Categories

വോയ്‌സ് ടെകുമായി ഐ ഫോണ്‍4 എസ് അവതരിച്ചു

സാന്‍ഫ്രാന്‍സിസ്‌കോ: സ്മാര്‍ട്‌ഫോണുകളിലെ ഏറ്റവും പുതിയ സവിശേഷതയായ വോയ്‌സ് കണ്‍ട്രോള്‍ സവിശേഷത കൂടുതല്‍ മികവാര്‍ന്ന രീതിയില്‍ ഉള്‍പ്പെടുത്തി ആപ്പിള്‍ ഐ ഫോണ്‍4 എസ് പുറത്തിറങ്ങി. ഐ ഫോണ്‍4 എസ് ലെ വോയ്‌സ് കണ്‍ട്രോള്‍ സംവിധാനം ഉപയോഗിച്ച് ഉപയോക്താവിന് എണ്ണമറ്റ സേവനങ്ങളാണ് ആപ്പിള്‍ ഒരുക്കിയിരിക്കുന്നത്.

ശബ്ദം ഉപയോഗിച്ച് ഇ-മെയിലുകളും മെസ്സേജുകളും അയക്കാം, വെബില്‍ സെര്‍ച്ച് ചെയ്യാനും കലണ്ടര്‍ എന്‍ട്രികള്‍ സെറ്റ് ചെയ്യാനും കഴിയും. ശബ്ദം ഉപയോഗിച്ച് കോള്‍ ചെയ്യാനും ഗാനങ്ങള്‍ തിരഞെടുക്കാനുമുള്ള സംവിധാനം ഇതിന് മുന്‍പ് തന്നെ ആപ്പിള്‍ ഐ ഫോണുകളില്‍ ഒരുക്കിയതാണ്.

സ്റ്റാര്‍ ടെക് എന്ന ഹോളിവുഡ് സയന്‍സ് ഫിക്ഷന്‍ സിനിമയില്‍ ഉപയോഗിച്ച വോയ്‌സ് ടെക്‌നോളജിയോട് സാമ്യമുള്ളതാണ് തങ്ങള്‍ ഐ ഫോണ്‍4 എസില്‍ അവതരിപ്പിച്ചതെന്ന് ആപ്പിളില്‍ ശബ്ദം തിരിച്ചറിയുന്ന (speech-recogni-tion) സംവിധാനം വികസിപ്പിച്ചെടുത്ത ലാരി മാര്‍ക്കസ് പറഞ്ഞു. ഗൂഗിളും ആപ്പിളും തമ്മില്‍ ഇപ്പോള്‍ വലിയ മത്സരം നടക്കുന്നത് വോയ്‌സ് ടെക്‌നോളജിയിലാണ്.

ഡ്യുവല്‍ കോര്‍ പ്രൊസസ്സറുള്ള ആപ്പിളിന്റെ ആദ്യ ഫോണാണിത്. ഐഫോണിന്റെ പുതിയ ഓപ്പറേറ്റിംഗ് സിസ്റ്റം വേര്‍ഷനായ ഐ.ഒ.എസ്5 ലാണിത് പ്രവര്‍ത്തിക്കുന്നത്.

LEAVE YOUR COMMENTS

Press ctrl+g to toggle between English and Malayalam.