Categories

മുല്ലപ്പെരിയാര്‍ സമരം അവസാനിച്ചുവെന്ന് സമരസമിതി ചെയര്‍മാന്‍

പുതിയ ഡാം എന്ന ആവശ്യവുമായി വര്‍ഷങ്ങളായി മുല്ലപ്പെരിയാറില്‍ സമരം നടക്കുകയാണ്. പല കാരണങ്ങള്‍കൊണ്ട് അടുത്ത കാലത്തായി സമരം ശക്തമാവുകയും വന്‍ മാധ്യമശ്രദ്ധ നേടുകയും ചെയ്തു. വിവിധ രാഷ്ട്രീയ നേതാക്കള്‍ ചപ്പാത്തിലെയും വണ്ടിപ്പെരിയാറിലേയും സമരപ്പന്തലിലേക്ക് ഒഴുകിയെത്തി. സമരം റിപ്പോര്‍ട്ട് ചെയ്യേണ്ട മാധ്യമങ്ങള്‍ നേരിട്ടെത്തി സമരത്തിന് നേതൃത്വം നല്‍കി.

രണ്ട് സംസ്ഥാനങ്ങള്‍ തമ്മിലുള്ള സംഘര്‍ഷമായി സംമരം വികസിച്ചു. തമിഴര്‍ കേരളത്തിലും മലയാളികള്‍ തമിഴ്‌നാട്ടിലും ആക്രമിക്കപ്പെട്ടു. സമരത്തെ വിവേകപൂര്‍വ്വം നേനേരിടുന്നതിന് പകരം അമിത വികാരത്തോടെ സമീപിച്ചപ്പോള്‍ അതിന്റെ പ്രത്യാഘാതവും നാം അനുഭവിക്കേണ്ടിവന്നു. കാര്യങ്ങളെ അവധാനതയോടെ കാണേണ്ട രാഷ്ട്രീയ നേതൃത്വം ഒന്നുകില്‍ നിഷ്‌ക്രിയരാവുകയോ അല്ലെങ്കില്‍ അമിതവികാരം കൊള്ളുകയോ ചെയ്തു.

ഇപ്പോള്‍ പുതിയ ഡാം മാത്രമല്ല, പരിഹാരമെന്ന് സമരഭൂമിയില്‍ നേതാക്കളിലൊരാള്‍ വിളിച്ചുപറഞ്ഞപ്പോള്‍ അതുള്‍ക്കൊള്ളാന്‍ ആദ്യം സ്വന്തം അനുയായികള്‍ക്ക് പോലും കഴിഞ്ഞില്ല. പുതിയ സാധ്യതക്കുള്ള അന്വേഷണത്തിന്റെ വാതിലുകള്‍ ഇങ്ങിനെ അന്ധമായി കൊട്ടിയക്കണോ?. പുതിയ ഡാം എല്ലാം പരിഹരിക്കുമെന്നും അതുമാത്രമാണ് എല്ലാത്തിനമുള്ള പരിഹാരമെന്നുമാണ് ഇത്രയും കാലം രാഷ്ട്രീയക്കാരും ഉദ്യോഗസ്ഥരും നമ്മെ ബോധ്യപ്പെടുത്താന്‍ ശ്രമിച്ചത്. മറ്റ് സാധ്യതകള്‍ക്കുള്ള ചര്‍ച്ചകളെപ്പോലും നാം ഭയക്കുന്നത് എന്തുകൊണ്ടാണ്? ഡൂള്‍ന്യൂസ് അന്വേഷിക്കുന്നു…മുല്ലപ്പെരിയാര്‍ സമര സമിതി ചെയര്‍മാന്‍ പ്രൊഫ. സി.പി റോയ് ഡൂള്‍ന്യൂസുമായി സംസാരിക്കുന്നു.

മുല്ലപ്പെരിയാര്‍ സമരം ഇന്നലെ അവസാനിച്ചു; ഇനി വാര്‍ഷികാഘോഷമില്ല: സി.പി റോയ്(സമര സമിതി ചെയര്‍മാന്‍)

പുതിയ ഡാം നിര്‍മ്മിക്കാതെ അന്‍പത് അടിയില്‍ പുതിയ ടണല്‍ നിര്‍മ്മിച്ച് തമിഴ്‌നാടിന് ഇപ്പോഴത്തെ നിലയില്‍ തന്നെ വെള്ളം നല്‍കി ജലനിരപ്പ് പരമാവധി താഴ്ത്താം എന്നു ഞാന്‍ പറയുന്നത് കേട്ടാല്‍ ആദ്യം ചോദിക്കുക, മലയാളിക്ക് എന്തെങ്കിലും ഗുണമുണ്ടോ എന്നായിരിക്കും. സുരക്ഷയ്ക്ക് വേണ്ടിയാണല്ലോ ഇതെല്ലാം, ടണലിലൂടെ വെള്ളം നല്‍കി ഡാമിലെ ജലനിരപ്പ് കുറയ്ക്കുമ്പോള്‍ ഭൂമിയുടെ പ്രഷര്‍ കുറയും. ഭൂകമ്പമുണ്ടാകുന്നതിനുള്ള സാധ്യത കുറയും. കേരളത്തിന് രണ്ട് ഘനയടി വെള്ളം ലഭിക്കും. ടണലിലൂടെ താഴെ കിടക്കുന്ന തമിഴ്‌നാട്ടിലേക്ക് വെള്ളം കൊണ്ടു പോകുമ്പോള്‍ 140 മെഗാവാട്ട് വൈദ്യുതി ഉല്‍പാദിപ്പിക്കാന്‍ സാധിക്കും. ആ വൈദ്യുതി നമുക്ക് കിട്ടണം. ഇതെല്ലാം ഗുണങ്ങളാണ്.

മാധ്യമങ്ങള്‍ക്കറിയേണ്ടത് എനിക്ക് ചെരുപ്പേറ് കിട്ടിയോ എന്നാണ്. പൊതുജനങ്ങളല്ലേ, അഞ്ചു വര്‍ഷം പുതിയ ഡാം എന്ന് മുദ്രാവാക്യം വിളിച്ചു കൊണ്ടിരുന്ന അവരോട് ഞാന്‍ പുതിയ ഡാം അല്ല പരിഹാരം എന്നു പറയുമ്പോള്‍ അവര്‍ പ്രതികരിക്കും. അവര്‍ പ്രതികരിച്ചു, എന്നെ ചരിപ്പെറിഞ്ഞു. പക്ഷേ, സംഗതി മനസ്സിലാക്കിയപ്പോള്‍ അവര്‍ ഇന്നലെ തന്നെ എനിക്ക് സിന്ദാബാദ് വിളിച്ചു. കാരണം, അവര്‍ അത്ര നിഷ്‌കളങ്കരായ ആളുകളാണ്. നിങ്ങള്‍ക്ക് പുതിയ ഡാം എന്ന്, ഒന്നും ചിന്തിക്കാതെ വിളിച്ചു പറയാം. പക്ഷേ, ഈ പാവങ്ങള്‍ക്ക് ചപ്പാത്ത് വിട്ടു പോകാനാവില്ല. അവരെക്കൊണ്ട് ഇനിയും പുതിയ ഡാം എന്ന് വിളിപ്പിക്കരുത്.

പുതിയ ഡാം എന്നത് എസ്റ്റാബ്ലിഷ്ഡ് ആയ ഒരു സാധനം ആണ്. 2006ല്‍ ഞങ്ങള്‍ സമരം തുടങ്ങുമ്പോള്‍ ഇതേക്കുറിച്ച് ഞങ്ങള്‍ക്കറിയില്ലായിരുന്നു. അന്ന് ഇത്രയും പ്രശ്‌നങ്ങളില്ലായിരുന്നു. 2011 ആയപ്പോള്‍, മാര്‍ച്ച് മുതല്‍ നവംബര്‍ വരെയുള്ള മാസങ്ങളില്‍ ഒന്‍പത് തവണയാണ് ഭൂമി കുലുങ്ങിയത്.

മുദ്രാവാക്യം മാറി എന്നതല്ല വിഷയം. ഞങ്ങള്‍ പുതിയ സാധ്യതയാണ് അന്വേഷിക്കുന്നത്. ഈ നിര്‍ദേശം പറയുന്നത് ചീഫ് എഞ്ചിനീയറോ പി.ജെ ജോസഫോ ആണെങ്കില്‍ ഇത് എല്ലാവരും ഏറ്റുപിടിക്കുമായിരുന്നു. ഒന്നുമല്ലാത്ത ഞങ്ങള്‍ പറഞ്ഞു എന്നതു കൊണ്ടു മാത്രമാണ് ഇത്രയും ആക്ഷേപം വരുന്നത്.

അന്‍പത് അടിയില്‍ ഒരു ടണല്‍ കെട്ടിയാല്‍ ഡാമിലെ ജലനിരപ്പ് 136 അടിയില്‍ നിന്നും 100 അടി ആക്കാന്‍ സാധിക്കും. നിലവിലെ ഡാമിനേക്കാള്‍ ഉയരത്തില്‍ പുതിയ ഡാം വരുമ്പോള്‍ പഴയ ഡാം അതിന്റെ അടിയില്‍ ആകും. അങ്ങിനെ ഒരു ഡാം കെട്ടി നിങ്ങള്‍ പോയാല്‍ ഞങ്ങളുടെ പുതിയ തലമുറ ഞങ്ങളോട് ക്ഷമിക്കില്ല. ഇതൊന്നും ചെവി കൊള്ളാതെ നിങ്ങള്‍ വന്ന് ഞങ്ങളുടെ തലയ്ക്ക് മുകളില്‍ നിലവിലെ ഡാമിനെക്കാള്‍ വലിയ മറ്റൊരു ഡാം കെട്ടുകയാണെങ്കില്‍ ഇനി ഞങ്ങളുടെ സമരം അതിനെതിരായിട്ടായിരിക്കും.

ഇന്നലെ ഞങ്ങള്‍ സമരത്തിന്റെ അഞ്ചാം വാര്‍ഷികം നടത്തി. 2012ല്‍ ഞങ്ങളുടെ സമരത്തിന് വാര്‍ഷികം ഇല്ല. മുല്ലപ്പെരിയാര്‍ സമരം ഇന്നലെ അവസാനിച്ചിരിക്കുന്നു. കാരണം, ഞങ്ങള്‍ പരിഹാരം കണ്ടെത്തിയിരിക്കുന്നു. തമിഴ്‌നാട്ടിലെ അഞ്ചു ജില്ലയിലെ കര്‍ഷക സംഘത്തിന്റെ നേതാവായ കെ.എം അബ്ബാസും അവിടുത്തെ ജനങ്ങളും ഞങ്ങളുടെ നിര്‍ദേശം അംഗീകരിച്ചിരിക്കുന്നു. ഇനി കേരളത്തിലെ അഞ്ചു ജില്ലയിലെ ജനങ്ങളും കൂടി ഈ പരിഹാര നിര്‍ദേശം എന്താണെന്ന് മനസ്സിലാക്കണം.

തുടരും

മുല്ലപ്പെരിയാര്‍ പ്രശ്‌ന പരിഹാരത്തിന് ഡാമില്ലാതെ ഒരു മാര്‍ഗ്ഗ നിര്‍ദ്ദേശം

Malayalam news

Kerala news in English

14 Responses to “മുല്ലപ്പെരിയാര്‍ സമരം അവസാനിച്ചുവെന്ന് സമരസമിതി ചെയര്‍മാന്‍”

  1. nellicodan

    ഇവന് പാണ്ടികള്‍ എത്ര കൊടുത്തുകാണും , കഷ്ടം !!!

  2. സന്ദീപ്‌

    1/4 ഭാഗം വെള്ളം ഡാമില്‍ നിന്ന് പോയാല്‍ പിന്നെ ഭൂമികുലുങ്ങിയാല്‍ പ്രശ്നമില്ലേ ? ഡാമില്‍ വെള്ളം കിടന്നതുകൊണ്ടാണോ ഇതുവരെ ആ ഭാഗത്ത്‌ ഭൂമി കുലുങ്ങിയത് ? ഒരു ഭൂകമ്പം ഉണ്ടാക്കാനുള്ള പ്രഷര്‍ മുല്ലപ്പെരിയാറിലെ വെള്ളത്തിനുണ്ടോ ? അഞ്ചു വര്‍ഷമായിട്ടു ഇപ്പോള്‍ മാത്രമാണോ ഈ ബുദ്ധി ഉദിച്ചത് ?

  3. Nidheesh C

    സി.പി റോയ് കാണിക്കുന്ന ഈ ധൈര്യത്തിന് അദ്ദേഹത്തെ അഭിനന്ദിച്ചേ മതിയാകൂ.. ‘പുതിയ ഡാം.. പുതിയ ഡാം’ എന്ന് കുരയ്ക്കുന്നവര്‍ക്ക് ഈ സമരം ഒരിക്കലും തീരരുത് എന്നാണു ആഗ്രഹം. തമിഴ്നാടിനു കൂടി സ്വീകാര്യമാവുന്ന ഒരു നിര്‍ദ്ദേശം ആദ്യമായാണ്‌ കേള്‍ക്കുന്നത്. പുതിയ ഡാം ഒരിക്കലും നടക്കാന്‍ പോകുന്നില്ല. അതുവരെ ഈ ഡാം നില്‍ക്കാനും പോകുന്നില്ല. കൂടുതല്‍ വെള്ളം തമിഴ്നാടിനു നല്‍കി അവരുണ്ടാക്കുന്ന വൈദ്യുതിയുടെ പണം വാങ്ങുകയാണ് നമുക്ക് നല്ലത്.

    എന്നാല്‍ ഇത് പറയേണ്ടിയിരുന്നത് മാധ്യമങ്ങളോട് അല്ല, സമരപന്തലില്‍ ആണ്. ഇന്നലെ സമരം തീര്‍ന്നെന്നു റോയി സാര്‍ പറഞ്ഞപ്പോള്‍ ഇന്ന് മുഴുവന്‍ അവിടെ കുത്തിയിരുന്ന് സമരം ചെയ്തവര്‍ ആരായി??

  4. anup

    ഇതാണ് മലയാളി.. കൂടെയുള്ളവരെ പണിയാന്‍ വേറെ ആര്‍ക്കു കഴിയും?? എത്ര ഏക്കര്‍ ഭൂമി കിട്ടിയോ എന്തോ??? അടുത്ത സമരം വരുമ്പോള്‍ ജയലളിത വിളിച്ചു പറയും.

  5. മിൻ

    പുതിയ ഡാം എന്നത് പരിഹാരമാകുന്നതെങ്ങിനെ? ഇവിടെ ഡാം ഉണ്ടാക്കണം എന്ന വാശി കാണിക്കുന്നതെന്തിന്? പകരം പരിഹാരമാർഗ്ഗങ്ങൾ പരിശോധിക്കെണ്ടി വരില്ലെ? പുതിയ ഡാം കെട്ടാൻ ഇനിയും എത്രപേരെ കുട്ഇയൊഴിപ്പിക്കണം? പരിഹാരം വിശദമായ പഠനത്തിനു് ശേഷം മാത്രമേ ആകാവൂ. കാരണം നാം ഇന്നിനെക്കുറിച്ച് മാത്രമല്ല നളെയേ പറ്റിയും ചിന്തിക്കേണ്ടതുണ്ട്

  6. anu jacob

    നാനമില്ലാത്ത്തവന്‍ സ്വയം വിട്ടു തിന്നു….

  7. Pradeep

    Barabbas was a criminal who was in prison when Jesus was brought to trial. Pilate offered the people a chance to free one prisoner of their choice, thinking they’d choose Jesus–but they asked for Barabbas’ release instead. ബൈബിളിലെ ഈ കഥയാണ് മുല്ലപ്പെരിയാര്‍ വിഷയത്തില്‍ എനിക്കോര്‍മ്മ വരുന്നത്..ഭൂകമ്പ സാധ്യതയുള്ള പ്രദേശത്ത് ഒരു അണക്കെട്ട് കൂടെ പണിയണം എന്ന് കേരളസമൂഹം ഉറക്കെ ആവശ്യപ്പെടുന്നു. പുതിയ അണക്കെട്ട് പൂര്‍ത്തിയാകാന്‍ 20 വര്‍ഷം എടുക്കുമെന്നറിഞ്ഞിട്ടും ഇപ്പോഴത്തെ ഭീഷണി തരണം ചെയ്യാന്‍ അത് മാത്രമാണ് ഒരു പോംവഴി എന്ന് ഭൂരിപക്ഷവും ഏറ്റു പാടുന്നു. ..നമുക്ക് പുതിയ അണക്കെട്ടും വേണ്ട പഴയ അണക്കെട്ടിലെ വെള്ളവും വേണ്ട, ഈ വെള്ളം എല്ലാം തമിഴ് നാട് ശേഖരിച്ചു അവരുടെ ഭൂമിയില്‍ അവരുടെ ജലസംഭരണികളുടെ ആഴം കൂട്ടി ഉപയോഗിച്ചോട്ടെ എന്നും, അങ്ങനെ മുല്ലപെരിയാറിലെ ജലനിരപ്പ്‌ ഉടനടി കുറയ്ക്കൂ എന്നും പറയാനുള്ള സാമാന്യബോധം പോലും മലയാളി ഭൂരിപക്ഷം കാണിക്കുന്നില്ലല്ലോ…യേശുവിനു വേണ്ടി വാദിക്കാതെ ഇപ്പോഴും ബരബ്ബാസിനു വേണ്ടി വാദിക്കുന്ന ഒരു ജനക്കൂട്ടം തന്നെയായി നാം മാറുന്നുവോ ?

  8. Pradeep

    സീ പീ റോയ് സാറിനെ സമരസമിതിക്കാര്‍ കോളറിനു പിടിച്ചു പുറത്താക്കിയ വാര്‍ത്തയും ഇപ്പോള്‍ അറിയാന്‍ കഴിഞ്ഞു..ഡാം പൊട്ടിയാല്‍ പതിനായിരക്കനക്കിനാളുകളുടെ ജീവന് ഭീഷണിയാണ്.പക്ഷെ കേരളജനത ഒരു ബിജിമോളുടെയും ഒരു പീജെ ജോസഫിന്റെയും ആഹ്വനത്തിന്റെ പുറത്ത് ഇത്തരം ഒരു തിരുമണ്ടന്‍ ആവശ്യം ഉന്നയിക്കുന്നത് അതിനേക്കാള്‍ വലിയ ആപത്താണ് സമൂഹത്തില്‍ ഉണ്ടാക്കുന്നത്. സീ പീ റോയിക്ക് വൈകി വന്ന വേളയിലെങ്കിലും ബുദ്ധി ഉദിച്ചല്ലോ.. നല്ലത്. അദ്ദേഹം ആ തീരുമാനത്തില്‍ നില്‍ക്കുന്നത് അദ്ദേഹത്തിനോടുള്ള ബഹുമാനം വര്‍ധിപ്പിക്കുന്നു. .പുതിയ ഡാം എന്നത്, അത് നാട്ടുകാരുടെ ജീവന്റെ പേരിലായാലും ജലകരാറിന്റെ പേരിലായാലും ഒരു തിരു മണ്ടന്‍ തീരുമാനം എന്നേ പറയാനാകു സുഹൃത്തുക്കളെ…അപകട ഭീഷണി ഒഴിവാക്കുന്നതും പുതിയ ഡാമും തമ്മില്‍ എന്ത് ബന്ധം എന്ന് നമ്മുടെ സമൂഹത്തിലെ ഓരോരുത്തരും ചിന്തിക്കട്ടെ…മാധ്യമങ്ങള്‍ പോലും ഇവിടെ പരാജിതരാകുന്നല്ലോ എന്നാലോചിച്ചു വിഷമം തോന്നുന്നു. (ഞാന്‍ കണ്ട ചിന്താശേഷി നഷ്ടപ്പെട്ട തിരുമണ്ടന്മാര്‍ പറയുന്ന പോലെ തമിഴന്റെ ചക്കാത്ത് വാങ്ങുന്നവരില്‍ ഒരുവനല്ല ഒരു അഞ്ചു നിമിഷം നാട്ടിലെ പ്രശ്നങ്ങളെ കുറിച്ചു ആത്മാര്‍ഥമായി ഓഫ്‌ ലൈന്‍ ചിന്ത നടത്തി. അത് മാത്രം…

  9. Manojkumar.R

    നിര്‍ദേശം സമര സമിതിയുടെ ഭാഗത്ത്‌ നിന്നുതന്നെയാനെന്നത് ഏറെ പ്രത്യാശ നല്‍കുന്നു.രാഷ്ട്രീയക്കാരുടെ “ഡാം ഡാം” കൊണ്ട് ഒരു പരിഹാരവും ഇവിടെ ഉണ്ടാകാന്‍ പോകുന്നില്ലെന്ന് ഇപ്പോഴെങ്കിലും തിരിച്ചറിയാന്‍ കഴിഞ്ഞല്ലോ!ഏറെ കാലമായി വിവാദത്തില്‍ പെട്ട് കിടക്കുന്ന ഈ പ്രശ്നം മാറി മാറി വരുന്ന ഗവണ്മെന്റുകള്‍ ഒന്നും തന്നെ മുഖവിലയ്ക്ക് എടുത്തില്ല.അവര്‍ക്ക് യഥാര്‍ത്ഥത്തില്‍ പ്രശ്നം അവസാനിക്കുകയല്ല വേണ്ടത്.പ്രശനം നിലനിര്‍ത്തുകയാണ്. ഉത്തരവാദിത പ്പെട്ട ഒരു ഗവണ്മെന്റിനും നിരാലംബരായ ഒരു ജനതയുടെ രോദനം കേള്‍ക്കാതിരിക്കാന്‍ കഴിയില്ല!ജനങ്ങളുടെ മനസ്സില്‍ മരണ ഭീതി ഉണ്ടാക്കി രാഷ്ട്രീയം കളിക്കുന്ന ഇത്തരക്കാരെ തിരിച്ചറിയാന്‍ ഈ വൈകിയ വേളയിലെങ്കിലും ആയല്ലോ എന്ന ആശ്വസമുണ്ടിപ്പോള്‍! കഴിഞ്ഞ ഒരു മാസക്കാലമായി എന്തായിരുന്നു കോലാഹലങ്ങള്‍?വകുപ്പ് മന്ത്രിക്കു പെട്ടെന്നൊരു സുപ്രഭാതത്തില്‍ ജനങ്ങളുടെ ജീവനെ കുറിച്ച് ബോധം വരുന്നു..,തന്റെ സ്ഥാനമാനങ്ങള്‍ക്ക്‌ പുല്ലുവില കല്‍പ്പിച്ചുകൊണ്ട് പ്രശ്ന പരിഹാരത്തിനായി മൈക്കില്‍ ഘോരഘോരം അലറുകയും വികാരം കൊള്ളുകയും ചെയ്യുന്നതിന്റെ ചിത്രങ്ങള്‍ ഇനിയും നമ്മുടെ മസ്സില്‍ നിന്നും മാഞ്ഞിട്ടില്ല.പിന്നെടങ്ങോട്ടു സമര കോലാഹലങ്ങള്‍ ….ഏവരും പിന്തുണ അറിയിക്കാന്‍ ചപ്പതിലെ സമരപന്തലിലേക്ക്..ഒഴുകുന്നു.ചാനലുകാര്‍ക്ക് ചാകരയുടെ കാലവും..ഏതു മാധ്യമം എടുത്തു നോക്കിയാലും മുല്ലപെരിയാര്‍..മുല്ലപെരിയാര്‍.. മാത്രം! മന്ത്രിയുടെ വകയായി dam നെ കുറിച്ച് പ്രശ്നോത്തരി..ചാനലുകള്‍ യഥാര്‍ത്ഥത്തില്‍ ആഘോഷിക്കുകയായിരുന്നു’അക്കാലത്തു പ്രക്ഷേപണം ചെയ്ത മിക്ക സിനിമകളിലും തമിഴ് മയാളം കലര്‍ന്നിരുന്നു.എല്ലാവര്ക്കും ഇരപിടിക്കാന്‍ വേണ്ടി ഒരു പ്രശ്നം നിര്‍മ്മിചെടുക്കുകയും അത് ആഘോഷിക്കുകയും ചെയ്യുകയെന്നത് ഏറെ ക്രൂരവും നിന്ദ്യവുമാനെന്നു നമുക്ക് അറിയഞ്ഞിറ്റൊന്നുമല്ല …എങ്കിലും നമ്മള്‍ അതൊക്കെ ചെയ്യുന്നു.കാരണം നമ്മുടെ മനസ്സുകളെ ഒക്കെ സ്പോന്‍സര്‍ ചെയ്തിരിക്കുന്നത് മറ്റാരോ ആണ്.അത് കൊണ്ട് തന്നെ ഈ സ്പോന്‍സര്‍ മാരോട് നമുക്ക് അളവില്‍ കവിഞ്ഞ ഭയ ഭക്തിയാണ് ഉള്ളത്. സ്വന്തമായി ചിന്തിച്ചു തീരുമാനം എടുക്കാന്‍ കഴിയാത്ത വികൃത ജീവികള്‍ മാത്രമായി നമ്മള്‍ മാറിപ്പോയി. നമ്മള്‍ എല്ലാം രാഷ്ട്രീയക്കാരനെ ഏല്‍പ്പിച്ചു തീര്‍പ്പിനായി കാത്തിരിക്കുന്നു.യഥാര്‍ത്ഥ പ്രശ്നം അയല്‍ക്കാരനുമായി സംസാരിച്ചു രമ്യമായി പരിഹരിക്കവുന്നതെയുള്ളൂ. എന്നാല്‍ ഇതൊന്നുമായി യാതൊരു ബന്ധവുമില്ലാത്ത മൂന്നമാതോരാളെ കൂട്ടി സംസാരിക്കുമ്പോള്‍ അത് പരിഹരിക്കപ്പെടാതിരിക്കുന്നു.ശര്ക്കരയുണ്ട കിട്ടിയ കഴുതകളെ പോലെ നമ്മള്‍ ഇന്നും കുരങ്ങനെ തന്നെ തീര്‍പ്പിനായി ഏല്‍പ്പിച്ചു കാത്തിരിക്കുന്നു.

  10. Jacob

    ”സത്യത്തെ മറികടക്കാന്‍ നമ്മള്‍ മലയാളികളും പഠിച്ചു കഴിഞ്ഞു”….മുല്ലപ്പെരിയാര്‍ സമരത്തിന്റെ ഇപ്പോളത്തെ വിവാദങ്ങളില്‍ നിന്നും തെളിയുന്നത് അതാണ്‌…രാഷ്ട്രീയക്കാര്‍ പറയുന്നത് കള്ളമാനെന്നറിഞ്ഞിട്ടും നമ്മള്‍ അവര്‍ക്ക് കൂട്ടുനില്‍ക്കുന്നു….കൂട്ട്ടിക്കൊടുക്കുന്നു അവര്‍ക്കുവേണ്ടി…പരമ സാത്വികനും മനുഷ്യത്വത്തിന്റെ ആള്രൂപവും ജനങ്ങളുടെ നേതാവുമായ സി പി റോയിയെ നമ്മള്‍ ക്രൂഷിക്കുന്നു…ഈ രാഷ്ട്രീയ ചെന്നയ്ക്കള്‍ക്ക് വേണ്ടി..ഇന്ന് കുറെ ചതിയന്മാരുടെ ജല്‍പ്പനങള്‍ കേട്ട് നമ്മളും ഇവരെ തള്ളിപ്പറയുകയാണോ….ചരിത്രം നമുക്ക് മാപ്പ് തരില്ല…അദ്ദേഹത്തെ പോലെ ഒരു മനുഷ്യനെ വേദനിപ്പിച്ച്ചാല്‍…..നമ്മുടെ രാഷ്ട്രീയ നേതാക്കള്‍ ഈ സമരത്തെ തള്ളിപ്പറഞ്ഞു നടത്തിയ പ്രസ്ഥാവനയെക്കള്‍…ഇന്ന് ആന്തണി നടത്തിയ പ്രസ്ഥാവനയെക്കാള്‍ എന്ത് തെറ്റാണ് എതിര്‍ക്കപ്പെടേണ്ട എന്ന് പ്രസ്താവനയാണ് സി പി റോയ് എന്ന ജനനെതാവ് നടത്തിയത്…ഈ സമരം സമാധാനപരമായി അതിന്റെ ലക്‌ഷ്യം നേടണം എന്ന് ആഗ്ര്രഹിച്ചതോ..അതോ നമ്മുടെ രാഷ്ട്രീയ യജമാനന്മാരുടെ താല്‍പ്പര്യങ്ങള്‍ക്കു വഴങ്ങതതോ….പ്രിയ സുഹൃത്തുക്കളെ വന്ന വഴികള്‍ മറക്കരുതേ…..ആട്ടിന്തോലിട്ട ചെന്നായ രാഷ്ട്രീയക്കാരുടെ വലയില്‍ വീഴാതെ നമുക്ക് ഈ ധര്മാസമരവുമായി മുന്നേറാം . ലക്‌ഷ്യം കാണും വരെ…..

  11. Thomson

    We need to think seriously and study about the feasibility of Prof. Roy’s suggestions. This may be a good way to fulfill the demands of our slogan; safety for Kerala and water for TN. Safety is of primary priority. If the experts support his arguments, this is a great suggestion in which we can also assure water for TN as well. We have suffered some irrationally emotional responses from our neighbours. But let us not think about vengeance or retaliation, because: first of all such measures cannot undo the evil which is already done; secondly, it would be against our noble self esteem of being literate and more rational.
    WHAT WE NEED NOW IS SOME EXPERT OPINION ON THIS SUGGESTION. May be it was a bit too hasty on the part of Prof. Roy to present it to the media. But considering his consistent and sincere commitment to the issue, that can be overlooked.

  12. suresh

    റബ്ബര്‍ പാര്‍ട്ടി ഇത് ഏറ്റുപിടിച്ചപ്പോള്‍തന്നെ സംശയമായിരുന്നു. ഇപ്പോള്‍ അത് മാറികിട്ടി. ‘തടയണ’ കാര്യത്തിലാണ് രാഷ്ട്രീയപാര്‍ട്ടികള്‍ക്ക് പൊതുവെ താത്പര്യം. ഇത്തരത്തിലോരു സാധ്യത ആരാണ് ഡാമില്‍ താഴ്ത്തിവെച്ചിരുന്നത് എന്നും അന്വേഷിക്കണം.

  13. Gopakumar N.Kurup

    തമിഴ് നാടിന്റെ ഭയം വെള്ളം കിട്ടുമോ എന്നതിൽ മാത്രമല്ല എന്നു മനസ്സിലാക്കുന്നത് നന്ന്..!! വെള്ളം എക്കാലത്തും തമിഴന്റെ വിഷയം തന്നെയായിരുന്നു.. അവന്റെ രാഷ്ട്രീയ പാർട്ടികളെ വളർത്താൻ അവൻ ഏറ്റവും കൂടുതൽ ഉപയോഗിക്കുന്നതും ഇതേ കാര്യം തന്നെ..!! കർണ്ണാടകയിലെ കാവേരി മുതൽ കേരളത്തിന്റെ മുല്ലപ്പെരിയാർ വരെ നീളുന്നു അവന്റെ രാഷ്ട്രീയം..!! വെള്ളം ലഭിച്ചാൽ മാത്രം പോരാ മറിച്ച് ആ ഡാമിന്റെ പൂർണ്ണ നിയന്ത്രണം കൂടി തങ്ങൾക്ക് വേണം എന്നതാണു തമിഴ്നാടിന്റെ വാദം..!! ഈ വെള്ളത്തിൽ നിന്നും ലക്ഷക്കണക്കിനു രൂപയുടെ വൈദ്യുതി ഉത്പാദിപ്പിച്ചു അതു കേരളത്തിനു വിൽക്കുകയും ചെയ്യുന്നുണ്ട് തമിഴ്നാട് എന്നറിയുക..!! അവരുടെ വിഷയം അതൊക്കെയാണു..!! ശിവഗംഗയിലെയും മധുരയിലേയും രാമനാഥപുരത്തെയും കർഷകരുടെയും ജനങ്ങളുടേയും വേവലാതിയല്ല അവരുടെ വിഷയം..!! എന്തിനോടും തീവ്രമായി പ്രതികരിക്കുന്ന തമിഴ്ജനതയുടെ മനസ്സിളക്കി വോട്ടുബാങ്ക് രാഷ്ട്രീയം കളിക്കുക എന്നത് മാത്രമാണു..!! വൈദ്യുതിയ്ക്കായി ഒരു ഇടുക്കിയെ മാത്രം ആശ്രയിക്കുന്ന നാം പുതിയ ഡാം എന്ന ആശയവുമായി മുന്നോട്ടു പോയേ മതിയാകൂ..!! എങ്കിൽ മാത്രമേ ആ ഡാമിന്റെ നിയന്ത്രണം നമുക്ക് ലഭ്യമാകയുള്ളൂ..!! തമിഴ്നാടിനു വെള്ളം നൽകുന്നതിനൊപ്പം ആ വെള്ളത്തിൽ നിന്നുൽപ്പാദിപ്പിക്കുന്ന ലോകത്തിന്റെ ഏറ്റവും കുറഞ്ഞ ചിലവുള്ള വൈദ്യുതി നൽകുന്ന ജലവൈദ്യുത നിലയം എന്ന ആശയം നമ്മൾ പ്രാവർത്തികമാക്കിയേ മതിയാകൂ..!! പ്രത്യേകിച്ചും ഇരുട്ടിലേക്കു നീങ്ങുന്ന ഒരു സംസ്ഥാനം..!! തമിഴ്നാടിനു വെള്ളം നൽകുക എന്നത് പരമപ്രധാനമായ കാര്യം തന്നെയാണു..!! ഒപ്പം കേരളത്തിന്റെ താത്പര്യങ്ങൾ സംരക്ഷിക്കുക തന്നെ വേണം..!! പ്രാദേശിക വികാരങ്ങൾ ഇളക്കിവിടുന്ന തമിഴ് പാർട്ടികളുടെ തനിനിറം വെളിച്ചത്തു കൊണ്ടു വരാൻ ജയലളിത നൽകിയതു പോലെ ഒരു പത്രപരസ്യം നൽകാൻ പോലും കേരളത്തിനു കഴിയാത്തതെന്തേ..??

  14. boby

    c .p roy നിങ്ങള്‍ക്ക് തെറ്റ് പടി സമരം എപ്പോളും നടക്കുന്നു .സമരം നിറുത്താന്‍ നിങ്ങള്ക്ക് എന്തു കാര്യും ? സമരം എവ്ടുതെയ ജനം തുടങ്ങിയത് അത് ജനം തീരുമാനിക്കും നിങ്ങള്‍ മുന്നില്‍ കയെറി നിന്നാതല്ലേ ഊല്ലു ..ചതി കനീച് സമര സാമിതിയ ഓടുകൊടുതീല ?

LEAVE YOUR COMMENTS

Press ctrl+g to toggle between English and Malayalam.