Categories

Headlines

പശുക്കള്‍ക്ക് യു.ഐ.ഡി, കടുവാ സങ്കേതങ്ങള്‍ പോലെ പശു സങ്കേതങ്ങള്‍: ഇതൊക്കെ വന്നാല്‍ ‘ഗോമാത’യുടെ സുരക്ഷ ഉറപ്പായെന്ന് കേന്ദ്രം സുപ്രീം കോടതിയില്‍

ന്യൂദല്‍ഹി: പശുക്കളെ നിരീക്ഷിക്കാന്‍ രാജ്യത്തെ എല്ലാ പശുക്കള്‍ക്കും യു.ഐ.ഡി നമ്പര്‍ നല്‍കുമെന്ന് കേന്ദ്രസര്‍ക്കാര്‍ സുപ്രീം കോടതിയെ അറിയിച്ചു. പശു സംരക്ഷണവുമായും ബംഗ്ലാദേശ് അതിര്‍ത്തിവഴിയുള്ള പശുക്കടത്തുമായും ബന്ധപ്പെട്ട വിഷയത്തില്‍ സര്‍ക്കാര്‍ സുപ്രീം കോടതിയില്‍ സമര്‍പ്പിച്ച റിപ്പോര്‍ട്ടിലാണ് ഇക്കാര്യം പറയുന്നത്.

‘കുറഞ്ഞത് 500 ഉപേക്ഷിക്കപ്പെട്ട മൃഗങ്ങളെയെങ്കിലും സംരക്ഷിക്കാന്‍ കഴിയുന്ന ഒരു ഷെല്‍റ്റര്‍ ഹോം എല്ലാ ജില്ലകളിലുമുണ്ടായിരിക്കണം. ഇത് കന്നുകാലി കടത്ത് കുറയ്ക്കാന്‍ സഹായിക്കും’ റിപ്പോര്‍ട്ടില്‍ പറയുന്നു.

പാല് തരാത്ത സമയത്തും പശുവിനെ പ്രത്യേക സംരക്ഷണം നല്‍കണമെന്നും റിപ്പോര്‍ട്ട് ശുപാര്‍ശ ചെയ്യുന്നു.

കടുവ സങ്കേതങ്ങള്‍ക്കു സമാനമായി എല്ലാ സംസ്ഥാനത്തും പശു സങ്കേതങ്ങള്‍ നിര്‍മ്മിക്കാനും കേന്ദ്രസര്‍ക്കാര്‍ ആലോചിക്കുന്നുണ്ട്.

‘ഞങ്ങള്‍ക്ക് ഗോഹത്യ അവസാനിപ്പിക്കേണ്ടതുണ്ട്. പക്ഷെ ആരാണ് ഈ പശുക്കളെയെല്ലാം സംരക്ഷിക്കുകയെന്നതാണ് പ്രധാന തടസം. ഇതിനായി പശു സങ്കേതങ്ങള്‍ നിര്‍മ്മിക്കും. എല്ലാ സംസ്ഥാനങ്ങള്‍ക്കും പശു സങ്കേതം വേണം. അതുവഴി ഗോഹത്യ തടയാനാവും.’ എന്നാണ് മന്ത്രി ഹന്‍സ്രരാജ് അഹിര്‍ കഴിഞ്ഞയാഴ്ച പറഞ്ഞത്.

Tagged with:


കീറിപ്പറഞ്ഞ വസ്ത്രവുമായി കൂട്ട ബലാത്സംഗത്തില്‍നിന്ന് രക്ഷപ്പെട്ടെത്തിയ ജെ.എന്‍.യു വിദ്യാര്‍ത്ഥിനിയോട് ഇത് ഫ്രീ-സെക്‌സ് രാജ്യമല്ലെന്ന് പൊലീസ്, പെണ്‍കുട്ടിയെക്കൊണ്ട് മാപ്പെഴുതിക്കാന്‍ ശ്രമിച്ചതായും ആരോപണം

ഫരീദാബാദ്: കൂട്ടുകാരോടൊപ്പം പുറത്തുപോയ പെണ്‍കുട്ടിയെ കൂട്ടബലാത്സംഗത്തിന് ഇരയാക്കാന്‍ ശ്രമിച്ചതായി പരാതി. ഫരീദാബാദില്‍ തിങ്കളാഴ്ച രാവിലെയാണ് സംഭവം നടന്നതെന്ന ഇന്ത്യ ടുഡേ റിപ്പോര്‍ട്ട് ചെയ്യുന്നു. പരാതി പൊലീസ് ഒത്തുതീര്‍ക്കാന്‍ ശ്രമിച്ചതായി ആരോപണമുയര്‍ന്നു.അസോള വന്യജീവിസങ്കേതത്തിലെ ഭരദ്വാജ് തടാകം സന്ദര്‍ശിക്കാന്‍ കൂട്ടുകരോടൊപ്പം പോയതായിരുന്നു വിദ്യാര്‍ത്