Categories

Headlines

മദ്യശാലകളുടെ പ്രര്‍ത്തന സമയം കൂട്ടി; സമയ വര്‍ധനവ് തിരക്ക് കണക്കിലെടുത്ത്

 

കൊച്ചി: സംസ്ഥാനത്തെ ബിവറേജസ് ഔട്ട്‌ലെറ്റുകളുടെ പ്രവര്‍ത്തന സമയം കൂട്ടി. ദേശീയ പാതയോരത്തെ ഔട്ടലെറ്റുകള്‍ പൂട്ടിയത് മൂലമുള്ള തിരക്ക് കണക്കിലെടുത്താണ് പ്രവര്‍ത്തന സമയത്തില്‍ ഒരു മണിക്കൂര്‍ വര്‍ധനവ് ഏര്‍പ്പെടുത്തിയിരിക്കുന്നത്. ഇതു സംബന്ധിച്ച് ബെവ്‌കോ എംഡി ഉത്തരവ് പുറപ്പെടുവിച്ചു.


Also read ചാന്ത് പൊട്ടെന്ന പരിഹാസമില്ല; എല്‍.ജി.ബി.ടിയെന്ന് പറഞ്ഞു വെക്കാനുമില്ല; ലൈംഗിക ന്യൂനപക്ഷങ്ങളെ പേരിട്ട് സ്വീകരിച്ച് തമിഴ്‌നാട് 


രാവിലെ 9.30 മുതല്‍ രാത്രി 9.30 വരെയാണു പുതിയ പ്രവര്‍ത്തന സമയം. ഇതുവരെ ഇത് രാവിലെ 10 മുതല്‍ രാത്രി ഒന്‍പതു വരെയായിരുന്നു ഔട്ട്‌ലെറ്റുകള്‍ പ്രവര്‍ത്തിച്ചിരുന്നത്. ദേശീയ-സംസ്ഥാന പാതയോരത്തെ അടച്ചുപൂട്ടപ്പെട്ട മദ്യശാലകള്‍ മാറ്റി സ്ഥാപിക്കുന്നതുവരെയാകും പുതിയ പ്രവര്‍ത്തന സമയം.

ദേശീയ പാതയോരത്തു നിന്നും 500 മീറ്റര്‍ ചുറ്റളവിലുള്ള മദ്യശാലകള്‍ മാറ്റി സ്ഥാപിക്കാനുള്ള സുപ്രീം കോടതി ഉത്തരവിനെ തുടര്‍ന്നായിരുന്നു മദ്യശാലകള്‍ കഴിഞ്ഞ ദിവസം അടച്ചു പൂട്ടിയിരുന്നത്. ഇതേതുടര്‍ന്ന് ബാക്കിയുള്ള മദ്യശാലകളിലെല്ലാം വന്‍ തിരക്കാണ് അനുഭവപ്പെടുന്നത്. പലയിടങ്ങളിലും പൊലീസ് സംഘമാണ് ക്യൂ നിയന്ത്രിക്കുന്നത്. ഈ സാഹചര്യം കണക്കിലെടുത്താണ് പ്രവര്‍ത്തന സമയത്തില്‍ മാറ്റം വരുത്താന്‍ ബെവ്‌കോ തീരുമാനിച്ചത്്.

സുപ്രീംകോടതി വിധിയോടെ സംസ്ഥാനത്ത് 1956 മദ്യശാലകളാണ് പൂട്ടിയത്. ഇത്രയധികം ബാറുകള്‍ പൂട്ടിയാല്‍ അത് സംസ്ഥാനത്തിന്റെ വരുമാനത്തെ തന്നെ വിപരീതമായി ബാധിക്കുമെന്ന് നേരത്തെ ധനമന്ത്രി തോമസ് ഐസക് പറഞ്ഞിരുന്നു.

Tagged with:


ആരും കാണാതെ ഒരു ക്ലാസ്മുറിക്കുപിന്നിലെ മതിലിന്റെ ഓരം പറ്റി ആ കത്തു തുറന്നു അതില്‍ ആ മഹത്തായ , ഭംഗിയേറിയ കയ്യൊപ്പ് ‘ടെണ്ടുല്‍ക്കര്‍’; സച്ചിന്റെ ജന്മദിനത്തില്‍ കുട്ടിക്കാല ഓര്‍മ്മകള്‍ പങ്കു വച്ച് നിപിന്റെ പിറന്നാള്‍ ആശംസ

കോഴിക്കോട്: ഏപ്രില്‍ 24, ലോകമെമ്പാടുമുള്ള ക്രിക്കറ്റ് പ്രേമികള്‍ക്ക് ഇന്ന് ഉത്സവ ദിനമാണ്. തങ്ങളുടെ ദൈവം സച്ചിന്‍ ടെണ്ടുല്‍ക്കറുടെ ജന്മ ദിനമാണിന്ന്. ലോകമെങ്ങും സച്ചിന് പിറന്നാള്‍ ആശംസകളുമായി രംഗത്തെത്തിയ ഇന്ന് കേരളത്തില്‍ നിന്നുമൊരു രസകരമായ ആശംസയും സച്ചിനെ തേടിയെത്തി. സോഷ്യല്‍ മീഡിയ ക്യാമ്പയിനുകളിലൂടെ ശ്രദ്ധേയനായ നിപിന്‍ നാരായണന്‍ എന്ന നീനയുടെ പിറന്നാള്‍ സന്ദേശ