Categories

മനോരമയുടെ പിള്ള സ്‌നേഹം

Balakrishna Pillai

ഹരീഷ് വാസുദേവന്‍

ടവുശിക്ഷ അനുഭവിക്കവേ മൊബൈല്‍ ഫോണ്‍ ഉപയോഗിച്ചതിനു ബാലകൃഷ്ണപിള്ളയുടെ തടവുശിക്ഷ നാല് ദിവസം കൂടി നീട്ടിയ വാര്‍ത്ത രണ്ട് മലയാള പത്രങ്ങള്‍ എങ്ങനെ കൈകാര്യം ചെയ്തു എന്ന് നോക്കുന്നത് രസകരമാണ്.

മലയാളമനോരമ ദിനപ്പത്രം റിപ്പോര്‍ട്ട് ചെയ്തത് എങ്ങനെയാണെന്നു നോക്കൂ. ഒന്നാം പേജില്‍ സൈഡില്‍ രണ്ട് കോളം വാര്‍ത്തയാണ് മനോരമയ്ക്ക് ഇത്. ‘ഫോണ്‍ വിളി:പിള്ളയുടെ ശിക്ഷാ കാലാവധി നാല് ദിവസം കൂടി നീളും’ എന്നതാണ് തലവാചകം. എന്നാല്‍ മാതൃഭൂമിയില്‍ ഇത് ഒന്നാം പേജില്‍ വെണ്ടയ്ക്ക വാര്‍ത്തയാണ്. അതും നാലുകോളം. ‘ജയില്‍ ചട്ട ലംഘനം. ബാലകൃഷ്ണപിള്ളയ്ക്ക് നാല് ദിവസം കൂടി തടവ്’ എന്നാണ് മാതൃഭൂമിയുടെ താരതമ്യേന വ്യക്തമായ, ഫാക്ച്വല്‍ ആയ തലക്കെട്ട്. അതിനോടനുബന്ധിച്ച രണ്ട് അധികവാര്‍ത്തകള്‍ കൂടി മാതൃഭൂമി നല്‍കിയിട്ടുണ്ട്.

ഇനി വാര്‍ത്തയിലേക്ക് വന്നാല്‍ മാതൃഭൂമി താരതമ്യേന വിശദമായ റിപ്പോര്‍ട്ടാണ് നല്‍കിയിരിക്കുന്നത്.  ‘ജയില്‍ ശിക്ഷ അനുഭവിക്കുന്ന ആര്‍. ബാലകൃഷ്ണപിള്ള ആസ്പത്രിയില്‍ കഴിയവേ മൊബൈല്‍ ഫോണ്‍ ഉപയോഗിച്ചത് വിവാദമായിരുന്നു. ഇക്കാര്യം ജയില്‍ എ.ഡി.ജി.പി.ക്ക് വേണ്ടി വെല്‍ഫെയര്‍ ഓഫീസര്‍ അന്വേഷിച്ചിരുന്നു. പിള്ള ജയില്‍ചട്ടം ലംഘിച്ചുവെന്നായിരുന്നു അന്വേഷണ റിപ്പോര്‍ട്ട്. ഇതിന്റെ പശ്ചാത്തലത്തിലാണ് ജയില്‍ വകുപ്പിന്റെ നടപടി’ എന്നാണ് മാതൃഭൂമി വാര്‍ത്ത. ഇതില്‍ ബാലകൃഷ്ണപിള്ള നടത്തിയ ചട്ടലംഘനം ഒരു വസ്തുതയായി ആണ് കൊടുത്തിരിക്കുന്നത്. അതിനുശേഷം നടന്ന വസ്തുതകളും അപ്രകാരം നല്കിയിരിക്കുന്നു.
mathrubhumi news on balakrishna pillai
എന്നാല്‍ മനോരമ എങ്ങനെ ഈ വിഷയം കൈകാര്യം ചെയ്തുവെന്ന് നോക്കുന്നത് രസകരമാണ്.  മനോരമ ചുരുക്കിയാണു ഈ വാര്‍ത്ത നല്‍കിയിരിക്കുന്നത് (ആപ്പിള്‍ മുതലാളിയുടെ മരണവാര്‍ത്തയുടെ മുന്നില്‍ മനോരമയ്ക്ക് എന്ത് പിള്ള!).  വാര്‍ത്തയില്‍ മനോരമ പിള്ളയുടെ പക്ഷം പിടിക്കുന്നു. രണ്ടാം ഖണ്ഡിക തുടങ്ങുന്നത് ഇങ്ങനെ. ‘ചികിത്സയില്‍ കഴിയുന്ന സ്വകാര്യ ആശുപത്രിയില്‍ പിള്ള മൊബൈല്‍ ഫോണ്‍ ഉപയോഗിച്ചതാണ് പുലിവാലായത്’. നമ്മുടെ ഒരു സുഹൃത്ത് ഒരു തെറ്റ് ചെയ്തതിനെപ്പറ്റി മറ്റൊരാളോട് നാം ന്യായീകരിച്ചു സംസാരിക്കുമ്പോള്‍ ഉപയോഗിക്കുന്ന ടോണ്‍ ആണ് ഈ വാക്യത്തില്‍ മനോരമ ലേഖകന്റെത്.

സ്വന്തം ലേഖകന്‍ തുടരുന്നു….   ‘വാളകം സംഭവത്തെക്കുറിച്ച് പ്രതികരണം ആരാഞ്ഞ സ്വകാര്യ ചാനല്‍ ലേഖകന്‍ അത് റിക്കോര്‍ഡു ചെയ്തു പിള്ള ഫോണ്‍ ഉപയോഗിക്കുന്നുവെന്ന മട്ടില്‍ വാര്‍ത്ത നല്‍കുകയായിരുന്നു.’ ചില്ലിട്ടു വയ്‌ക്കേണ്ട തരം വാചകമാണിത്. പിള്ളയേ ചാനലുകാര്‍ വിളിച്ചു ചതിക്കുകയായിരുന്നു എന്നാണതിന്റെ ടോണ്‍. പിള്ള ഫോണ്‍ ഉപയോഗിച്ചിട്ടില്ല. അഥവാ ഉപയോഗിച്ചുവെങ്കില്‍ കുറ്റം പിള്ളയുടെതല്ല, ചാനലിന്റെത് മാത്രമാവുന്നു!!  ‘പിള്ള ഫോണ്‍ ഉപയോഗിക്കുന്നുവെന്ന മട്ടില്‍ വാര്‍ത്ത നല്‍കുകയായിരുന്നു’ അല്ലാതെ പിള്ളേച്ചന്‍  ഫോണ്‍ ഉപയോഗിച്ചെന്നും അതില്‍ ചട്ടലംഘനം ഉണ്ടെന്നും മനോരമയ്ക്ക് ഇപ്പോഴും അഭിപ്രായം ഇല്ല !!!

പിന്നീടുള്ള വരികളില്‍ മനോരമയും മാതൃഭൂമിയും തമ്മില്‍ വസ്തുതാപരമായി യോജിക്കുന്നില്ല. സര്‍ക്കാര്‍ അന്വേഷണത്തിന് ഉത്തരവിട്ടെന്നും, അതനുസരിച്ച് നടന്ന അന്വേഷണ റിപ്പോര്‍ട്ട് ജയില്‍ എ.ഡി.ജി.പി മുഖ്യമന്ത്രിക്ക് കൈമാറിയെന്നും, ഉന്നത ഉദ്യോഗസ്ഥരുമായി മുഖ്യമന്ത്രി ചര്‍ച്ച നടത്തിയെന്നും അതിന്റെ അടിസ്ഥാനത്തിലാണ് നടപടിയെന്നുമാണ് മനോരമ പറയുന്നത്. എന്നാല്‍ നടപടിയെടുത്ത ശേഷം ജയില്‍ എ.ഡി.ജി.പി വിവരം സര്‍ക്കാരിനെ അറിയിക്കുകയായിരുന്നു എന്നാണ് മാതൃഭൂമി പറയുന്നത്. ഉമ്മന്‍ചാണ്ടിയെ രക്ഷിക്കേണ്ട ബാധ്യത മനോരമയ്ക്ക് ഉണ്ടെങ്കിലും മാതൃഭൂമി അത് ഇതുവരെ ഏറ്റെടുത്തു കണ്ടില്ല.

സ്വതവേ സവര്‍ണ്ണ ഹിന്ദുത്വത്തോടും വിശിഷ്യാ നായര്‍ സമുദായത്തോടും അനുകൂലനിലപാട് പ്രകടിപ്പിക്കുന്ന മാതൃഭൂമി പോലും ഇക്കാര്യത്തില്‍ മിതത്വം പാലിച്ചു. എന്നാല്‍ മലയാള മനോരമ പതിവുപോലെ വാക്കുകള്‍ക്കിടയിലൂടെ വായനക്കാരനെ മനോരമീയന്‍ കാഴ്ചപ്പാടിലേക്ക് എത്തിക്കാന്‍ ശ്രമിക്കുകയാണ് ചെയ്തത്. ഓരോ വിഷയത്തിലും മനോരമയുടെ ഈ വക്രീകരണം വായനക്കാരെ വഴിതെറ്റിക്കുന്നുണ്ട്. ഇതൊരു ഉദാഹരണം മാത്രം. ‘ധര്‍മ്മമാണ് കുലദൈവം’ എന്ന് പ്രഖ്യാപിക്കുന്ന മനോരമയുടെ ധര്‍മ്മം ഇത് തന്നെയായിരിക്കും.

14 Responses to “മനോരമയുടെ പിള്ള സ്‌നേഹം”

  1. Anu

    മനോരമീയന്‍ കാഴ്ചപ്പാട്‌ നല്ല പ്രയോഗം

  2. BAIJU RAMDAS

    ഞാന്‍ ഒരു മനോരമ വരിക്കാരന്‍ ആണ് . ഈയിടെ ആയി മനോരമയുടെ മാര്‍ക്സിസ്റ്റ്‌ വിരോധം പ്രത്യേകിച്ചും അച്യുതാനന്ദനെതിരെ കുറച്ചു കൂടി പോകുന്നില്ലേ എന്ന് സംശയം . പത്രം ഒരു ശരാശരി പാര്‍ട്ടി പത്രങ്ങളുടെ നിലവാരം പുലര്‍ത്താന്‍ തുടങ്ങിയപ്പോള്‍ ഞാന്‍ വെറുതെ വിക്കിപീടിയ ഒന്ന് നോക്കി .അതില്‍ വളരെ വ്യക്തമായി എഴുതിയത് കണ്ടു – PRO-CONGRESS. ഏതായാലും നാലു രൂപ കൊടുത്ത് ഈ പാര്‍ട്ടി പത്രം വായികേണ്ട ഗതികേട് ഇത്രയും കാലം ഉണ്ടായല്ലോ എന്ന് ഓര്‍ത്തപ്പോള്‍ ലജ്ജ തോന്നുന്നു . ഏതായാലും തമ്മില്‍ ഭേദം മാതൃഭൂമി ആണെന്നാണ് തോന്നുന്നത് . മനോരമ ഞാന്‍ നിര്‍ത്തി …ഇനി ഇവര്‍ക്ക് എത്ര കാലം പാവം മലയാളികളെ പറ്റിക്കാന്‍ കഴിയുമെന്ന് നോക്കാം

  3. rajesh

    മനോരമയാണ്‌ PAID NEWS ഇത്രയും വ്യാപകമാക്കിയത്

  4. പുള്ളി

    മൂട് താങ്ങികള്‍ ………….

  5. Manojkumar.R

    ” ഒള്ള കാലത്ത് കൊച്ചു മക്കള്‍ക്ക്‌ നാല് കാശുണ്ടാക്കി വച്ചില്ലെങ്കി പിന്നെന്തോന്നിനാടോ ജീവിക്കുന്നെ”
    ഇത് “പത്രം” എന്നാ സിനിമയിലെ ഡയലോഗാണ്.മനോരമയെ കുറിച്ച് ഇത്ര പറഞ്ഞാല്‍ പോരെ!കാശുണ്ടാക്കാന്‍ സഹായിക്കുന്നവര്‍ ആരാണോ അവരെ സ്തുതിക്കുകയെന്നതാണ് ഈ പത്രമുതശിയുടെ പത്ര ധര്‍മം!

  6. J.S. ERNAKULAM.

    മനോരമ എന്നും കോണ്‍ഗ്രസ്സിനൊപ്പം,
    അത് മനസ്സിലാക്കാന്‍ ഇന്റര്‍ നെറ്റ് നോക്കേണ്ട,
    മനോരമയുടെ തല വാചകം മാത്രം മതി.
    കേരളത്തിലെ ഓരോ പത്രവും ഓരോ പാര്‍ട്ടി യെ പിന്തുണയ്ക്കുന്നു,
    പണ്ട്,
    പത്രം വാങ്ങിചിരുന്നവര്‍ ഭാഷയെ അടുത്തറിയാനും, വാര്‍ത്തകള്‍ അറിയാനുമാണ്.
    ഇന്ന്,
    പത്രങ്ങള്‍ വാങ്ങിക്കുന്നത് സാധനങ്ങള്‍ പൊതിയാനും, തറയില്‍ വിരിച്ചു ഇരിക്കാനും, വിശറി യാക്കാനും, പിന്നെ പൊങ്ങച്ചത്തിനും,
    പണ്ട്
    പത്രങ്ങള്‍ തൂകി വില്‍ക്കുമ്പോള്‍ ഓരോ പേപാരും വെവ്വേറെ ആയിരുന്നു,\
    ഇന്ന്,
    തൂക്കി വില്‍ക്കുന്ന പത്രം തുറന്നു പോലും നോക്കാതതാണ്

  7. Benny Joseph

    പത്രം മുഴുവന്‍ കുത്തിയിരുന്ന് വായിച്ചു തീര്‍ക്കുന്ന സ്വഭാവം ഇന്ന് മലയാളിക്ക് ഉണ്ടെന്നു തോന്നുനില്ല. തലകെട്ടുകള്‍ മാത്രമേ അവര്‍ വായിക്കാറുള്ളൂ. മനോരമ ഇന്ന് തലകെട്ടുകളിലൂടെ അവര്‍ക്ക് പറയാനുള്ളത് ഏറ്റവും വ്യക്തമാക്കാന്‍ ശ്രമിക്കാറുണ്ട്. മനോരമയുടെ പക്ഷഭേദം എല്ലാ മലയാളികള്‍ക്കും അറിയാവുന്ന കാര്യമല്ലേ? എന്നാല്‍ അവര്‍ പടച്ചുവിടുന്നത്‌ പലതും വ്യാജമാണ്, അല്ലെകില്‍ പെയ്ഡ് ന്യൂസ് ആണ് എന്ന സത്യം മിക്കവര്‍ക്കും അറിയില്ല.

  8. anil

    അക്ഷരങ്ങളില്‍ വിഷം പുരട്ടി മനുഷ്യ ജീനില്‍ അത് പടര്‍ത്താന്‍ എത്ര കാലമായി മനോരമ ശ്രമിക്കുന്നു. വികസനത്തിന്റെ പുതിയ മാലാഖമാര്‍
    കന്യ സ്ത്രീകളെ കൊല്ലാനും അച്ചന്മാര്‍ക്ക് പെണ്‍കുട്ടികളെ പീഡിപ്പിക്കാനും , വിദ്യാഭ്യാസ കച്ചവടത്തിനും, പെറ്റുപെരുകി കേരളത്തില്‍ ഭൂരിപക്ഷമാകാനും ഉള്ള അവകാശം ന്ന്യൂനപക്ഷ അവകാശമാക്കാന്‍ ഉമ്മനും മാണിയും ഭരണം അവര്‍ക്ക് കൂടിയേ തീരൂ

  9. Thulasi

    >>>>പത്രം മുഴുവന്‍ കുത്തിയിരുന്ന് വായിച്ചു തീര്‍ക്കുന്ന സ്വഭാവം ഇന്ന് മലയാളിക്ക് ഉണ്ടെന്നു തോന്നുനില്ല. തലകെട്ടുകള്‍ മാത്രമേ അവര്‍ വായിക്കാറുള്ളൂ. <<<<

    എല്ലാവരും ബെന്നി ജോസഫിനെപ്പോലെ ആണോ? ഞാന്‍ അറിയുന്നവര്‍ പ്രധാന വാര്‍ത്തകള്‍ മുഴുവന്‍ വായിക്കാറുണ്ട്.

  10. antony

    കമ്മ്യൂണിസ്റ്റ്‌ കാരന്‍ അധികാരത്തില്‍ വന്നാല്‍ വിഷം കഴിച്ചു ആത്മഹതിയ ചെയ്യുംമെന്നു വീമ്പടിച്ച മാമ്മന്‍ മാപ്പിള ,ബ്രട്ടിശുകര്‍ക്ക് മാപ്പെഴുതികൊടുത്തു ജയിലില്‍ നിന്ന് മുങ്ങിയ (സ്വാതന്ത്രിയ സമരത്തെ ഒറ്റികൊടുത്ത ) മനോരമയുടെ നടത്തിപ്പുകാരന്‍ , സ്വിസ്സ് ബാങ്കില്‍ പണവും നിക്ഷേപിച്ചു ,എം ആര്‍ എഫ്ഫ് ടയറും നടത്തി , ,മലയാളഭാഷയെപ്പോലും വിറ്റുകാശാക്കി നടക്കുന്ന റബ്ബര്‍ കമ്പനി ,മനോരോഗികള്‍ രമിക്കുന്ന മനോരമ ,അങ്ങിനെ അങ്ങിനെ എത്രെയ്ത്ര പേരുകള്‍ കൂടിച്ചേര്‍ന്നതാണ് ഈ വിഷ വൃക്ഷം !

  11. anil

    ചര്‍ച്ച ചെയ്യുന്ന വിഷയം കേട്ടാല്‍ തോന്നും ലോകത്ത് ആദ്യമായ് ഒരാള്‍ ജയിലില്‍ നിന്നും ഫോണ്‍ വിളിച്ചതാണ് എന്ന്. MP രാജേഷ്‌ പറഞ്ഞതാണ്‌ കാര്യം ഏതൊക്കെ ആളെ കുട്ടാനുള്ള പോടികായ്‌ മാത്രമാണ്. കേരളം മുഴുവന്‍ കട്ടുമോട്ടിച്ച സിപിഎം കോണ്‍ഗ്രസ്‌ കുട്ടുകെട്ടിന്റെ മോഡി പിടിപ്പിച്ച നാടോടി കഥകള്‍. വെറുതെ ഇതിനൊക്കെ സമയം കളയാതെ മറ്റെന്തെകിലും പണി നോക്കുക.

  12. J.S. ERNAKULAM

    antony
    ക്ക് മാമന്‍ മാപ്പിള യെക്കാള്‍ പ്രായം ഉണ്ടോ?????

  13. jaison mathew

    എല്ലാ മാധ്യമങ്ങള്‍ക്കും രാഷ്ട്രീയമുണ്ട് മനോരമ അത് തുറന്നു പറയാതെ നിഷ്പഷ മുഖംമൂടി അണിഞ്ഞ് ഉളുപ്പില്ലാതെ കോണ്‍ഗ്രസ്സിന്‍റെ മൂട് താങ്ങുന്നു, പക്ഷം പിടിക്കാന്‍ എല്ലാവര്‍ക്കും അവകാശമുണ്ട് നിഷ്പക്ഷം എന്നൊരു പക്ഷം തന്നെയില്ല കോണ്‍ഗ്രസ് പക്ഷം പിടിക്കാന്‍ മനോരമക്ക് അവകാശമുണ്ട് പക്ഷെ അത് തുറന്നു പറയാനുള്ള ആര്‍ജവം ഇനിയെങ്കിലും കാണിക്കണം
    എ കെ ജി സെന്‍റെറിന് മുകളിലൂടെ കാക്ക പറന്നാല്‍ അത് ഒന്നാം പേജില്‍ നാല് കോളം വാര്‍ത്തയാവുന്നതും 2G സ്പെക്ട്രം അഴിമതി വാര്‍ത്ത‍ രണ്ടര സെന്റിമീറ്ററില്‍ ആരും കാണാത്ത മൂലയില്‍ ഒതുക്കുന്നതും നിഷ്പക്ഷതയാണെന്നു വിശ്വസിക്കാന്‍ ബുദ്ധിമുട്ടുണ്ട്

  14. vikkis

    ജാതിയും മതവും കളിച്ചു നടക്കുന്നവര്‍ ഇനി എത്ര വലിയ കള്ളന്മാരായാലും പെണ്ണ് പിടിയന്മാരായാലും അവരെ സഹായിക്കാന്‍ മനോരമ ഇപ്പോഴും ഉണ്ടാകും..

LEAVE YOUR COMMENTS

Press ctrl+g to toggle between English and Malayalam.