Categories

സി.സി.എല്ലിന്റെ ഉദ്ഘാടനം കൊച്ചിയില്‍ നടക്കും

കൊച്ചി: സിനിമാ താരങ്ങളുടെ ക്രിക്കറ്റ് ലീഗായ സി.സി.എല്ലിന്റെ (സെലിബ്രിറ്റി ക്രിക്കറ്റ് ലീഗ്) അടുത്ത സീസണിലെ ഉദ്ഘാടനം ഫെബ്രുവരി ഒന്‍പതിന് കൊച്ചി ജവഹര്‍ലാല്‍ നെഹ്‌റു സ്‌റ്റേഡിയത്തില്‍ നടത്താന്‍ ധാരണയായി.

കഴിഞ്ഞ തവണ സി.സി.എല്‍ മത്സരങ്ങളില്‍ ഏറ്റവും കൂടുതല്‍ കാണികള്‍ ഒഴുകിയെത്തിയതും ആവേശം നിറഞ്ഞതും കേരള സ്‌ട്രൈക്കേഴ്‌സും മുംബൈ ടീമും തമ്മില്‍ കൊച്ചിയില്‍ ഏറ്റുമുട്ടിയപ്പോഴായിരുന്നു.

Ads By Google

ഇത്തവണയും ആതിഥേയ ടീമായ കേരള സ്‌ട്രൈക്കേഴ്‌സ് ഉദ്ഘാടന മത്സരത്തില്‍ മുംബൈയുമായി ഏറ്റുമുട്ടും. സല്‍മാന്‍ ഖാന്‍ ഉള്‍പ്പെടെയുള്ള സൂപ്പര്‍ താരങ്ങള്‍ കൊച്ചിയിലെത്തുമെന്നാണു സൂചന.

ഇത്തവണ ഉദ്ഘാടനം കൊച്ചിക്ക് അനുവദിക്കാന്‍ ധാരണയായതും അതേ ടീമുകള്‍ തമ്മില്‍ ഉദ്ഘാടന മല്‍സരം നിശ്ചയിച്ചതും ഇരുടീമിന്റേയും മൂല്യം കണക്കിലെടുത്ത് തന്നെയാണ്.

അതേസമയം കേരള സ്‌ട്രൈക്കേഴ്‌സില്‍ പുതിയ താരങ്ങളെ കണ്ടെത്താന്‍ സെലക്ഷന്‍ ട്രയല്‍സ് തുടങ്ങി. ക്യാപ്റ്റന്‍ സ്ഥാനത്ത് മോഹന്‍ലാലും വൈസ് ക്യാപ്റ്റന്‍ സ്ഥാനത്ത് ഇന്ദ്രജിത്തും തുടരും.

പൃഥ്വിരാജ്, കുഞ്ചാക്കോ ബോബന്‍ എന്നിവര്‍ തിരക്ക് കാരണം ഒഴിവാകും. ടീമില്‍ ഉള്‍പ്പെടുത്തിയെങ്കിലും പരിശീലനത്തിനോ മല്‍സരങ്ങള്‍ക്കോ വരാതിരുന്ന നടന്‍ ആസിഫ് അലിയും ഉണ്ടാവില്ല. കഴിഞ്ഞ സീസണില്‍ തിളങ്ങിയ രാജീവ് പിള്ള, വിവേക് ഗോപന്‍, സൈജു കുറുപ്പ് തുടങ്ങിയവരെല്ലാം ഇത്തവണയും ഉണ്ടാവും.



‘പൂ നല്‍കി സ്വീകരിച്ചവര്‍ കുറച്ച് കഴിയുമ്പോള്‍ എന്നെ എങ്ങനെ പിടിച്ചു പുറത്താക്കാം എന്നായിരിക്കും ആലോചിക്കുക’; താന്‍ പിന്തുടരുന്ന മാധ്യമ ധര്‍മ്മങ്ങളെ കുറിച്ച് അര്‍ണബിന്റെ തള്ള് ഇങ്ങനെ

ന്യൂദല്‍ഹി: മാധ്യമ ധര്‍മ്മത്തെ കുറിച്ച് മുതിര്‍ന്ന പല മാധ്യമ പ്രവര്‍ത്തകരും പറയുന്നത് നാം കേട്ടിട്ടുണ്ട്. മാധ്യമങ്ങള്‍ക്ക് മൂല്യച്ഛുതി സംഭവിച്ചു കൊണ്ടിരിക്കുകയാണെന്ന് ആരോപണമുയരുന്ന ഈ കാലത്ത് മാധ്യമധര്‍മ്മത്തെ കുറിച്ച് വീണ്ടും വീണ്ടും പറയേണ്ടതുമുണ്ട്. എന്നാല്‍ മാധ്യമ ധര്‍മ്മത്തേയും മാധ്യമ പ്രവര്‍ത്തകന്റെ കര്‍ത്തവ്യത്തേയും കുറിച്ച് റിപ്പബ്ലിക് ചാനലിന്റെ മേ