Categories

Headlines

ഘരാവോ: കെജ്‌രിവാളിനെയും സംഘത്തെയും കസ്റ്റഡിയിലെടുത്ത് വിട്ടയച്ചു

ന്യൂദല്‍ഹി: പ്രധാനമന്ത്രി മന്‍മോഹന്‍ സിങ്ങിന്റെയും കോണ്‍ഗ്രസ്, ബി.ജെ.പി പ്രസിഡന്റുമാരുടെയും വീട് ഘരാവോ ചെയ്യാന്‍ ശ്രമിച്ച അരവിന്ദ് കെജ്‌രിവാളിനെയും സംഘത്തെയും പോലീസ് തടഞ്ഞു. കെജ്‌രിവാള്‍, സിസോഡിയ, ഗോപാല്‍ റായ്, കുമാര്‍ വിശ്വാസ്, സഞ്ജയ് സിങ്ങ് എന്നിവരെയാണ് കസ്റ്റഡിയിലെടുത്തത്.

Ads By Google

ഒരു മണിക്കൂറോളം മന്ദിര്‍ മാര്‍ഗ് പോലീസ് സ്‌റ്റേഷനില്‍ കഴിഞ്ഞ ഇവരെ പിന്നീട് വിട്ടയച്ചു. പ്രധാനമന്ത്രിയുടെ വീടിന് സമീപത്ത് നിന്നാണ് കെജ്‌രിവാളിനെയും ഗോപാലിനെയും പിടികൂടിയത്. സിസോഡിയയെയും വിശ്വാസിനെയും സോണിയയുടെ വസതിയായ 10 ജന്‍പഥില്‍ നിന്നും പിടികൂടി. ബി.ജെ.പി നേതാവ് നിതിന്‍ ഗഡ്ഗരിയുടെ വീട്ടില്‍ നിന്നാണ് സഞ്ജയ് സിങ്ങിനെ പിടികൂടിയത്.

കല്‍ക്കരി പാട അഴിമതിയില്‍ പങ്കുണ്ടെന്നാരോപിച്ച് ഈ മൂന്ന് നേതാക്കളുടെയും വീട് ഘരാവോ ചെയ്യുമെന്ന് കെജ്‌രിവാളും അഴിമതിക്കെതിരെ ഇന്ത്യ സംഘവും കഴിഞ്ഞദിവസം പ്രഖ്യാപിച്ചിരുന്നു. ദല്‍ഹി പോലീസില്‍ നിന്നും ഇതിന് അനുമതി തേടുകയും ചെയ്തിരുന്നു. എന്നാല്‍ ഈ സ്ഥലങ്ങളില്‍ നിരോധനാജ്ഞ നിലനില്‍ക്കുന്നുണ്ടെന്ന് പറഞ്ഞ് ദല്‍ഹി പോലീസ് പ്രതിഷേധ പ്രകടനത്തിന് അനുമതി നിഷേധിച്ചു. എന്നാല്‍ ഇത് വകവെക്കാതെ കെജ്‌രിവാളും സംഘവും പ്രതിഷേധ പ്രകടനങ്ങള്‍ നടത്തുകയായിരുന്നു.

തങ്ങള്‍ നിരോധനാജ്ഞ മറികടന്നിട്ടില്ലെന്ന് പ്രതിഷേധക്കാരുടെ വക്താക്കള്‍ പറഞ്ഞു. രണ്ട് പേര്‍ മാത്രമാണ് ഉള്ളിലേക്ക് പ്രവേശിച്ചതെന്നും അവര്‍ വ്യക്തമാക്കി. അടുത്തിടെ രാജ്താക്കറെ യാതൊരു അനുമതിയുമില്ലാതെ പ്രതിഷേധ പ്രകടനം നടത്തിയപ്പോള്‍ അതിന് സംരക്ഷണം നല്‍കുകയാണ് പോലീസ് ചെയ്തതെന്നും അവര്‍ കുറ്റപ്പെടുത്തി.

Tagged with: |


നിങ്ങള്‍ ഇന്ത്യയെ അപമാനിച്ചു; ഇനി ഇവിടേക്ക് തിരിച്ചുവരണമെന്നില്ല; സ്വാതന്ത്ര്യദിനത്തില്‍ ധരിച്ച വസ്ത്രത്തിന്റെ പേരില്‍ പ്രിയങ്കയെ കടന്നാക്രമിച്ച് സോഷ്യല്‍മീഡിയയില്‍ തീവ്രദേശീയ വാദികള്‍

ന്യൂദല്‍ഹി: ട്രോളുകാരുടെ ആക്രമണത്തിന് മിക്കപ്പോഴും ഇരയാകുന്ന വ്യക്തിയാണ് ബോളിവുഡ് താരം പ്രിയങ്ക ചോപ്ര. പലപ്പോഴും പ്രിയങ്ക ട്വിറ്ററിലും ഇന്‍സ്റ്റഗ്രാമിലും പോസ്റ്റു ചെയ്യുന്ന ചിത്രങ്ങളാണ് പ്രിയങ്കയെ ആക്രമിക്കാനായി സദാചാരക്കാര്‍ ഉപയോഗിക്കാറ്.ഇന്ത്യന്‍ പതാകയുടെ നിറത്തിലുള്ള ഷോള്‍ ധരിച്ച് സ്വാതന്ത്ര്യദിനാശംസ പറഞ്ഞതിന്റെ പേരിലാണ് ഇത്തവണ സൈബര്‍ ആക്രമണത്തിന് പ്

സ്വാതന്ത്ര്യദിനാഘോഷ പരിപാടി അട്ടിമറിക്കാന്‍ പിണറായിയുടെ ഓഫീസില്‍ അര്‍ദ്ധരാത്രിയില്‍ ഗൂഢാലോചന നടന്നെന്ന് സുരേന്ദ്രന്‍; കളക്ടര്‍ക്കും എസ്.പിക്കും ഉന്നതനുമെതിരെ കേസെടുക്കണമെന്നും ആവശ്യം

തിരുവനന്തപുരം: പാലക്കാട് സ്‌കൂളില്‍ ചട്ടംലംഘിച്ച് പതാകയുയര്‍ത്തിയ ആര്‍.എസ്.എസ് സര്‍സംഘ്ചാലക് മോഹന്‍ ഭാഗവതിനെതിരെ കേസെടുക്കണമെന്ന നിര്‍ദേശത്തിനെതിരെ രൂക്ഷവിമര്‍ശനവുമായി ബി.ജെ.പി നേതാവ് കെ. സുരേന്ദ്രന്‍.പതാകയുയര്‍ത്തിയതിന്റെ പേരില്‍ കേസ്സെടുക്കേണ്ടത് മോഹന്‍ ഭഗവതിനെതിരെയല്ലെന്നും സ്വാതന്ത്ര്യദിനാഘോഷ പരിപാടി അട്ടിമറിക്കാന്‍ ശ്രമിച്ചവര്‍ക്കെതിരെയാണെന്നും കെ

കയ്യേറ്റ ആരോപണം; തോമസ് ചാണ്ടിയേയും അന്‍വറിനേയും ശക്തമായി പിന്തുണച്ച് പിണറായി: ഒരു സെന്റ് ഭൂമി കൈയേറിയതെന്ന് തെളിയിച്ചാല്‍ മന്ത്രിസ്ഥാനവും എം.എല്‍.എ സ്ഥാനവും രാജിവെക്കാമെന്ന് തോമസ് ചാണ്ടി

തിരുവനന്തപുരം: മന്ത്രി തോമസ് ചാണ്ടിക്കെതിരായ കയ്യേറ്റ ആരോപണവും നിലമ്പൂര്‍ എംഎല്‍എ പി.വി.അന്‍വറിനെതിരായ ആരോപണവും നിയമസഭയെ പ്രക്ഷുബ്ധമാക്കി.വിഷയത്തില്‍ ചര്‍ച്ച ആവശ്യപ്പെട്ട് പ്രതിപക്ഷം നോട്ടീസ് നല്‍കുകയായിരുന്നു. പ്രതിപക്ഷത്തുനിന്ന് വി.ടി ബല്‍റാം എം.എല്‍.എയാണ് അടിയന്തരപ്രമേയത്തിന് നോട്ടീസ് നല്‍കിയത്.എല്ലാവര്‍ക്കുമൊപ്പമുണ്ടെന്ന് പറഞ്ഞ സര്‍ക്കാര്‍ തോമസ് ചാണ്ട