Categories

പുതിയ ഹജ്ജ് നയം നടപ്പാക്കണെന്ന് സുപ്രീംകോടതി


ന്യൂദല്‍ഹി: അടുത്ത വര്‍ഷം മുതല്‍ പുതിയ ഹജ്ജ് നയം നടപ്പാക്കണമെന്ന് കേന്ദ്രസര്‍ക്കാരിനോട് സുപ്രീംകോടതി ആവശ്യപ്പെട്ടു. ഹജ്ജ് നയം ഭരണഘടനാനുസൃതമായിരിക്കണമെന്നും കോടതി നിര്‍ദ്ദേശിച്ചു. ഹജ്ജ് ക്വാട്ട വിതരണത്തില്‍ ക്രമക്കേടുണ്ടെന്ന് കാണിച്ച് വന്ന കേസ് പരിഗണിക്കുന്നതിനിടെയാണ് കോടതി ഇക്കാര്യം വ്യക്തമാക്കിയത്.

ഹജ്ജ് ക്വാട്ടയിലുള്ള 800 ഒഴിവുകള്‍ സ്വകാര്യ കമ്പനികള്‍ക്ക് നല്‍കണമെന്ന മുംബൈ ഹൈക്കോടതി വിധിയ്‌ക്കെതിരെ കേന്ദ്രസര്‍ക്കാര്‍ സമര്‍പ്പിച്ച പരാതി പരിഗണിക്കുകയായിരുന്നു സുപ്രീംകോടതി. സര്‍ക്കാര്‍ പ്രതിനിധികള്‍ക്കും, വി.ഐ.പികള്‍ക്കും വേണ്ടി മാറ്റിവച്ചതാണെന്നാണ് സര്‍ക്കാരിന്റെ വാദം. എന്നാല്‍ സര്‍ക്കാര്‍ പ്രതിനിധികളെ ഹജ്ജിനയക്കാനുള്ള തീരുമാനത്തെ കോടതി രൂക്ഷമായി വിമര്‍ശിക്കുകയായിരുന്നു. സര്‍ക്കാര്‍ പ്രതിനിധികളെ അയക്കുന്നതുവഴി സര്‍ക്കാരിന് രാഷ്ട്രീയ നേട്ടങ്ങളുണ്ടായിരിക്കാം. എന്നാല്‍ മതപരമായി ഇത് തെറ്റാണെന്ന് കോടതി വ്യക്തമാക്കി. എന്ത് ഹജ്ജാണിതെന്നും കോടതി ചോദിച്ചു.

2012നു മുമ്പ് പുതിയ നയം രൂപീവത്കരിച്ച് കോടതിക്ക് മുന്നില്‍ വെക്കാനും ആവശ്യപ്പെട്ടിട്ടുണ്ട്. ഇതില്‍ കോടതി ചര്‍ച്ച ചെയ്തതിന് ശേഷമേ അന്തിമ തീരുമാനത്തിലെത്തുകയുള്ളു.

2 Responses to “പുതിയ ഹജ്ജ് നയം നടപ്പാക്കണെന്ന് സുപ്രീംകോടതി”

  1. Manojkumar.R

    രാഷ്ട്രീയ ലാക്കോടെ അതതു സര്‍ക്കാരുകള്‍ സ്വീകരിക്കുന്ന മതങ്ങളെ താഴുകികൊണ്ടുള്ള (pampering) നയങ്ങള്‍ ആണ് നമ്മെ ഇത്രയധികം സ്പര്ധയുള്ളവരക്കി മാറ്റിയത്. ന്യൂനപക്ഷങ്ങളെ കയ്യിലെടുക്കാന്‍ ഒരു നയം കൈക്കൊളുംപോള്‍ അത് മിക്കവാറും ഭൂരി പക്ഷത്തെ തിരസ്കരിക്കലാവും.അത് പോലെ തിരിച്ചും!എന്നാല്‍ യഥാര്‍ത്ഥത്തില്‍ ഭരണഘടനാ ഇത്തരം സമീപനങ്ങള്‍ ഒരിക്കലും അനുവദിക്കുന്നില്ല താനും! ഭരണഘടനാ ഓരോ പൌരനും അവരവരുടെ ആരാധന സ്വാതന്ത്ര്യം അനുവദിച്ചിട്ടുണ്ട് എങ്കിലും ഒരു വിഭ്ഗത്തിന് മാത്രം സര്‍ക്കാര്‍ ധനസഹായം നല്‍കി തീര്‍ത്ഥാടനം നടത്താന്‍ സഹായിക്കുന്നത് മറ്റൊരു വിഭാഗത്തെ തീര്‍ച്ചയായും പ്രകൊപിക്കുമെന്നു മുന്‍കൂട്ടി കാണാന്‍ എന്ത് കൊണ്ട് നമ്മുടെ ഭരണക്കാര്‍ക്ക് കഴിയുന്നില്ല? ഇക്കാര്യം തുറന്നു പറയാന്‍ പുരോഗമന വാദികള്‍ പോലും തയ്യാറല്ല.ഇത്തരത്തില്‍ സര്‍ക്കാരുകള്‍ നടപ്പിലാക്കുന്ന തല തിരിഞ്ഞ നയങ്ങളെ ഭരണഘടനയുടെ പിന്‍ബലത്തോടെ തുറന്നു എതിര്‍ക്കാന്‍ കോടതിയെങ്കിലും തയ്യാറായെങ്കില്‍ മാത്രമേ പൌരാവകാശങ്ങള്‍ സാധ്യമാകുകയുള്ളൂ.

  2. Assees

    ഹജ്ജിനു വേണ്ടി സര്‍ക്കാര്‍ , അല്ലെന്ക്കില്‍ ഇതെന്ക്കിലും മതങ്ങള്‍ക്ക് വേണ്ടി സര്ക്കാര ഒരു രൂപ ചില വഴിക്കുന്നുന്ടെക്കില്‍ അതി നിയമത്തിന്റെ മുന്നില്‍ ചോദ്യം ചെയ്യപ്പെടണം , മത സ്വതന്ത്രം നല്‍ക്കി എന്ന് കരുതി എല്ലാ മുസ്ലിങ്ങളെയും മക്കത്തു പോയി ഹജ്ജു ചെയ്തു കൊണ്ട് വരാന്‍ ഒന്നും ഒരു സര്‍ക്കരിന്നും ബാദ്യത ഇല്ല

LEAVE YOUR COMMENTS

Press ctrl+g to toggle between English and Malayalam.