Categories

ചൈനയില്‍ ഓണ്‍ലൈന്‍ പ്രക്ഷോഭം ശക്തമാകുന്നു

ബീജിങ്: ലോകമെങ്ങും പടരുന്ന സര്‍ക്കാര്‍ വിരുധ കലാപത്തിന്റെ അലയൊലികള്‍ ചൈനയിലും പ്രതിഫലിക്കുന്നു. മനുഷ്യാവകാശങ്ങള്‍ക്കും സംഘം ചേരുന്നതിനും കര്‍ശന നിയന്ത്രണമുള്ള ചൈനയില്‍ ‘ ഓണ്‍ലൈന്‍ പ്രക്ഷോഭ’ മാണ് അരങ്ങേറുന്നത്.

അറബ് രാഷ്ട്രങ്ങളില്‍ ആരംഭിച്ച മുല്ലപ്പൂ വിപ്ലവം ചൈനയിലേക്കും പരത്താനാണ് പ്രക്ഷോഭകാരികളുടെ ശ്രമം. ജനാധിപത്യപോരാട്ടങ്ങള്‍ക്ക് പിന്തുണ നല്‍കുക എന്ന ആഹ്വാനത്തോടെയാണ് ഓണ്‍ലൈന്‍ പ്രക്ഷോഭങ്ങള്‍ അരങ്ങേറുന്നത്.

യുവാക്കളും ചൈന പുറത്താക്കിയ രാഷ്ട്രീയ-സാമൂഹിക നേതാക്കളുമാണ് സമരാഹ്വാനത്തിന് പിന്നില്‍ പ്രവര്‍ത്തിക്കുന്നത്. രാജ്യത്തിന് പുറത്തുനിന്ന് അവര്‍ ചൈനീസ് യുവജനതയെ ആവേശഭരിതരാക്കുന്നു.

ചൈനിയിലെ ഏറ്റവും വലിയ മൈക്രോബ്ലോഗായ വിയ്‌ബോയിലാണ് ഇത്തരം ജനാധിപത്യ ചര്‍ച്ചകള്‍ അധികവും നടക്കുന്നത്. അതുകൊണ്ടുതന്നെ മുല്ലപ്പൂ എന്നര്‍ത്ഥം വരുന്ന ‘ ജാസ്മിന്‍’ എന്ന പദം സെര്‍ച്ച് ചെയ്യുന്നതു തന്നെ സര്‍്ക്കാര്‍ നിരോധിച്ചിട്ടുണ്ട്.

അതിനിടെ ‘ഓണ്‍ലൈന്‍ വിപ്ലവത്തിന്’ നേതൃത്വം നല്‍കുന്നവരെ പിടികൂടാനുള്ള നീക്കം സര്‍ക്കാര്‍ ആരംഭിച്ചിട്ടുണ്ട്. ഇന്റര്‍നെറ്റ് കഫേകളിലും വീടുകളിലും വരെ പോലീസ് റെയ്ഡ് ആരംഭിച്ചിട്ടുണ്ട്. ഇതിനകംതന്നെ നൂറോള പേരെ പോലീസ് അറസ്റ്റ് ചെയ്തിട്ടുണ്ട്.

LEAVE YOUR COMMENTS

Press ctrl+g to toggle between English and Malayalam.