Administrator
Administrator
ഇനിയൊരു നിരാഹാരം താങ്ങാനുള്ള ശേഷി ഹസാരെയ്ക്കില്ലെന്ന് ഡോക്ടര്‍മാര്‍
Administrator
Thursday 28th April 2011 12:09pm

anna-hazareന്യൂദല്‍ഹി: നിരാഹാരം അണ്ണാ ഹസാരെയുടെ ആരോഗ്യം മോശമാക്കിയെന്ന് റിപ്പോര്‍ട്ട്. ഇനിയൊരു നിരാഹാരം താങ്ങാനുള്ള ശേഷി അദ്ദേഹത്തിന്റെ ശരീരത്തിനില്ലെന്ന് ഹസാരെയെ ചികിത്സിക്കുന്ന സഞ്ചേടി ഇന്‍സ്റ്റിറ്റിയൂട്ട് ഓഫ് ഓര്‍ത്തോപാഡിക്‌സിലെ ഡോ.പാരാഗ് സഞ്ചേടി വ്യക്തമാക്കി.

മുട്ടുവേദനയെതുടര്‍ന്ന് തിങ്കളാഴ്ച വൈകുന്നേരം ഹസാരെയെ ഇവിടെ പ്രവേശിപ്പിച്ചിരുന്നു. തുടര്‍ന്ന് നടത്തിയ പരിശോധനയ്ക്കുശേഷമാണ് ഡോക്ടര്‍ ഇക്കാര്യം വിശദീകരിച്ചത്.

അഞ്ച് വര്‍ഷമായി ഹസാരെയെ ചികിത്സിക്കുന്നത് സഞ്ചേടിയാണ്. ഓസ്റ്റിയോര്‍ത്രിറ്റിസ് എന്ന അവസ്ഥയാണ് ഹസാരെയുടേതെന്ന് ഡോക്ടര്‍ പറയുന്നു. നാല്‍പത് വയസിനുമുകളിലുള്ളവരില്‍ കാണാവുന്ന ഗുരുതരമായ ആരോഗ്യപ്രശ്‌നമാണിത്. ഇതുകൂടാതെ അദ്ദേഹത്തിന്റെ രക്തസമ്മര്‍ദ്ദവും, കൊളസ്‌ട്രോള്‍ ലെവലും കൂടിയിരിക്കുകയാണ്. നിരാഹാരസമരമാണ് ഹസാരെയുടെ ആരോഗ്യനില ഇത്രത്തോളം വഷളാക്കിയതെന്നും ഡോക്ടര്‍ പറഞ്ഞു.

ചികിത്സയുടെ ഭാഗമായി അദ്ദേഹത്തിന് സ്റ്റീരിയോയിഡ് ഇഞ്ചക്ഷന്‍ നല്‍കുന്നുണ്ട്. ഒരാഴ്ചത്തെ തുടര്‍ച്ചയായി മരുന്ന് കഴിക്കേണ്ടതുണ്ട്. ഇതിനു പുറമേ ഫിസിയോ തെറാപ്പിയും ചെയ്യുന്നുണ്ടെന്ന് സഞ്ചേടി അറിയിച്ചു. കൃത്യമായി ആഹാരം കഴിക്കണമെന്ന നിര്‍ദേശമാണ് പ്രധാനമായും അദ്ദേഹത്തിന് നല്‍കിയിട്ടുള്ളതെന്നും അദ്ദേഹം പറഞ്ഞു.

ഒരാഴ്ചത്തെ വിശ്രമം അദ്ദേഹത്തിന് അത്യാവശ്യമാണ്. കാല്‍മുട്ടിന് പ്രയാസം ഉണ്ടാക്കുന്ന പ്രവൃത്തിയില്‍ ഏര്‍പ്പെടരുതെന്നും ഡോക്ടര്‍ വ്യക്തമാക്കി.

Advertisement