Administrator
Administrator
ആകാശിനെ കണ്ട് കൊതിച്ച് ബി.എസ്.എന്‍.എല്ലും ടാബുകളുടെ വഴി
Administrator
Sunday 26th February 2012 11:30am

ആകര്‍ഷകമായ മൂന്നു പുതിയ ടാബ്‌ലറ്റുകളുമായി ബി.എസ്.എന്‍.എല്‍ വിപണി കയ്യടക്കാനൊരുങ്ങുന്നു. ആകാശ് ടാബ്‌ലറ്റിന്റെ വിജയമാണ് ബി.എസ്.എന്‍.എല്ലിനെ കൊതിപ്പിച്ചിരിക്കുന്നത്. മറ്റേതൊരു ടാബ്‌ലറ്റിനോടും കിടപിടിക്കുന്ന തരത്തിലാണ് പുതിയ ടാബ്‌ലറ്റുകള്‍ തയ്യാറാക്കിയിരിക്കുന്നത്.

പെന്റ ടിപാഡ് IS701R എന്ന മോഡലില്‍ 7 ഇഞ്ച് ടച്ച് സ്‌ക്രീന്‍, 1GHz പ്രൊസസ്സര്‍, 256 എം.ബി റാം, 32GB വരെ വര്‍ദ്ധിപ്പിക്കാവുന്ന മെമ്മറി, വൈ-ഫൈ, 3G, ഡ്യുവല്‍ ക്യാമറ എന്നിവ ലഭ്യമാണ്. 3,499 രൂപയാണ് ഈ മോഡലിന് പ്രതീക്ഷിക്കുന്ന വില.

പെന്റ ടിപാഡ് WS704C എന്ന മോഡലില്‍ 7 ഇഞ്ച് ടച്ച് സ്‌ക്രീന്‍, 1GHz പ്രൊസസ്സര്‍, 512MB റാം, 32GBവരെ വര്‍ദ്ധിപ്പിക്കാവുന്ന മെമ്മറി, 4GB ഇന്റേണല്‍ മെമ്മറി, വൈ-ഫൈ, 3G, ഡ്യുവല്‍ ക്യാമറ എന്നിവയും ലഭ്യമാണ്. 9,917 രൂപയാണ് ഈ മോഡലിന്റെ വില.

പെന്റ ടിപാഡ് WS802C എന്ന മോഡലില്‍  8 ഇഞ്ച് ടച്ച് സ്‌ക്രീന്‍, 1.2 GHz പ്രൊസസ്സര്‍, 512റാം, 32GB വരെ പിന്‍താങ്ങുന്ന മെമ്മറി, 4GB ഇന്റേര്‍നല്‍ മെമ്മറി, വൈ-ഫൈ, 3G, ഡ്യുവല്‍ ക്യാമറ എന്നിവയും ലഭ്യമാണ്. 12,678 രൂപയാണ് വില.

ആന്‍ഡ്രോയിഡിന്റെ 2.3 പ്ലാറ്റ്‌ഫോമിലാണ് മൂന്നു ഫോണുകളും പ്രവര്‍ത്തിക്കുക. ഒരു വര്‍ഷം വാറന്റിയുള്ളതാണ് എല്ലാ മോഡലുകളും.

Malayalam news

Kerala news in English

Advertisement