Categories

Headlines

നടന്‍ ശ്രീനിവാസന്റെ വീടിന് നേരെ കരിഓയില്‍ പ്രയോഗം

കണ്ണൂര്‍: നടന്‍ ശ്രീനിവാസന്റെ വീടിന് നേരെ കരിഓയില്‍ പ്രയോഗം. കണ്ണൂര്‍ കൂത്തുപറമ്പിലെ വീടിന് നേരെയാണ് കരിഓയില്‍ പ്രയോഗം. ഇന്നലെ രാത്രിയോ ഇന്ന് പുലര്‍ച്ചയോടെയോ ആണ് കരിഓയില്‍ പ്രയോഗം ഉണ്ടായിരിക്കുന്നത്

ശ്രീനിവാസനോ കുടുംബമോ ഇവിടെ താമസമില്ല. അതുകൊണ്ട് ആരാണ് ഇതിന് പിന്നില്‍ എന്ന കാര്യത്തില്‍ വ്യക്തതയില്ല. ഇന്ന് രാവിലെയോടെയാണ് ഇത് ചിലരുടെ ശ്രദ്ധയില്‍പ്പെട്ടത്.

നടി ആക്രമിക്കപ്പെട്ട കേസില്‍ ജയിലില്‍ കഴിയുന്ന നടന്‍ ദിലീപിനെ അനുകൂലിച്ചുള്ള ശ്രീനിവാസന്റെ പ്രസ്താവനക്ക് പിന്നാലെയാണ് കരിഓയില്‍ പ്രയോഗം. സംഭവത്തില്‍ അന്വേഷണം ആരംഭിച്ചതായി പൊലീസ് പറഞ്ഞു.

നടന്‍ ദിലീപിനെ പിന്തുണച്ച് നടന്‍ ശ്രീനിവാസന്‍ ഇന്നലെയായിരുന്നു വീണ്ടും രംഗത്തെത്തിയത്. ദിലീപ് ഇത്തരമൊരു മണ്ടത്തരം ചെയ്യില്ലെന്നാണ് താന്‍ കരുതുന്നതെന്നായിരുന്നു ശ്രീനിവാസന്‍ മാധ്യമങ്ങളോട് പറഞ്ഞത്.

ദിലീപിനെ പിന്തുണയക്കുകയാണോയെന്ന ചോദ്യത്തിന്, പിന്തുണയ്ക്കുകയല്ല, തന്റെ പിന്തുണ ദിലീപിന് ആവശ്യമില്ലെന്നുമായിരുന്നു ശ്രീനിവാസന്റെ മറുപടി. ദിലീപ് അങ്ങനെ ചെയ്യില്ലെന്നത് തന്റെ വിശ്വാസമാണ്. അത് കാലം തെളിയിക്കും. ദിലീപ് തെറ്റുചെയ്തെന്ന് താന്‍ വിശ്വസിക്കുന്നില്ല.

ദിലീപ് സാമാന്യബുദ്ധിയുള്ള ആളാണെന്നാണ് വിശ്വാസം. പോലീസിന്റേയും കോടതിയുടെയും പരിഗണനയില്‍ ഇരിക്കുന്ന വിഷയവുമായതിനാല്‍ കൂടുതല്‍ പറയുന്നില്ലെന്നും അദ്ദേഹം പറഞ്ഞിരുന്നു.

കഴിഞ്ഞദിവസം ദിലീപിനെ പിന്തുണച്ച് നടനും എല്‍എഎയുമായ കെ.ബി. ഗണേഷ് കുമാറും രംഗത്തെത്തിയിരുന്നു. ജയിലിലെത്തി ദിലീപിനെ സന്ദര്‍ശിച്ച ഗണേഷ് കുമാര്‍, ദിലീപിന് പിന്തുണയുമായി സിനിമാ മേഖലയിലുള്ളവര്‍ രംഗത്തിറങ്ങണമെന്ന് പറഞ്ഞിരുന്നു.

Tagged with:


താജ്മഹല്‍ ആയുധമാക്കി രാജ്യത്തെ വര്‍ഗീയമായി വിഭജിക്കാനാണ് സംഘപരിവാര്‍ നീക്കം;നൂറ്റാണ്ടുകളായി വിസ്മയിപ്പിച്ചുകൊണ്ടിരിക്കുന്ന താജ്മഹല്‍ തന്നെ അജണ്ടക്ക് ഇരയാകുന്നത് ദുരന്തമാണെന്നും തോമസ് ഐസക്ക്

തിരുവനന്തപുരം: അടുത്ത പാര്‍ലമെന്റ് തിരഞ്ഞെടുപ്പിന് മുമ്പ് താജ്മഹല്‍ മുന്‍ നിര്‍ത്തി രാജ്യത്തെ വര്‍ഗ്ഗീയമായി വിഭജിക്കാനാണെന്ന് സംഘപരിവാര്‍ സംഘടനകളുടെ നീക്കമെന്ന് സംശയിക്കേണ്ടിയിരിക്കുന്നെന്ന് ധനമന്ത്രി ഡോ: തോമസ് ഐസക്ക്.ബാബറി മസ്ജിദ് തകര്‍ത്തത് ഒരു ദീര്‍ഘകാല പദ്ധതിയുടെ തുടക്കമായിരുന്നു എന്നും. ദേശവിദേശങ്ങളിലെ നാനാജാതിമതസ്ഥരായ സഞ്ചാരപ്രേമികളും സൌന്ദര്യാരാധ