Categories

Headlines

‘രാമക്ഷേത്രം നിര്‍മ്മിക്കുന്നതിനെ എതിര്‍ക്കുന്നവരുടെ തല വെട്ടും’; ബി.ജെ.പി എം.എല്‍.എയ്‌ക്കെതിരെ കേസെടുത്തു

ഹൈദരാബാദ്: വിവാദ പ്രസംഗം നടത്തിയ ബി.ജെ.പി എം.എല്‍.എ ടി. രാജസിംഗിനെതിരെ പൊലീസ് കേസെടുത്തു. ഘോഷമഹല്‍ എം.എല്‍.എയാണ് ഇയാള്‍. മജ് ലിസ് ബചാവോ തെഹ് രീക് നല്‍കിയ പരാതിയെ തുടര്‍ന്നാണ് കേസെടുത്തത്. ദാബിര്‍പുര പൊലീസ് സ്റ്റേഷനിലാണ് എഫ്.ഐ.ആര്‍ രജിസ്റ്റര്‍ ചെയ്തിരിക്കുന്നത്.

പ്രകോപനപരമായ പ്രസംഗങ്ങള്‍ നടത്തി കുപ്രസിദ്ധി നേടിയ ആളാണ് രാജസിംഗ്. അതിന്റെയെല്ലാം പേരില്‍ കേസുകളുള്ള ഇയാള്‍ പലതവണ അറസ്റ്റിലായിട്ടുമുണ്ട്. രാമനവമി ആഘോഷങ്ങളുടെ ഭാഗമായി നടന്ന പരിപാടിയില്‍ നടത്തിയ പ്രസംഗത്തിലാണ് രാമക്ഷേത്ര നിര്‍മ്മാണത്തെ എതിര്‍ക്കുന്നവരുടെ തല വെട്ടുമെന്നും ക്ഷേത്രനിര്‍മ്മാണത്തെ എതിര്‍ക്കുന്നവരെ വെല്ലുവിളിക്കുന്നുവെന്നും എം.എല്‍.എ പറഞ്ഞത്.


Also Read: വെള്ളാപ്പള്ളി കോളേജിലെ കേസ് അന്വേഷണത്തിലും പൊലീസിന് വീഴ്ച; മൊഴിയെടുക്കാന്‍ പോയത് രണ്ടാം പ്രതിയുടെ വാഹനത്തില്‍ ; പൊലീസുകാരന് സസ്‌പെന്‍ഷന്‍


നേരത്തേ കേന്ദ്രമന്ത്രി ഉമാഭാരതിയും രാമക്ഷേത്ര നിര്‍മ്മാണത്തെ പിന്തുണച്ച് രംഗത്ത് വന്നിരുന്നു. ക്ഷേത്രനിര്‍മ്മാണത്തിന്റെ പേരില്‍ ജയിലില്‍ പോകാനും വേണമെങ്കില്‍ തൂക്കിലേറാനും തയ്യാറാണെന്നാണ് അവര്‍ പറഞ്ഞത്.

അയോദ്ധ്യ പ്രശ്‌നം കോടതിക്ക് പുറത്ത് തീര്‍പ്പാക്കണമെന്ന് കഴിഞ്ഞ മാസമാണ് സുപ്രീം കോടതി പറഞ്ഞത്. ചീഫ് ജസ്റ്റിസ് ജെ.എസ് കെഹാറാണ് ഇത് പറഞ്ഞത്. ബി.ജെ.പി എം.പി സുബ്രഹ്മണ്യം സ്വാമി നല്‍കിയ ഹര്‍ജിയിലാണ് കോടതി ഇക്കാര്യം പറഞ്ഞത്. പ്രശ്‌നത്തില്‍ സ്വാമിയോട് തന്നെ മധ്യസ്ഥത വഹിക്കാനും കോടതി പറഞ്ഞിരുന്നു.

Tagged with: |


ആരും കാണാതെ ഒരു ക്ലാസ്മുറിക്കുപിന്നിലെ മതിലിന്റെ ഓരം പറ്റി ആ കത്തു തുറന്നു അതില്‍ ആ മഹത്തായ , ഭംഗിയേറിയ കയ്യൊപ്പ് ‘ടെണ്ടുല്‍ക്കര്‍’; സച്ചിന്റെ ജന്മദിനത്തില്‍ കുട്ടിക്കാല ഓര്‍മ്മകള്‍ പങ്കു വച്ച് നിപിന്റെ പിറന്നാള്‍ ആശംസ

കോഴിക്കോട്: ഏപ്രില്‍ 24, ലോകമെമ്പാടുമുള്ള ക്രിക്കറ്റ് പ്രേമികള്‍ക്ക് ഇന്ന് ഉത്സവ ദിനമാണ്. തങ്ങളുടെ ദൈവം സച്ചിന്‍ ടെണ്ടുല്‍ക്കറുടെ ജന്മ ദിനമാണിന്ന്. ലോകമെങ്ങും സച്ചിന് പിറന്നാള്‍ ആശംസകളുമായി രംഗത്തെത്തിയ ഇന്ന് കേരളത്തില്‍ നിന്നുമൊരു രസകരമായ ആശംസയും സച്ചിനെ തേടിയെത്തി. സോഷ്യല്‍ മീഡിയ ക്യാമ്പയിനുകളിലൂടെ ശ്രദ്ധേയനായ നിപിന്‍ നാരായണന്‍ എന്ന നീനയുടെ പിറന്നാള്‍ സന്ദേശ