Administrator
Administrator
ബോളിവുഡ് താരം ഷിനെ അഹൂജയ്ക്ക് 7 വര്‍ഷം തടവ്
Administrator
Wednesday 30th March 2011 10:50pm

മുംബൈ: ബോളിവുഡ് താരം ഷിനെ അഹൂജയ്ക്ക് 7 വര്‍ഷം തടവ്. വേലക്കാരിയെ മാനഭംഗപ്പെടുത്തി എന്ന കേസിലാണ് വിധി.

2009ലാണ് കേസിനാസ്പദമായ സംഭവം നടന്നത്. റൈഗാഡ് സ്വദേശിയായ 18കാരിയെ ഇയാള്‍ മാനഭംഗപ്പെടുത്തുകയായിരുന്നു. 2009മെയിലാണ് ഈ പെണ്‍കുട്ടി ഇയാളുടെ വീട്ടില്‍ ജോലിക്ക് കയറിയത്. 2009 ജൂണ്‍ 14ന് വീട്ടില്‍ ഷിനെയും പെണ്‍കുട്ടിയും മാത്രം ഉണ്ടായിരുന്ന സമയത്ത് ഇയാള്‍ പെണ്‍കുട്ടിയെ കിടപ്പറയിലേക്ക് വിളിക്കുകയും മാനഭംഗപ്പെടുത്തുകയുമായിരുന്നു.

വീട്ടിനു പുറത്തിരുന്ന കരയുന്ന പെണ്‍കുട്ടിയെ കണ്ടയാള്‍ ഇവരെ സിനിമാസംവിധായകന്‍ ആദര്‍ശ് ഗുപ്തയുടെ വീട്ടിലെത്തുകയായിരുന്നു. പിന്നീട് ഗുപ്തയുടെ അമ്മ പ്രേമലതയോട് പെണ്‍കുട്ടിക്ക് സംഭവിച്ച കാര്യങ്ങള്‍ വിശദീകരിച്ചു. ഇതിനു ശേഷം പോലീസില്‍ പരാതി നല്‍കുകയായിരുന്നു.

ഷിനെ പീഡിപ്പിച്ചെന്ന് പരാതി നല്‍കിയ പെണ്‍കുട്ടി കോടതിയില്‍ ഇത് നിഷേധിച്ചു. തനിക്ക് ഷിനെയോട് കടുത്ത പ്രണയമാണെന്നും മറ്റുള്ളവരുടെ നിര്‍ബന്ധത്തിനുവഴങ്ങിയാണ് കേസ് കൊടുത്തതെന്നും ഇവര്‍ കോടതിയെ അറിയിച്ചു. എന്നാല്‍ അഹൂജയെ കുറ്റവാളിയാക്കി പോലീസ് സമര്‍പ്പിച്ച എഫ്.ഐ.ആറിനെ കോടതി തെളിവായി സ്വീകരിക്കുകയായിരുന്നു. തടവിനു പുറമേ ഷിനെ 3,000 രൂപ പിഴയും അടക്കണം.

മെഡിക്കല്‍ റിപ്പോര്‍ട്ടുകളും, ഡി.എന്‍.എ ടെസ്റ്റും ഇയാള്‍ക്കെതിരായിരുന്നു.

Advertisement