Categories

സാനിറ്ററി നാപ്കിന് ജി.എസ്.ടി: സ്ത്രീ പുരുഷഭേദമന്യേ പ്രതിഷേധിക്കണമെന്ന് ബിനോയ് വിശ്വം

തിരുവനന്തപുരം: സാനിറ്ററി നാപ്കിന് 12% നികുതി ഏര്‍പ്പെടുത്തിയതിനെ ചോദ്യം ചെയ്ത ബംഗ്ലരുവിലെ സ്ത്രീകള്‍ക്ക് അഭിവാദ്യമര്‍പ്പിച്ച് സി.പി.ഐ നേതാവ് ബിനോയ് വിശ്വം. ജി.എസ്.ടി സ്ത്രീവിരുദ്ധ, പാവപ്പെട്ടവര്‍ക്ക് എതിരായ നിയമമാണെന്നും അദ്ദേഹം ഫേസ്ബുക്കിലൂടെ അഭിപ്രായപ്പെട്ടു.

ഉയര്‍ന്ന വിലകാരണം രാജ്യത്തെ 80% സ്ത്രീകള്‍ക്കും നാപ്കിന്‍ വാങ്ങി ഉപയോഗിക്കാന്‍ കഴിയാത്ത സ്ഥിതിയാണ്. അപ്പോഴാണ് നികുതിയുയര്‍ത്തി നരേന്ദ്രമോദിയുടെ ‘സ്‌നേഹപ്രകടനം’ മെന്നു പറഞ്ഞ ബിനോയ് വിശ്വം ഇതേ സര്‍ക്കാര്‍ തന്നെയാണ് വളയ്ക്കും പൊട്ടിനും കമ്മലിനുമൊക്കെയാണ് നികുതിയില്ലാതാക്കിയതെന്നും കുറ്റപ്പെടുത്തി.

ഇതിനെതിരെ സ്ത്രീ പുരുഷ ഭേദമന്യേ എല്ലാവരും രംഗത്തുവരണമെന്നും അദ്ദേഹം ആവശ്യപപ്പെട്ടു.


Must Read:ജാര്‍ഖണ്ഡില്‍ ബീഫിന്റെ പേരില്‍ വ്യാപാരിയെ തല്ലിക്കൊന്നത് കൃത്യമായ ആസൂത്രണത്തോടെ ; ഗൂഢാലോചന നടത്തിയത് ബി.ജെ.പി ജില്ലാനേതാവിന്റെ നേതൃത്വത്തിലെന്ന് പൊലീസ്


സാനിറ്ററി നാപ്കിന്റെ വിലകുറയ്ക്കാന്‍ മോദി സര്‍ക്കാര്‍ നിര്‍ബന്ധിതമാകുമെന്ന് തനിക്ക് ഉറപ്പാണെന്നു പറഞ്ഞുകൊണ്ടാണ് ബിനോയ് വിശ്വം പോസ്റ്റ് അവസാനിപ്പിക്കുന്നത്.

സാനിറ്ററി നാപ്കിന് 12% നികുതി ഏര്‍പ്പെടുത്തിയ തീരുമാനത്തിനെതിരെ പ്രതിഷേധവുമായി ബംഗളുരുവില്‍ സ്ത്രീകള്‍ രംഗത്തുവന്നിരുന്നു. ‘എന്റെ ആര്‍ത്തവത്തിന് നികുതി ഏര്‍പ്പെടുത്തരുത്’ എന്നു പറഞ്ഞ് ഓണ്‍ലൈന്‍ കാമ്പെയ്‌നും ആരംഭിച്ചിരുന്നു.

Tagged with: |


‘നേതാക്കളുടെ പല്ല് അടിച്ചു കൊഴിക്കാന്‍ ഇറക്കിവിട്ട മഹതിയെ നിയന്ത്രിച്ചില്ലെങ്കില്‍ ഭാവി ശോഭനമായിരിക്കില്ല’; ചാനല്‍ ചര്‍ച്ചകളില്‍ അസഭ്യവര്‍ഷം നടത്തുന്ന ശോഭാ സുരേന്ദ്രന്റെ വായടപ്പിച്ച് എം.എം മണി

കോഴിക്കോട്: മെഡിക്കല്‍ കോഴ ആരോപണവുമായി ബന്ധപ്പെട്ട് മാധ്യമചര്‍ച്ചകളിലെ ബി.ജെ.പി നേതാക്കളുടെ പരാമര്‍ശത്തിനെതിരെ മന്ത്രി എംഎം മണി. ബി.ജെ.പി നേതാവായ ശോഭാ സുരേന്ദ്രനെ പേരടുത്ത് പറയാതെ പരോക്ഷമായി വിമര്‍ശിക്കുകയായിരുന്നു മന്ത്രി. ചാനല്‍ ചര്‍ച്ചകളില്‍ ശോഭ പുലര്‍ത്തുന്ന ക്ഷുഭിത സ്വഭാവത്തെയായിരുന്നു മന്ത്രി പരോക്ഷമായി വിമര്‍ശിച്ചത്.കോഴ വിവരം പുറത്തുവന്നപ്പോള്‍ പ്രതിക