Categories

‘ഹസന്റെ അഭ്യാസം നടക്കില്ല’: എല്‍.ഡി.എഫില്‍ നിന്ന് സി.പി.ഐയെ അടര്‍ത്തിമാറ്റാമെന്ന് വ്യാമോഹിക്കേണ്ടെന്നും കോടിയേരി ബാലകൃഷ്ണന്‍

 

തിരുവനന്തപുരം: എല്‍.ഡി.എഫില്‍ നിന്ന് സി.പി.ഐയെ അടര്‍ത്തിമാറ്റാമെന്ന് കോണ്‍ഗ്രസ് വ്യാമോഹിക്കണ്ടെന്ന് സി.പി.ഐ.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. സി.പി.ഐയും സി.പി.ഐ.എമ്മും നയപരമായി വ്യത്യാസമില്ലെന്നും കോടിയേരി പറഞ്ഞു.

സി.പി.ഐയെ യു.ഡി.എഫിലേക്ക് ക്ഷണിച്ച കെ.പി.സി.സി താല്‍ക്കാലിക അധ്യക്ഷന്‍ എം.എം. ഹസന്റെ അഭ്യാസം നടക്കില്ലെന്നും അദ്ദേഹം പറഞ്ഞു.


Also read ‘ഒരു നിയമസഭാ തെരഞ്ഞെടുപ്പിന് രണ്ടു കോടി’; ഇ.വി.എം അട്ടിമറിക്കാമെന്നവകാശപ്പെട്ട് തന്നെയൊരാള്‍ സമീപിച്ചെന്ന് ദിഗ് വിജയ് സിങിന്റെ വെളിപ്പെടുത്തല്‍


മുന്നണിയിലെ ഇരു പാര്‍ട്ടി നേതൃത്വവും തമ്മില്‍ തുടരുന്ന വിമര്‍ശനങ്ങള്‍ക്കൊടുവിലാണ് സി.പി.ഐയെ അടര്‍ത്തിമാറ്റാമെന്ന് വ്യാമോഹിക്കേണ്ടതില്ലെന്ന് കോടിയേരി പറഞ്ഞത്. മുന്നണിയെ ശക്തിപ്പെടുത്താനാണ് ഇരു പാര്‍ട്ടികളും ശ്രമിക്കുന്നതെന്നും കോടിയേരി അഭിപ്രായപ്പെട്ടു.

‘സി.പി.ഐയും സി.പി.ഐ.എമ്മും നയപരമോ ആശയപരമോയായി പ്രശ്നമില്ല. മുന്നണിയെ ശക്തിപ്പെടുത്താനാണ് ഇരുപാര്‍ട്ടികളും ശ്രമിക്കുന്നത്. സി.പി.ഐയെ അടര്‍ത്തിമാറ്റാമെന്ന് കോണ്‍ഗ്രസ് വ്യാമോഹിക്കേണ്ടെ’ കോടിയേരി പറഞ്ഞു.

നേരത്തെ സി.പി.ഐ.എമ്മിനെതിരായ കാനം രാജേന്ദ്രന്റെ നിലപാട് ധീരമാണെന്ന് കെ.പി.സി.സി പ്രസിഡന്റ് എം.എം ഹസ്സന്‍ അഭിപ്രായപ്പെട്ടിരുന്നു. ഇടതുമുന്നണിയിലെ ഐക്യം തകര്‍ന്നെന്നും ഭരണം നിലനിര്‍ത്താനുള്ള അവസരവാദ കൂട്ടുകെട്ടാണ് ഇടതുമുന്നണിയെന്നും ഹസ്സന്‍ ആരോപിച്ചതിനു പിന്നാലെയാണ് അടര്‍ത്തിമാറ്റാമെന്ന് വ്യാമോഹിക്കേണ്ടെന്ന് അഭിപ്രായപ്പെട്ട് കോടിയേരി രംഗത്തെത്തിയത്.



‘മാധ്യമപ്രവര്‍ത്തകര്‍ മദ്യപിച്ചാല്‍ പുരോഗമന പ്രസ്ഥാനമായ ഡി.വൈ.എഫ്.ഐ വീഡിയോ എടുത്ത് പ്രദര്‍ശിപ്പിക്കും’; മാധ്യമപ്രവര്‍ത്തകര്‍ക്ക് സി.പി.ഐ.എം മാര്‍ഗനിര്‍ദ്ദേശം നല്‍കിയിട്ടുണ്ടോയെന്നും പി.സി വിഷ്ണുനാഥ്

തിരുവനന്തപുരം: ഒരു വിഭാഗം ആളുകള്‍ തുടര്‍ച്ചയായി മാധ്യമപ്രവര്‍ത്തകരെ അപമാനിക്കുമ്പോഴും മൗനം പാലിക്കുന്ന പത്രപ്രവര്‍ത്തക യൂണിയനെതിരെ പി.സി വിഷ്ണുനാഥ് എം.എല്‍.എ. മാധ്യമ പ്രവര്‍ത്തകരും മനുഷ്യരല്ലേ എന്ന് കോടതി വരെ ചോദിച്ചിട്ടും പത്രപ്രവര്‍ത്തക യൂണിയന്‍ ഒരു പ്രസ്താവന പോലും ഇറക്കാത്തതെന്താണെന്ന് അദ്ദേഹം ചോദിച്ചു.മാധ്യമപ്രവര്‍ത്തകര്‍ക്ക് സി.പി.ഐ.എം മാര്‍ഗനിര്‍ദ്ദേശ