Categories

മാമ്പഴം പോലെ ഈ മാമ്പഴക്കാലം

mango-childപരീക്ഷാച്ചൂടിനും, പഠനഭാരത്തിനും ഇനി കുറച്ചുനാള്‍ വിട. ഇത് അവധിക്കാലമാണ്. മാവിന്‍ ചുവട്ടില്‍ മിശ്‌റ് കടികൊണ്ടും കള്ളനും പോലീസും കളിച്ചും, വേനലവധിയുടെ ചൂട് മാറ്റുന്ന കുട്ടികളുടെ കാലം ഏതാണ്ട് കഴിഞ്ഞു. ഇന്ന് ക്രിക്കറ്റും, ടെലിവിഷനും, ട്യൂഷനും, വെക്കേഷന്‍ ക്ലാസുമൊക്കെ അപഹരിക്കുകയാണ് ഈ അവധിക്കാലം.

എങ്കിലും മാമ്പഴത്തിനോട് കുട്ടികള്‍ക്കുള്ള പ്രിയം കുറഞ്ഞിട്ടില്ല. ഇപ്പോഴും മുറ്റത്തെ മാവില്‍ നിന്നും മാമ്പഴം വീഴുന്ന ശബ്ദം കേട്ടാലുടന്‍ ഓടിയെത്തി മാമ്പഴമെടുക്കുന്നവരാണിവര്‍. പഞ്ചാരമാങ്ങ, കപ്പായി മാങ്ങ, നാട്ടുമാങ്ങ, കോഴിക്കോടന്‍ മാങ്ങ, എന്നിങ്ങനെ പല പേരും രുചിയുമായി മാമ്പഴമിന്നും പഴങ്ങളുടെ രാജാവായി വിലസുകായാണ്.

കടയില്‍ നിന്ന് വാങ്ങുന്ന മാമ്പഴത്തേക്കാള്‍ കുട്ടികള്‍ക്ക് പ്രിയം നാടന്‍ മാമ്പഴത്തോടാണ്. അതിന്റെ രുചി ഒന്നുവേറെയാണ്. പിന്നെ കീടനാശിനികളും, അഴുക്കും ശരീരത്തിലെത്തുന്നതും കുറയും. എന്നാല്‍ ശ്രദ്ധിച്ചില്ലേല്‍ അബദ്ധം പറ്റും കെട്ടോ, മാമ്പഴത്തില്‍ പുഴുക്കളുണ്ടോ എന്ന് നോക്കി വേണം കഴിക്കാന്‍. അല്ലെങ്കില്‍….

മാവിന്‍ ചുവട്ടില്‍ നിന്നുകിട്ടുന്ന മാമ്പഴങ്ങളില്‍ മിക്കതും അണ്ണാറക്കണ്ണനോ കാക്കയോ തിന്നതിന്റെ ബാക്കിയായിരിക്കും. ഇതൊഴിവാക്കാന്‍ നാം മാമ്പഴം പഴുക്കാന്‍ തുടങ്ങുന്നതിന് തൊട്ടുമുന്‍പ് പറിച്ച് വയ്ക്കും. എങ്ങിനെയാണ് പഴുപ്പിക്കേണ്ടതെന്നറിയാമോ? മാമ്പഴം ഒരു മണ്‍ചട്ടിയിലിട്ട് അതില്‍ കുറച്ച് വൈക്കോലും കൊന്നയിലയോ, ശീമയിലയോ ഇട്ട് വയ്ക്കുക. അല്ലെങ്കില്‍ പഴുത്താല്‍ സ്വാഭാവികമായ രുചി കിട്ടുകയില്ല.

മൂന്നാല് ദിവസം കഴിഞ്ഞ് ഈ മാമ്പഴമെടുത്ത് കഴുകിയശേഷം കഴിക്കാം. ഒരികയ്യില്‍ പാതികഴിച്ച മാമ്പഴവും ശരീരം മുഴുവന്‍ അതില്‍ നിന്നുമൊലിച്ച മഞ്ഞ നീരും.. ഹായ് നല്ല രസമുണ്ട്!

LEAVE YOUR COMMENTS

Press ctrl+g to toggle between English and Malayalam.