Categories

തിരുവനന്തപുരത്ത് മാധ്യമപ്രവര്‍ത്തകര്‍ക്ക് ക്രൂരമര്‍ദ്ദനം

തിരുവനന്തപുരം: തിരുവനന്തപുരം സി.എസ്.ഐ സഭയുടെ ആസ്ഥാനത്ത് എല്‍.എം.എസ് കോമ്പൗണ്ടില്‍ മാര്‍ച്ച് നടത്തിയ മാധ്യമപ്രവര്‍ത്തകര്‍ക്കുനേരെ പോലീസ് മര്‍ദ്ദനം. മര്‍ദ്ദനത്തില്‍ മൂന്ന് മാധ്യമപ്രവര്‍ത്തകര്‍ക്ക് പരിക്കേറ്റു.

ഏഷ്യാനെറ്റ് റിപ്പോര്‍ട്ട് ശരത് കൃഷ്ണന്‍, ക്യാമറാമാന്‍ അയ്യപ്പന്‍, ഇന്ത്യാവിഷന്‍ തിരുവനന്തപുരം ബ്യൂറോ ചീഫ് മാര്‍ഷല്‍ വി സെബാസ്റ്റ്യന്‍ എന്നിവര്‍ക്കാണ് പരിക്കേറ്റത്. പരിക്കേറ്റ മാധ്യമപ്രവര്‍ത്തകരെ ജനറല്‍ ആശുപത്രിയില്‍ പ്രവേശിപ്പിച്ചു. മാര്‍ഷലിന്റെ തലയ്ക്ക് പോലീസിന്റെ ലാത്തിയടിയേല്‍ക്കുകയായിരുന്നു.

കാരക്കോണം മെഡിക്കല്‍ കോളെജില്‍ തലവരിപ്പണം വാങ്ങിയ വാര്‍ത്തയുമായി ബന്ധപ്പെട്ട് ബിഷപ്പ് ഹൗസിലെത്തിയ ഏഷ്യനെറ്റ് റിപ്പോര്‍ട്ടര്‍ ശരത്കൃഷ്ണനെയും ക്യാമറാമാന്‍ അയ്യപ്പനെയും ഒരു സംഘം ആക്രമിക്കുകയായിരുന്നു. ഒരു പോലീസുകാരനും ഒരു ഡി.സി.സിയംഗവും ഉള്‍പ്പെടെ ഇരുപത്തിയഞ്ചോളം പേരടങ്ങിയ സംഘമാണ് ആക്രമണം നടത്തിയത്. ഇവര്‍ ക്യാമറ പിടിച്ചെടുത്ത് ടേപ്പ് എടുത്തുമാറ്റി ക്യാമറ തകര്‍ക്കുകയും ചെയ്തു.

ഇതില്‍ പ്രതിഷേധിച്ചു പത്രപ്രവര്‍ത്തക യൂണിയന്റെ നേതൃത്വത്തില്‍ സി.എസ്.ഐ ആസ്ഥാനത്ത് മാര്‍ച്ച് നടന്നിരുന്നു. സമാധാനമായി മാര്‍ച്ച് നടത്തുകയായിരുന്ന മാധ്യമപ്രവര്‍ത്തകര്‍ക്കുനേരെ പോലീസ് ലാത്തിചാര്‍ജ് നടത്തുകയായിരുന്നു. ഇതിലാണ് മാര്‍ഷലിന് പരിക്കേറ്റത്.

അക്രമവുമായി ബന്ധപ്പെട്ട് എല്‍.എം.എസ് ബിഷപ്പ് ഹൗസിലെ സെക്യൂരിറ്റി ജീവനക്കാരായ ഡേവിഡിനെയും മറ്റൊരാളെയും പോലീസ് കസ്റ്റഡിയിലെടുത്തു. കണ്ടാലറിയാവുന്ന പത്ത് പേര്‍ക്കെതിരെ പോലീസ് കേസെടുത്തിട്ടുണ്ട്. വാര്‍ത്താ സംഘത്തിന്റെ കൈയ്യില്‍ നിന്നും പിടിച്ചെടുത്ത ടേപ്പ് അഞ്ച് മണിക്ക് മുമ്പ് തിരികെ നല്‍കാമെന്നും പറഞ്ഞിട്ടുണ്ട്.

മാധ്യമപ്രവര്‍ത്തകരെ അക്രമിച്ചതുമായി ബന്ധപ്പെട്ട് സ്‌പെഷ്യല്‍ ബ്രാഞ്ച് എ.എസ്.ഐ റസലിയന്‍, എ.ആര്‍ ക്യാമ്പിലെ ജോണ്‍ എന്നിവരെ പോലീസ് സസ്‌പെന്റ് ചെയ്തു. ക്യാമറ തട്ടിയെടുത്ത സംഘത്തില്‍ റസലിയന്‍ ഉണ്ടായിരുന്നതായി തെളിഞ്ഞിട്ടുണ്ട്.

5 Responses to “തിരുവനന്തപുരത്ത് മാധ്യമപ്രവര്‍ത്തകര്‍ക്ക് ക്രൂരമര്‍ദ്ദനം”

  1. balan

    നാട്ടിലെ നടക്കുന്ന അഴിമതി പലതും പുറത്ത് കൊണ്ടുവരുന്നത്തെ മാദ്യമം ആണേ.ഇതേ ജനങ്ങള്‍ക്കെ അറിയണ്ട അവ്കസവും ഉണ്ടേ .ഇതേ ജനങ്ങളെ അറിയിക്കുന്നത്തെ മദ്യമം.അഴിമാതികരന്മാര്‍ക്കെ ഇതേ ദാഹിക്കുന്നത്തെ അല്ലാ അതിനെ അവര്‍ കണ്ടിരിക്കുന്ന മാര്‍ഗം മദ്യമ പ്രവര്‍ത്തകരെ ഇല്ലായ്മ ചെയുക . ഇത്തരം ക്രുരതക്കെതിരെ പൊതുജനം മദ്യമ പ്ര്വര്ത്തകര്‍ക്കെ ഒഇന്തുണ ഉണ്ടാകെന്ടാതെ ആവശ്യമായി വന്നിരിക്കുന്നു !

  2. balan

    മദ്യമ പ്രവര്‍ത്തകര്‍ക്കെ പിന്തുണയുമായി സകല ജനങ്ങളും രംഗത്തേക്ക് വരണ്ട സമയം അയിഇരിക്കുന്നു !

  3. nadapuram puli

    കൃസ്തന്‍ വര്‍ഗീയത പത്തു ശതമാനം പോലും ഇല്ലാത്ത കേരളത്തില്‍ നടകില്ല അച്ഛന്‍ മാരെ ഇത് യുറോപ് അല്ല കേരളം ആണ്

  4. nadapuram puli

    കുരിഷിന്തേ പേര് പറഞ്ഞു കോണ്ഗ്രസ് കൂടെ ഉണ്ടാഗില്‍ നാട് ബരികം എന്ന് കോട്ടയകാര്‍ കരുതുന്നു എങ്കില്‍ തെറ്റ് പറ്റി

  5. SHINU

    മത-വലതുപക്ഷ-പോലീസ് കൂട്ട് കെട്ടിന്റെ നര നായാട്ടില്‍ പ്രതിഷേധിക്കുക…വിദ്യാഭ്യാസ കൊള്ളക്കാരെ തുറന്നു കാട്ടിയ മാധ്യമ പ്രവര്‍ത്തകര്‍ക്ക് ചുകപ്പന്‍ അഭിവാദ്യങ്ങള്‍..

LEAVE YOUR COMMENTS

Press ctrl+g to toggle between English and Malayalam.