Administrator
Administrator
ഭൂപതി-ബൊപ്പണ്ണ സഖ്യത്തിന് ദുബായ് ഓപ്പണ്‍ കിരീടം
Administrator
Sunday 4th March 2012 8:55am

ദുബായ്: മഹേഷ് ഭൂപതിയും രോഹന്‍ ബൊപ്പണ്ണയും അടങ്ങിയ സഖ്യം ദുബായ് ഓപ്പണ്‍ ടെന്നിസ് ടൂര്‍ണ്ണമെന്റില്‍ വിജയം നേടി. ഈ ജോഡികളുടെ ആദ്യ എ.ടി.പി കിരീടമാണിത്.

ഫൈനലില്‍ പോളണ്ട് ജോഡിയായ മരിയസ് ഫെസ്റ്റണ്‍ബര്‍ഗിനെയും മാര്‍സി മറ്റ്‌കോവ്‌സ്‌കിയെയുമാണ് ഇവര്‍ തോല്‍പിച്ചത്. സ്‌കോര്‍: 6-4, 3-6, 10-5. 1,700,475 ഡോളറാണ് സമ്മാനത്തുക. ടൂര്‍ണമെന്റ് നാലാം സീഡായിരുന്നു ഇന്ത്യന്‍ ജോഡി.

ഭൂപതി ഇത് നാലാം തവണയാണ് ദുബായ് ഓപ്പണില്‍ കിരീടം ചൂടുന്നത്. 1998ല്‍ ലിയാണ്ടര്‍ പേസിനൊപ്പവും 2004ല്‍ ഫാബിക് സാന്റോറോയ്‌ക്കൊപ്പവും 2008ല്‍ മാര്‍ക്ക് നോള്‍സിനൊപ്പവുമാണ് ഭൂപതി ഇവിടെ കിരീടം ചൂടിയത്. ബൊപ്പണ്ണയുടെ കരിയറിലെ ആറാമത്തെ എ.ടി.പി. കിരീടമാണിത്.

ലിയാണ്ടര്‍ പേസും ടൂര്‍ണമെന്റില്‍ മത്സരിച്ചിരുന്നെങ്കിലും ഒന്നാം റൗണ്ടില്‍ തന്നെ തോറ്റ് പുറത്താവുകയായിരുന്നു. യാങ്കൊ ടിപ്‌സരെവിച്ചായിരുന്നു പേസിന്റെ ജോഡി. ലണ്ടന്‍ ഒളിംപിക്‌സില്‍ ഒരു ടീമായി കളിക്കാനുള്ള തയ്യാറെടുപ്പിലാണ് ഭൂപതിയും ബൊപ്പണ്ണയും.

Malayalam news

Kerala news in English

Advertisement