Administrator
Administrator
കാശ്മീരികളുടെ ഹൃദയം ജയിക്കാനാവണം: ചിദംബരം
Administrator
Friday 6th August 2010 4:11pm

ന്യൂദല്‍ഹി: കാശ്മീരികളുടെ ഹൃദയം ജയിച്ചുകൊണ്ടേ നിലവിലുള്ള പ്രശ്‌നം പരിഹരിക്കാനാവൂവെന്ന് ആഭ്യന്തരമന്ത്രി പി ചിദംബരം. ഹുറിയത് കോണ്‍ഫ്രന്‍സ് ഉള്‍പ്പെടെയുള്ള സംഘടനകളുമായി സര്‍ക്കാര്‍ ചര്‍ച്ചക്ക് തയ്യാറാണെന്നും അദ്ദേഹം വ്യക്തമാക്കി.

കാശ്മീരില്‍ സൈന്യത്തിനുള്ള പ്രത്യേക അധികാരം പിന്‍വലിക്കുന്ന കാര്യവും സൈനിക സാന്നിധ്യം കുറക്കുന്ന കാര്യവും സര്‍ക്കാര്‍ പരിഗണിക്കുമെന്ന് അദ്ദേഹം രാജ്യസഭയില്‍ പറഞ്ഞു.

അടുത്ത തിങ്കളാഴ്ച കാശ്മീര്‍ വിഷയത്തില്‍ പ്രധാനമന്ത്രി പ്രത്യേക യോഗം വിളിച്ച് ചേര്‍ക്കുന്നുണ്ട്. രാഷ്ട്രീയ പാര്‍ട്ടികളുടെ പാര്‍ലിമെന്ററി നേതാക്കളെയും യോഗത്തിലേക്ക് ക്ഷണിക്കും.

സിവിലിയന്‍ പ്രക്ഷോഭം അഴിച്ച് വിട്ട് കാശ്മീരിനെ അസ്വസ്ഥമാക്കുകയെന്ന പുതിയ തന്ത്രാണ് പാകിസ്ഥാന്‍ സ്വീകരിച്ചിരിക്കുന്നത്.

‘ കാശ്മീരികളുടെ ഹൃദയവും മനസും ജയിക്കുകയാണ് പ്രധാനം. രാഷ്ടീയ പരിഹാരമാണ് പ്രശ്‌ന പരിഹാത്തിനുള്ള ഏക മാര്‍ഗം. അതിന് ചര്‍ച്ചകള്‍ നടക്കണം. ഹുറിയത് കോണ്‍ഫറന്‍സ് നേതാക്കളുമായി സര്‍ക്കാര്‍ 2009ല്‍ ചര്‍ച്ചക്ക് തയ്യാറായിരുന്നു. എന്നാല്‍ ഒഹുറിയത് നേതാവ് കൊല്ലപ്പെട്ടതോടെ അത് തുടരാനാവാതെ പോയി’- ചിദംബരം വ്യക്തമാക്കി.

അതേസമയം ശ്രീനഗറില്‍ കര്‍ഫ്യൂ തുടരുകയാണ്. 250 ഓളം പേര്‍ പരിക്കേറ്റ് വിവിധ ആശുപത്രികളിലാണ്. ഇതില്‍ ആറു പേരുടെ നില ഗുരുതരമാണ്. കൂടുതല്‍ പേര്‍ക്കും വെടിയേറ്റുണ്ടായ പരിക്കാണെന്ന് ആശുപത്രി വൃത്തങ്ങള്‍ വ്യക്തമാക്കി. കര്‍ഫ്യൂ കാരണം ജനങ്ങളുടെ സാധാരണ നില തകിടം മറിഞ്ഞിരിക്കയാണ്. വിവധ സംഘര്‍ഷങ്ങളിലായി ഒരാഴ്ചക്കുള്ളില്‍ 30 ഓളം പേരാണ് കാശ്മീരില്‍ മരിച്ചത്.

Advertisement