Categories

മുഖ്യമന്ത്രിയെ വിമര്‍ശിച്ചും സെന്‍കുമാറിനെ പ്രശംസിച്ചും പോസ്റ്റിട്ട പൊലീസുകാരന് സസ്‌പെന്‍ഷന്‍

മലപ്പുറം: മുഖ്യമന്ത്രി പിണറായി വിജയനെ അവഹേളിച്ച് വാട്‌സ്ആപ്പ് ഗ്രൂപ്പില്‍ സന്ദേശമിച്ച പൊലീസുകാരന് സസ്‌പെന്‍ഷന്‍. കൊണ്ടോട്ടി സി.ഐ ഓഫീസിലെ ബഗേഷ് ദാസിനെയാണ് ജില്ലാ പൊലീസ് മേധാവി സസ്‌പെന്റ് ചെയ്തത്.

ജില്ലയിലെ പൊലീസുകാര്‍ അംഗങ്ങളായ പൊലീസിയ ഗ്രൂപ്പില്‍ ബഗേഷ് ദാസ് ഇട്ട പോസ്റ്റാണ് നടപടിക്ക് ആധാരം. മുഖ്യമന്ത്രിയെ വിമര്‍ശിച്ച ബഗേഷ് ദാസ് മുന്‍ ഡി.ജി.പി സെന്‍കുമാറിനെ പ്രശംസിക്കുകയും ചെയ്തിരുന്നു.

കൊച്ചിയില്‍ നടി ആക്രമിക്കപ്പെട്ട സംഭവവുമായി ബന്ധപ്പെട്ട കേസിനെച്ചൊല്ലിയുള്ള സന്ദേശമാണ് നടപടിക്കാധാരം. അന്വേഷണ വിധേയമായാണ് ബഗേഷ്ദാസിനെ സസ്‌പെന്റ് ചെയ്തത്.

മുഖ്യമന്ത്രിയെ വിമര്‍ശിച്ചതിന്റെ പേരില്‍ നേരത്തെയും സര്‍ക്കാര്‍ ഉദ്യോഗസ്ഥര്‍ക്കെതിരെ നടപടിയുണ്ടായിരുന്നു. നേരത്തെ ഷാജി ജോണ്‍ എന്ന അധ്യാപകനെയും സസ്‌പെന്റ് ചെയ്തിരുന്നു.

Tagged with: