Categories

ജഡ്ജിമാര്‍ക്കെതിരെ വിമര്‍ശനം: മമതയ്‌ക്കെതിരെ കോടതിയലക്ഷ്യ കേസ്

കൊല്‍ക്കത്ത: കോടതിയ്‌ക്കെതിരെയും ജഡ്ജിമാര്‍ക്കെതിരെയും പ്രസ്താവന നടത്തിയ പശ്ചിമബംഗാള്‍ മുഖ്യമന്ത്രി മമതാ ബാനര്‍ജിയ്‌ക്കെതിരെ കൊല്‍ക്കത്ത ഹൈക്കോടതി കോടതിയലക്ഷ്യത്തിന് കേസെടുത്തു.

Ads By Google

ജസ്റ്റിസ് കെ.ജെ സെന്‍ഗുപ്ത, എ.കെ മൊന്‍ഡാല്‍ എന്നിവരടങ്ങിയ ബെഞ്ചാണ് മമതയ്‌ക്കെതിരെ കോടതിയലക്ഷ്യത്തിന് കേസെടുത്തത്.

ജഡ്ജിമാരില്‍ ചിലര്‍ അഴിമതിക്കാരാണെന്നും ചിലപ്പോഴെങ്കിലും പണം നല്‍കി വിധി സമ്പാദിക്കുന്ന പതിവ് ചില ജഡ്ജിമാര്‍ക്കെങ്കിലും ഉണ്ടെന്നുമായിരുന്നു മമതയുടെ പ്രസ്താവന. സംസ്ഥാന നിയമസഭയുടെ 75 ാം വാര്‍ഷിക വേളയിലായിരുന്നു മമതയുടെ ഈ വിവാദപരാമര്‍ശം.

ജഡ്ജിമാര്‍ക്കെതിരെ മാത്രമല്ല, വിവിധ ജുഡീഷ്യല്‍ കമ്മീഷനുകള്‍ക്കെതിരെയും മമതാ ബാനര്‍ജി പരിഹാസം ചൊരിഞ്ഞിരുന്നു. കാറും വീടും ഉണ്ടാക്കുന്നതിനുവേണ്ടിയാണ്  പലരും കമ്മീഷന്‍ അംഗങ്ങളാകുന്നതെന്നായിരുന്നു മമതയുടെ ആരോപണം. തന്റെ ആരോപണങ്ങളുടെ പേരില്‍ ജയില്‍ ശിക്ഷ അനുഭവിക്കേണ്ടി വന്നാല്‍ അതിനും താന്‍ തയ്യാറാണെന്നായിരുന്നു മമത പറഞ്ഞിരുന്നത്.

ഈ വിവാദപ്രസ്താവനയ്‌ക്കെതിരെയാണ് കോടതി കേസ് എടുത്തത്. എന്നാല്‍ നടപടിയെ കുറിച്ച് മമത പ്രതികരിക്കാന്‍ തയ്യാറായിട്ടില്ല.

Tagged with:


‘കാല്‍പ്പന്തിന്റെ വസന്തത്തെ എഴുത്തില്‍ സന്നിവേശിപ്പിച്ചവര്‍’; ഡൂള്‍ന്യൂസ്-സ്‌പോര്‍ട്‌സ് പാരഡീസോ കോണ്‍ഫെഡറേഷന്‍ കപ്പ് റൈറ്റ് അപ്പ് കോണ്ടസ്റ്റ് വിജയികള്‍ക്ക് പുരസ്‌കാരങ്ങള്‍ സമ്മാനിച്ചു

കോഴിക്കോട്: പ്രമുഖ സ്‌പോര്‍ട്‌സ് ഗ്രൂപ്പായ സ്‌പോര്‍ട്‌സ് പാരഡീസോ ക്ലബ്ബും ഡൂള്‍ന്യൂസും ചേര്‍ന്ന് നടത്തിയ കോണ്‍ഫെഡറേഷന്‍ കപ്പ് റൈറ്റ് അപ്പ് കോണ്ടസ്റ്റ് വിജയികള്‍ക്ക് സമ്മാനങ്ങള്‍ വിതരണം ചെയ്തു.കോണ്‍ഫെഡറേഷന്‍ കപ്പ് വിജയികളായ ജര്‍മനിയുടെ അവസാനിക്കാത്ത വസന്തത്തെ കുറിച്ചെഴുതിയ അജ്മല്‍ എം.കെ മാണിക്കോത്തിന്റെ 'വസന്തം അവസാനിക്കുന്നില്ല; ജര്‍മനിയില്‍ പുതിയ പൂക്കള്‍