Categories

Headlines

ബഷീര്‍ സ്മാരകം തലയോലപ്പറമ്പില്‍ നിര്‍മ്മിക്കുന്നത് പണം തട്ടാന്‍: ഫാബി ബഷീര്‍

fabi-basheer

കോഴിക്കോട്: തലയോലപ്പറമ്പില്‍ ബഷീര്‍ സ്മാരകം നിര്‍മ്മിക്കുന്നത് പണം തട്ടാനെന്ന് പ്രശസ്ത എഴുത്തുകാരന്‍ വൈക്കം മുഹമ്മദ് ബഷീറിന്റെ ഭാര്യ ഫാബി ബഷീര്‍.

കഴിഞ്ഞ ദിവസം ബജറ്റ് അവതരണത്തിനിടെയാണ് ബഷീര്‍ സ്മാരകം തലയോലപ്പറമ്പില്‍ നിര്‍മ്മിക്കുന്നതിനെ കുറിച്ച് കെ.എം മാണി പ്രഖ്യാപനം നടത്തിയത്.

എന്നാല്‍ മാണിക്ക് കാര്യങ്ങള്‍ അറിയാത്തതു കൊണ്ടാണ് ഇത്തരത്തില്‍ പ്രഖ്യാപനങ്ങള്‍ നടത്തുന്നതെന്ന് ഫാബി ബഷീര്‍ അഭിപ്രായപ്പെട്ടു.

ബഷീര്‍ സ്മാരകം കോഴിക്കോട് തന്നെ സ്ഥാപിക്കണം. ഇതിന് സര്‍ക്കാര്‍ തയ്യാറായില്ലെങ്കില്‍ തന്റെ കെട്ടു താലി വിറ്റും താന്‍ അത് നടത്തും- ഫാബി ബഷീര്‍ പറഞ്ഞു.

ബഷീര്‍ ഏറെ സ്‌നേഹിച്ചതും ഏറെക്കാലം ജീവിച്ചതും കോഴിക്കോടാണെന്നും അതിനാല്‍ തന്നെ അദ്ദേഹത്തിന്റെ സ്മാരകം കോഴിക്കോട്ട് തന്നെ സ്ഥാപിക്കണമെന്നും അവര്‍ ആവശ്യപ്പെട്ടു.

ഇതിനിടയില്‍ കഴിഞ്ഞ എല്‍.ഡി.എഫ് സര്‍ക്കാരിന്റെ കാലത്ത് കോഴിക്കോട്ട് ബഷീര്‍ സ്മാരകം നിര്‍മ്മിക്കുന്നതിനായി അനുവദിച്ച 50 ലക്ഷം രൂപ ബാങ്കില്‍ കെട്ടിക്കിടക്കുകയാണെന്ന വാര്‍ത്തയും പുറത്തു വന്നിട്ടുണ്ട്.

എല്‍.ഡി.എഫ് സര്‍ക്കാര്‍ 50 ലക്ഷം രൂപ കഴിഞ്ഞ ബജറ്റില്‍ ഇതിനായി അനുവദിച്ചിരുന്നുവെന്ന് മുന്‍മന്ത്രിയും എല്‍.ഡി.എഫ് നേതാവുമായ എം.എ ബേബി അറിയിച്ചു.

സ്മാരകം നിര്‍മ്മിക്കുന്നതിനുള്ള സ്ഥലവുമായി ബന്ധപ്പെട്ടുള്ള ചില പ്രശ്‌നങ്ങളാണ് ഈ തുക ബാങ്കില്‍ കെട്ടിക്കിടക്കാന്‍ കാരണമായിട്ടുള്ളതെന്നാണ് ലഭ്യമായ വിവരം.



നിങ്ങള്‍ ഇന്ത്യയെ അപമാനിച്ചു; ഇനി ഇവിടേക്ക് തിരിച്ചുവരണമെന്നില്ല; സ്വാതന്ത്ര്യദിനത്തില്‍ ധരിച്ച വസ്ത്രത്തിന്റെ പേരില്‍ പ്രിയങ്കയെ കടന്നാക്രമിച്ച് സോഷ്യല്‍മീഡിയയില്‍ തീവ്രദേശീയ വാദികള്‍

ന്യൂദല്‍ഹി: ട്രോളുകാരുടെ ആക്രമണത്തിന് മിക്കപ്പോഴും ഇരയാകുന്ന വ്യക്തിയാണ് ബോളിവുഡ് താരം പ്രിയങ്ക ചോപ്ര. പലപ്പോഴും പ്രിയങ്ക ട്വിറ്ററിലും ഇന്‍സ്റ്റഗ്രാമിലും പോസ്റ്റു ചെയ്യുന്ന ചിത്രങ്ങളാണ് പ്രിയങ്കയെ ആക്രമിക്കാനായി സദാചാരക്കാര്‍ ഉപയോഗിക്കാറ്.ഇന്ത്യന്‍ പതാകയുടെ നിറത്തിലുള്ള ഷോള്‍ ധരിച്ച് സ്വാതന്ത്ര്യദിനാശംസ പറഞ്ഞതിന്റെ പേരിലാണ് ഇത്തവണ സൈബര്‍ ആക്രമണത്തിന് പ്

സ്വാതന്ത്ര്യദിനാഘോഷ പരിപാടി അട്ടിമറിക്കാന്‍ പിണറായിയുടെ ഓഫീസില്‍ അര്‍ദ്ധരാത്രിയില്‍ ഗൂഢാലോചന നടന്നെന്ന് സുരേന്ദ്രന്‍; കളക്ടര്‍ക്കും എസ്.പിക്കും ഉന്നതനുമെതിരെ കേസെടുക്കണമെന്നും ആവശ്യം

തിരുവനന്തപുരം: പാലക്കാട് സ്‌കൂളില്‍ ചട്ടംലംഘിച്ച് പതാകയുയര്‍ത്തിയ ആര്‍.എസ്.എസ് സര്‍സംഘ്ചാലക് മോഹന്‍ ഭാഗവതിനെതിരെ കേസെടുക്കണമെന്ന നിര്‍ദേശത്തിനെതിരെ രൂക്ഷവിമര്‍ശനവുമായി ബി.ജെ.പി നേതാവ് കെ. സുരേന്ദ്രന്‍.പതാകയുയര്‍ത്തിയതിന്റെ പേരില്‍ കേസ്സെടുക്കേണ്ടത് മോഹന്‍ ഭഗവതിനെതിരെയല്ലെന്നും സ്വാതന്ത്ര്യദിനാഘോഷ പരിപാടി അട്ടിമറിക്കാന്‍ ശ്രമിച്ചവര്‍ക്കെതിരെയാണെന്നും കെ