വാഷിംഗ്ടണ്‍: ഇന്തോ-പാക്ക് ജോഡികളായ റോഹന്‍ ബൊപ്പണ്ണയും അസീം ഖുറേഷിയും ചേര്‍ന്ന ഡബ്ബിള്‍സ് സംഖ്യം ലെഗ് മാസണ്‍ ക്ലാസിക് എ ടി പി ടെന്നീസ് ചാംപ്യന്‍ഷിപ്പിന്റെ ആദ്യറൗണ്ടില്‍ തോറ്റ് പുറത്തായി.

നാലാം സീഡുകളായ ഇന്തോ-പാക് ജോഡികളെ സീഡ് ചെയ്യപ്പെടാത്ത ബഹ്മാസിന്റെ മാര്‍ക്ക് നോവല്‍സും ബല്‍ജിയത്തിന്റെ സേവിയര്‍ മല്ലീസയും ചേര്‍ന്ന സംഖ്യമാണ് 6-7(1), 7-6(6) എന്ന സ്‌കോറിന്് തോല്‍പ്പിച്ചത്. ഒരു മണിക്കൂര്‍ 47 മിനിറ്റ് നീണ്ട് നിന്ന കടുത്ത പോരാട്ടത്തിനൊടുവിലാണ് ബൊപ്പണ്ണ-ഖുറേഷി സംഖ്യം കീഴടങ്ങിയത്.

ബൊപ്പണ്ണയുടെ തോല്‍വിയോടെ ചാംപ്യന്‍ഷിപ്പിലെ ഇന്ത്യന്‍ സാന്നിധ്യം അവസാനിച്ചു. നേരത്തെ മെന്‍സ് സിംഗിള്‍സിന്റെ റണ്ടാം റൗണ്ടില്‍ സൈപ്രസിന്റെ മാര്‍ക്കോസ് ബാഗ്ദാദിസിനോട് തോറ്റ് ഇന്ത്യയുടെ സോംദേവ് വര്‍മ്മനും ടൂര്‍ണ്ണമെന്റില്‍ നിന്ന് പുറത്തായിരുന്നു.