.

Ads By Google

ദേശീയ പ്രക്ഷോഭത്തിന്റെ ഭാഗാമായി നടക്കുന്ന ജാഥയെ കുറിച്ചുള്ള അന്തിമരൂപം നല്‍കുന്നതിനായാണ് അടിന്തരയോഗം ചേരുന്നതെന്നാണ് സി.പി.ഐ.എം ഔദ്യോഗികമായി അറിയിച്ചിരിക്കുന്നത്.

എന്നാല്‍ കഴിഞ്ഞ ദിവസം പ്രതിപക്ഷ നേതാവ് വി.എസ് അച്യുതാനന്ദന്‍ ലാവ്‌ലിന്‍ കേസിനെ കുറിച്ച് നടത്തിയ വിവാദ പരാമര്‍ശത്തെ കുറിച്ചാവും യോഗത്തില്‍ പ്രധാനമായും ചര്‍ച്ച ചെയ്യുക എന്നാണ് അറിയുന്നത്.

ലാവ്‌ലിന്‍ അഴിമതിക്കേസ് തന്നെയാണെന്നും പിണറായി വിജയന്‍ കേസില്‍ ഇപ്പോഴും പ്രതിയാണെന്നുമായിരുന്നു വി.എസ് കഴിഞ്ഞ ദിവസം തുറന്നടിച്ചത്.

പിണറായിക്ക് അനുകൂലമായി ഒരു സാക്ഷിമൊഴിമാത്രമാണുള്ളതെന്നും കുറ്റക്കാരനല്ലെങ്കില്‍ എങ്ങനെ പ്രതിപ്പട്ടികയില്‍ അദ്ദേഹം ഉള്‍പ്പെട്ടെന്നും വി.എസ് ചോദിച്ചു.

ലാവ്‌ലിന്‍ കേസില്‍ സത്യത്തിന്റെ ഭാഗത്ത് നിന്നതിനാലാണ് 24 വര്‍ഷം പാര്‍ട്ടിക്ക് വേണ്ടി പ്രവര്‍ത്തിച്ച തന്നെ പി.ബിയില്‍ നിന്ന് പുറത്താക്കിയതെന്നും വി.എസ് പറഞ്ഞിരുന്നു.

വി.എസ്സിന്റെ പരാമര്‍ശം വന്‍ വിവാദമാണ് സി.പി.ഐ.എമ്മിലും കേരള രാഷ്ട്രീയത്തിലും ഉണ്ടാക്കിയിരിക്കുന്നത്. വി.എസ്സിന്റെ പരാമര്‍ശത്തെ കുറിച്ച് മാധ്യമങ്ങളിലൂടെ മറുപടിക്കില്ലെന്ന് സി.പി.ഐ.എം ജനറല്‍ സെക്രട്ടറി പ്രകാശ് കാരാട്ട് പറഞ്ഞു.

വിഷയത്തില്‍ മറുപടിയില്ലെന്നായിരുന്നു പിണറായി വിജയന്റെ പരാമര്‍ശം. പാര്‍ട്ടിയുടെ മറുപടി സെക്രട്ടറി പ്രകാശ് കാരാട്ട് നേരത്തേ പറഞ്ഞിട്ടുണ്ടെന്നും ഇതില്‍ കൂടുതലായൊന്നും പറയാനില്ലെന്നും പിണറായി വിജയന്‍ പറഞ്ഞു.

ലാവലിന്‍ കേസുമായി ബന്ധപ്പെട്ട് വി.എസ് അച്യുതാനന്ദന്റെ നിലപാട് ദൗര്‍ഭാഗ്യകരമെന്നായിരുന്നു കേന്ദ്രകമ്മിറ്റി അംഗം തോമസ് ഐസക്കിന്റെ പ്രതികരണം. യു.ഡി.എഫ് പ്രതിസന്ധിയില്‍ നില്‍ക്കുമ്പോള്‍ വി.എസ് ഇങ്ങനെ പറയരുതായിരുന്നെന്നും തോമസ് ഐസക് പറഞ്ഞു.



നിങ്ങള്‍ ഇന്ത്യയെ അപമാനിച്ചു; ഇനി ഇവിടേക്ക് തിരിച്ചുവരണമെന്നില്ല; സ്വാതന്ത്ര്യദിനത്തില്‍ ധരിച്ച വസ്ത്രത്തിന്റെ പേരില്‍ പ്രിയങ്കയെ കടന്നാക്രമിച്ച് സോഷ്യല്‍മീഡിയയില്‍ തീവ്രദേശീയ വാദികള്‍

ന്യൂദല്‍ഹി: ട്രോളുകാരുടെ ആക്രമണത്തിന് മിക്കപ്പോഴും ഇരയാകുന്ന വ്യക്തിയാണ് ബോളിവുഡ് താരം പ്രിയങ്ക ചോപ്ര. പലപ്പോഴും പ്രിയങ്ക ട്വിറ്ററിലും ഇന്‍സ്റ്റഗ്രാമിലും പോസ്റ്റു ചെയ്യുന്ന ചിത്രങ്ങളാണ് പ്രിയങ്കയെ ആക്രമിക്കാനായി സദാചാരക്കാര്‍ ഉപയോഗിക്കാറ്.ഇന്ത്യന്‍ പതാകയുടെ നിറത്തിലുള്ള ഷോള്‍ ധരിച്ച് സ്വാതന്ത്ര്യദിനാശംസ പറഞ്ഞതിന്റെ പേരിലാണ് ഇത്തവണ സൈബര്‍ ആക്രമണത്തിന് പ്

സ്വാതന്ത്ര്യദിനാഘോഷ പരിപാടി അട്ടിമറിക്കാന്‍ പിണറായിയുടെ ഓഫീസില്‍ അര്‍ദ്ധരാത്രിയില്‍ ഗൂഢാലോചന നടന്നെന്ന് സുരേന്ദ്രന്‍; കളക്ടര്‍ക്കും എസ്.പിക്കും ഉന്നതനുമെതിരെ കേസെടുക്കണമെന്നും ആവശ്യം

തിരുവനന്തപുരം: പാലക്കാട് സ്‌കൂളില്‍ ചട്ടംലംഘിച്ച് പതാകയുയര്‍ത്തിയ ആര്‍.എസ്.എസ് സര്‍സംഘ്ചാലക് മോഹന്‍ ഭാഗവതിനെതിരെ കേസെടുക്കണമെന്ന നിര്‍ദേശത്തിനെതിരെ രൂക്ഷവിമര്‍ശനവുമായി ബി.ജെ.പി നേതാവ് കെ. സുരേന്ദ്രന്‍.പതാകയുയര്‍ത്തിയതിന്റെ പേരില്‍ കേസ്സെടുക്കേണ്ടത് മോഹന്‍ ഭഗവതിനെതിരെയല്ലെന്നും സ്വാതന്ത്ര്യദിനാഘോഷ പരിപാടി അട്ടിമറിക്കാന്‍ ശ്രമിച്ചവര്‍ക്കെതിരെയാണെന്നും കെ