Categories

അഭിഷേക് സിംഗ്‌വി പ്രശ്‌നം അച്ചടക്കസമിതിക്ക് വിട്ടു

ന്യൂദല്‍ഹി: ലോട്ടറിക്കേസില്‍ സാന്റിയാഗോ മാര്‍ട്ടിനുവേണ്ടി ഹാജരായതിനെത്തുടര്‍ന്ന് വിവാദത്തില്‍പ്പെട്ട അഭിഷേക് മനു സിംഗ്‌വിയുടെ ഭാവി കോണ്‍ഗ്രസ് അച്ചടക്കസമിതി തീരുമാനിക്കും. സിംഗ്‌വിക്കെതിരേ നടപടിയെടുക്കണമെന്നാവശ്യപ്പെട്ട് കെ പി സി സി അയച്ച കത്ത് അച്ചടക്കസമിതിക്ക് കൈമാറിയിട്ടുണ്ട്.

പ്രതിരോധമന്ത്രി എ കെ ആന്റണിയാണ് അച്ചടക്കസമിതിയുടെ അധ്യക്ഷന്‍. അതിനിടെ സിംഗ്‌വിയുടെ നടപടി അതീവഗൗരവത്തോടെയാണ് കാണുന്നതെന്ന് എ ഐ സി സി ജനറല്‍ സെക്രട്ടറി ജനാര്‍ദ്ദന്‍ ദിവേദി പറഞ്ഞു. എന്നാല്‍ എത്ര ദിവസത്തിനകം കത്ത് പരിശോധിച്ച് നിര്‍ദ്ദേശങ്ങള്‍ സമര്‍പ്പിക്കണമെന്ന് എ ഐ സി സി വ്യക്തമായിട്ടില്ല. എത്രയുംവേഗം അച്ചടക്കസമിതി ഇക്കാര്യത്തില്‍ തീരുമാനമെടുക്കുമെന്ന് ദിവേദി പറഞ്ഞു.

അതിനിടെ സിംഗ്‌വിക്കെതിരെ കടുത്ത നടപടി വേണമെന്ന ആവശ്യത്തില്‍ ഉറച്ചുനില്‍ക്കുകയാണ് കെ പി സി സി നേതൃത്വം. കൂടാതെ കേസില്‍ നിന്ന് പിന്‍മാറിയശേഷം സിംഗ്‌വി നടത്തിയ ചില അഭിപ്രായപ്രകടനങ്ങളും സംസ്ഥാന കോണ്‍ഗ്രസ് നേതൃത്വത്തെ ചൊടിപ്പിച്ചിട്ടുണ്ട്.

LEAVE YOUR COMMENTS

Press ctrl+g to toggle between English and Malayalam.