Categories

ലണ്ടനിലേക്ക് പോകാമെന്ന് നേരത്തെ അറിയാമായിരുന്നുവെന്ന് സുധാസിംഗ്; പ്രസ്താവനക്ക് പിന്നാലെ അനുമതി നിഷേധിച്ച് അത്‌ലറ്റിക് ഫെഡറേഷന്‍

 

ന്യൂദല്‍ഹി: അത്‌ലറ്റിക് ചാമ്പ്യന്‍ഷിപ്പിനായി ലണ്ടനിലേക്ക് പോകാമെന്ന് തനിക്ക് നേരത്തെ അറിയാമായിരുന്നെന്നും സ്റ്റീപ്പിള്‍ ചേസ് താരം സുധാ സിംഗിന്റെ വെളിപ്പെടുത്തല്‍. തനിക്ക് ഈ വിവരം അറിയാമായിരുന്നെന്നും അത് കൊണ്ടാണ് താന്‍ കോടതിയെ സമീപിക്കാതിരുന്നെതെന്നും സുധാ പറഞ്ഞു.വാര്‍ത്താ ഏജന്‍സിയോടാണ് സുധാ സിംഗ് ഇക്കാര്യം പറഞ്ഞത്.

അതിനിടെ സുധാസിംഗിന് അനുമതി നല്‍കിയത് വിവാദമായതോടെ ദേശീയ അത്‌ലറ്റിക് ഫെഡറേഷന്‍ മലക്കംമറിഞ്ഞു. സുധാ സിങ്ങിനെ ലണ്ടനിലേക്ക് അയക്കില്ലെന്ന് ഫെഡറേഷന്‍ വ്യക്തമാക്കി. സുധയുടെ പേര് വെട്ടാന്‍ മറന്നുപോയതാണെന്ന വിചിത്ര ന്യായമാണ് ഫെഡറേഷന്‍ ചൂണ്ടിക്കാട്ടിയത്.

ചാമ്പ്യന്‍ഷിപ്പിനുളള ഇന്ത്യന്‍ ടീമില്‍ നിന്നും സെലക്ഷന്‍ കമ്മിറ്റി ഒഴിവാക്കിയ സുധയെ അത്‌ലറ്റിക് ഫെഡറേഷന്‍ പ്രത്യേകം സമ്മര്‍ദ്ദം ചെലുത്തി ഉള്‍പ്പെടുത്തിയത് വിവാദമായിരുന്നു. സുധ സിങിന് 300 മീറ്റര്‍ സ്റ്റിപ്പില്‍ ചേസില്‍ പങ്കെടുക്കാനാണ് അനുമതി നല്‍കിയിരുന്നത്. സുധയുടെയും ദ്യൂതി ചന്ദിന്റെയും പേരുകള്‍ ഉള്‍പ്പെടുത്തി രണ്ടാമതൊരു എന്‍ട്രികൂടി അത്ലറ്റിക് ഫെഡറേഷന്‍ സമര്‍പ്പിച്ചിരുന്നു.


Also read ചിത്രയെ ഒഴിവാക്കിയത് താന്‍ അറിഞ്ഞില്ല; തന്നെ അന്തിമ പട്ടികകാണിച്ചില്ല; അത്‌ലറ്റിക് ഫെഡറേഷനെതിരെ വിമര്‍ശനവുമായി സെലക്ഷന്‍ കമ്മിറ്റി ചെയര്‍മാന്‍ ജി.എസ് രണ്‍ധാവെ


അതിനിടെ ദേശീയ അത്‌ലറ്റിക് ഫെഡറേഷനെതിരെ രൂക്ഷ വിമര്‍ശനവുമായി സെലക്ഷന്‍ കമ്മിറ്റി ചെയര്‍മാന്‍ ജി.എസ് രണ്‍ധാവെ രംഗത്തെത്തിയിരുന്നു. ഏഷ്യന്‍ചാമ്പ്യന്‍മാരെയെല്ലാം ടീമില്‍ ഉള്‍പ്പെടുത്തണമെന്ന് താന്‍ നിര്‍ദ്ദേശിച്ചിരുന്നു. എന്നാല്‍ അന്തിമ പട്ടിക തയ്യാറാക്കിയ അത്‌ലറ്റിക് ഫെഡറേഷന്‍ ചിത്രയെ ഒഴിവാക്കുകയായിരുന്നു. ഇത് തന്നെ അറീയിച്ചത് അവസാന നിമിഷമാണ്. സെലക്ഷന്‍ കമ്മിറ്റി ചെയര്‍മാന്‍ ആയിരുന്നിട്ടുകൂടി അന്തിമപട്ടിക തന്നെ കാണിച്ചില്ലെന്നും അദ്ദേഹം പറഞ്ഞു.

ഏഷ്യന്‍ അതല്റ്റിക്‌സ് ചാമ്പ്യന്‍ഷിപ്പില്‍ 1500 മീറ്ററില് സ്വര്‍ണം നേടിയ ചിത്രയുടെ പ്രകടനം ലോകനിലവാരവുമായി താരതമ്യം ചെയ്യുമ്പോള്‍ ഏറെ പിന്നിലാണെന്ന് ചൂണ്ടിക്കാട്ടി ഫെഡറേഷന്‍ ലണ്ടനിലേക്കുള്ള ടീമില്‍ നിന്ന് ഒഴിവാക്കുകയായിരുന്നു. ഇത് ഏറേ വിവാദങ്ങള്‍ക്കും വഴിവെച്ചിരുന്നു.

തുടര്‍ന്ന് പി.യു ചിത്ര അവസരം നിഷേധിച്ചതിനെതിരെ ഹൈക്കോടതിയെ സമീപിച്ചിരുന്നു. തുടര്‍ന്ന് ഫെഡറേഷന്റെ യോഗ്യതാ മാനദണ്ഡങ്ങളും സെലക്ഷന്‍ വിശദാംശങ്ങളും ഹാജരാക്കി വിശദീകരണം നല്‍കണമെന്ന് കോടതി കേന്ദ്രസര്‍ക്കാറിന് നിര്‍ദേശം നല്‍കിയിരുന്നു. എന്നാല്‍ അത്‌ലറ്റിക് ഫെഡറേഷന്‍ സ്വതന്ത്ര സ്ഥാപനമാണെന്നും അതിന്റെ പ്രവര്‍ത്തനങ്ങളില്‍ ഇടപെടാന്‍ സര്‍ക്കാറിന് കഴിയില്ലന്നും കേന്ദ്രം കോടതിയെ അറീയിച്ചിരുന്നു.


Also read ചിത്രശലഭം പറക്കില്ല; ഇന്ത്യന്‍ അത്‌ലറ്റിക് ഫെഡറേഷന്റെ കത്ത് അന്താരാഷ്ട്ര അത്‌ലറ്റിക് ഫെഡറേഷന്‍ തള്ളി


പിന്നീട് ഹൈക്കോടതി വിധി മാനിക്കണമെന്ന് കേന്ദ്ര കായികമന്ത്രി വിജയ് ഗോയല്‍ അത്‌ലറ്റിക് ഫെഡറേഷന്‍ പ്രസിഡന്റിന് നിര്‍ദേശം നല്‍കി. വൈല്‍ഡ് കാര്‍ഡ് എന്‍ട്രി ഉറപ്പുവരുത്തണമെന്നും ഹൈക്കോടതി വിധിക്കെതിരെ അപ്പീല്‍ പോകരുതെന്നും മന്ത്രി നിര്‍ദേശിച്ചിരുന്നു.

തുടര്‍ന്ന് ചിത്രയെ പങ്കെടുപ്പിക്കണമെന്നാവശ്യപ്പെട്ട് ഇന്ത്യന്‍ അത്‌ലറ്റിക് ഫെഡറേഷന്‍ അന്താരാഷ്ട്ര അത്‌ലറ്റിക് ഫെഡറേഷന് കത്ത് നല്‍കിയെങ്കിലും ഫെഡറേഷന്‍ കത്ത് തള്ളുകയായിരുന്നു.