Categories

ഇന്ത്യാവിഷനെതിരെ ‘ചന്ദ്രിക’

മലപ്പുറം: പാര്‍ട്ടിയുടെയും നേതൃത്വത്തിന്റെയും പ്രതിഛായ നഷ്ടപ്പെടുത്തുന്ന രീതിയില്‍ വാര്‍ത്തകള്‍ പുറത്ത് വിടുന്ന ചാനലുകള്‍ക്കെതിരെ മുസ്‌ലിം ലീഗ് മുഖപത്രമായ ‘ചന്ദ്രിക’ ശക്തമായി രംഗത്ത്. പ്രധാനമായും ഇന്ത്യാവിഷന്‍ ചാനലിനെതിരെയാണ് പത്രം എഡിറ്റോറിയലുകളിലൂടെയും ലേഖനങ്ങളിലൂടെയും വിമര്‍ശനം അഴിച്ചു വിടുന്നത്.

‘ബ്രേക്കിംഗ് ന്യൂസ്’ എന്ന തലക്കെട്ടില്‍ ഇന്നലെ ചന്ദ്രിക പ്രസിദ്ധീകരിച്ച എഡിറ്റോറിയലില്‍ പ്രധാനമായും ഇന്ത്യാവിഷന്‍ ചാനലിനെയാണ് വിമര്‍ശിച്ചത്. ഐസ്‌ക്രീം കേസിന്റെയും രണ്ട് പെണ്‍കുട്ടികളുടെയും ചെലവില്‍ പരസ്യം പോലും മാറ്റിവെച്ച് തരംതാണ വ്യക്തിഹത്യ നടത്തുകയാണ് ചാനല്‍ ചെയതതെന്നും ജുഗുപ്‌സാഹവമായ മാധ്യമ പ്രവര്‍ത്തനമാണ് ഇവര്‍ നടത്തുന്നതെന്നും എഡിറ്റോറിയല്‍ കുറ്റപ്പെടുത്തുന്നു.

പൊതുജനങ്ങളെ തെറ്റിദ്ധരിപ്പിക്കാന്‍ വേണ്ടി മാത്രം ആരുടെയോ ക്വട്ടേഷനെടുത്ത് ഈ ചാനല്‍ വസ്തുതകളുമായി ബന്ധമില്ലാത്ത കാര്യങ്ങള്‍ പ്രചരിപ്പിക്കുകയാണ്. പാര്‍ട്ടിക്കെതിരെ ആരോപണങ്ങള്‍ അഴിച്ചു വിടുന്നതിനാല്‍ ഈ ചാനലിനെ ഇടതു മുന്നണിയിലെ ഘടകകക്ഷിയാക്കുന്നതിനെ കുറിച്ച് ചര്‍ച്ച ചെയ്യാമെന്നും ചാനലിന്റെ എക്‌സിക്യുട്ടീവ് എഡിറ്ററായ അഭിനവ സ്വദേശാഭിമാനിയെ ഇടതുമുന്നണി യോഗത്തില്‍ പങ്കെടുപ്പിക്കാമെന്നും ചന്ദ്രിക വിമര്‍ശിക്കുന്നു.

ഐസ്‌ക്രീം കേസില്‍ മന്ത്രി പി.കെ കുഞ്ഞാലിക്കുട്ടിയെ പ്രതിചേര്‍ക്കേണ്ടതില്ലെന്ന് നിയമോപദേശം നല്‍കാന്‍ അഡ്വക്കേറ്റ് ജനറലായിരുന്ന എം.കെ ദാമോദരന്‍ കോഴ വാങ്ങിയതിനുള്ള തെളിവുകള്‍ ഇന്ത്യാവിഷന്‍ പുറത്തുവിട്ടിരുന്നു. എം.കെ.ദാമോദരന്റെ ജൂനിയറായിരുന്ന അഭിഭാഷകന്‍, ഓഫീസ് ക്ലാര്‍ക്ക്, കാസര്‍കോട്ടെ മുസ്‌ലിം ലീഗിന്റെ മുന്‍ നേതാവ് എന്നിവര്‍ സ്ഥിരീകരിക്കുന്ന ഒളിക്യാമറ ദൃശ്യങ്ങളും ചാനല്‍ അടുത്തിടെ പുറത്തുവിട്ടിരുന്നു.

ഇതിനുശേഷം, ഇന്ത്യാവിഷന്‍, റിപ്പോര്‍ട്ടര്‍ എന്നീ വാര്‍ത്താചാനലുകള്‍ക്കെതിരെ നിയമനടപടി സ്വീകരിക്കാന്‍ മുസ്‌ലിം ലീഗ് സംസ്ഥാന സെക്രട്ടേറിയറ്റ് യോഗം തീരുമാനിച്ചിരുന്നു. ലീഗ് നേതാക്കള്‍ക്കെതിരായ അപവാദങ്ങള്‍ ചെറുക്കാനും വിശദീകരിക്കാനും നവംബര്‍ 15 മുതല്‍ സംസ്ഥാനവ്യാപകമായി പ്രചാരണം നടത്താനും യോഗം തീരുമാനിച്ചിരുന്നു.

9 Responses to “ഇന്ത്യാവിഷനെതിരെ ‘ചന്ദ്രിക’”

  1. jaison mathew

    സത്യം വിളിച്ചു പറയുന്നവരെ എല്ലാം ഇടതു മുന്നണി ആക്കിയോ ചന്ദ്രിക കുഞ്ഞാലിക്കുട്ടിയെ ചുമന്ന് ലീഗും നാറുകയാ

  2. roshan

    ഇന്ത്യ വിസ്ഷന് അല്ലെങ്കിലും ഒരു എല്ല് kooduthalaaa

  3. noushad

    ഇന്ത്യ വിഷന്‍ ഒരു തുടക്കം മാത്രം. നിയമ നടപടി എടുത്താല്‍ ലീഗ് നാറും

  4. Manojkumar.R

    പത്രധര്‍മം എന്തെന്ന് പഠിക്കണമെങ്കില്‍ ചന്ദ്രിക വായിക്കണം!

  5. Observer

    എസ്.എഫ്.ഐ പ്രവര്‍ത്തകയായിരുന്ന ചാനലിലെ തിരുവനന്തപുരം ലേഖിക അധ്യാപകര്‍ പരീക്ഷ ബഹിഷ്‌കരിക്കുന്നു എന്ന വാര്‍ത്ത ടെല്കിസാറ്റ് ചെയ്യുന്നത് ഇപ്രകാരം
    ”… നേരത്തെ തന്നെ വിദ്യാഭ്യാസ മേഖലയില്‍ പി കെ അബ്ദുര്‍റബ്ബ് കൊണ്ടുവന്ന പരിഷ്‌കാരങ്ങള്‍ പലതും കടുത്ത വിമര്‍ശനങ്ങള്‍ക്കു വിധേയമായിട്ടുണ്ട്. ഇതിനു പുറമെയാണ് ഓണപ്പരീക്ഷ നടപ്പാക്കാനുള്ള നീക്കം…” മന്ത്രി ചുമതലയേറ്റ് രണ്ടുമാസമായപ്പോഴാണ് ലേഖകയുടെ വിലയിരുത്തല്‍. ചാനല്‍ ലേഖകര്‍ക്ക് പൊളിറ്റിക്‌സ് ഉണ്ടാവും. എന്നാല്‍, അത് വാര്‍ത്തയില്‍ നിഴലിക്കാതിരിക്കാനാണ് ഡസ്‌കില്‍ ന്യൂസ് എഡിറ്ററടക്കമുള്ളവര്‍.
    സീനിയര്‍ എഡിറ്റര്‍മാര്‍ ലേഖികയേക്കാള്‍ വലിയ സി.പി.എമ്മുകാരും ബി.ജെ.പിക്കാരും ആവുമ്പോള്‍ പിന്നെ…!
    ആര്‍.എസ്.എസ് വിദ്യാര്‍ഥി വിഭാഗമായ എ.ബി.വി.പിയുടെ നേതാവ് ഈയടുത്തുവരെ ന്യൂസ് ഡയറക്ടറായിരുന്നല്ലോ ഇന്ത്യാവിഷനില്‍.!

  6. journalist

    പ്രസ്‌ക്ലബ് പിള്ളേര്‍ വിവര്‍ത്തനം ചെയ്യുന്ന ടേക്കുകള്‍ അപ്പടി സ്റ്റുഡിയോയില്‍ നിന്നു വായിക്കുന്നതിനാല്‍ ഇന്ത്യാവിഷനിലെ വിദേശ വാര്‍ത്തകള്‍ കേള്‍ക്കുമ്പോള്‍ ചിരിവരും. പ്രത്യേകിച്ചു മുസ്്‌ലിം രാഷ്ട്രങ്ങളില്‍ നിന്നുള്ള വാര്‍ത്തകള്‍!

  7. subin

    ചിരി വരുന്നത് ‘പ്രസ്‌ ക്ലബ്‌ പിള്ളേര്‍ ‘ തര്‍ജമ ചെയ്യുന്നതു കൊണ്ടാണെങ്കില്‍, ചിരിച്ചു മരിക്കാനാണ് സാധ്യത .

  8. koazhikoden

    കുഞ്ഞാലിക്കുട്ടിക്കെതിരേ റഊഫ് ആദ്യ വെളിപ്പെടുത്തലുകള്‍ നടത്തിയതിനു തൊട്ടുമുമ്പുള്ള ദിവസം.!
    വൈകീട്ട് പതിവില്ലാതെ പ്രസ്‌ക്ലബ്ബിലെത്തിയ ഇന്ത്യാവിഷന്‍ കാമറാമാന്‍ ലൈവ് ടെലികാസ്റ്റിങിനുള്ള സംവിധാനങ്ങള്‍ ഒരുക്കുന്നു. ഇപ്പോഴിത് എന്തിനെന്നു ചോദിച്ചപ്പോള്‍ ഇന്ത്യാവിഷന്‍കാരന്‍ പറഞ്ഞത്, ഇലക്ഷനല്ലേ വരുന്നത്. എന്തെങ്കിലുമൊക്കെ കാണുമെന്നാണ്. പിറ്റേന്ന് ഉച്ചയായപ്പോഴേക്കും റഊഫ് വാര്‍ത്താസമ്മേളനം വിളിക്കുകയും ഇന്ത്യാവിഷന്‍ അത് ലൈവ് കൊടുക്കുകയും ചെയ്തു.!

  9. Lino

    ഇന്ത്യാ വിഷന്‍ നല്ല ഒരു മലയാളം ന്യൂസ്‌ ചാനലാണ്‌ എന്നതില്‍ തര്‍ക്കമില്ല. ഒരു പ്രൊ-അച്ചുതാനന്ദന്‍ ആറ്റിട്ട്യുട് ചാനലിനുണ്ട് എന്ന് തോനുന്നത് ഐസ്ക്രീം കേസില്‍ ഇല്‍ ഈ ചാനല്‍ കാണിക്കുന്ന ഒരു പ്രത്യേക താല്പര്യം കൊണ്ടാണെന്നാണ് എനിക്ക് തോനുന്നത്.
    ഐസ്ക്രീം കേസ്, അഭയ കേസ് തുടങ്ങിയവ ഒരു യാഥാര്‍ത്ഥ്യം ആണ് എന്നതില്‍ സാമാന്യ ബോധമുള്ള മലയാളികള്‍ക്കാര്‍ക്കും സംശയമില്ല. ഐസ്ക്രീം കേസിന്റെ പ്രധാന പ്രശ്നം ഇത്, പൊളിറ്റിക്കല്‍ ജസ്റ്റിസ് പോലീസ് മേഘലകളിലുള്ള വരുടെ ഒരു ക്രിമിനല്‍ കൂട്ടായ്മക്കുരൂപം നല്‍കി എന്നുല്ള്ളതാണ്. ഈ നെക്സസ് ഇന്നും ശക്തമായി നിലനില്‍ക്കുകയും ശക്തമായി മുന്നോട്ട് പോകുകയും ചെയ്യുന്നു.
    നിര്‍ഭാഗ്യവശാല്‍ പാണക്കാട് മുഹമ്മദാലി ശിഹാബുതങ്ങള്‍ക്കുശേഷം മുസ്ലിം ലീഗ് നേതൃത്വം സ്വജന പക്ഷപാതികളുടേയും, ക്രിമിനലുകളുടേയും സംഘമായി അധപതിച്ചു. അതുകൊണ്ടുകൂടിയാണ് അവര്‍ക്ക് കുഞ്ഞാലികുട്ടിയെ മാറ്റിനിര്‍ത്താന്‍ സാധിക്കാത്തതും.

LEAVE YOUR COMMENTS

Press ctrl+g to toggle between English and Malayalam.