അഹമ്മദബാദ്: സൊഹ്‌റബുദ്ദീന്‍ ശൈഖ് വ്യാജ ഏറ്റുമുട്ടല്‍ കേസില്‍ മുന്‍ ഗുജറാത്ത് ആഭ്യന്തര സഹമന്ത്രി അമിത് ഷായെ സി ബി ഐ കസ്റ്റഡിയില്‍ വിട്ടു. ഗുജറാത്ത് ഹൈക്കോടതിയാണ് അമിത്ഷായെ രണ്ട് ദിവസത്തേക്ക് സി ബി ഐ കസ്റ്റഡിയില്‍ വിട്ട് ഉത്തരവിട്ടത്.

സി ബി ഐ പ്രത്യേക കോടതി ബുധനാഴ്ച അമിത് ഷായെ റിമാന്‍ഡില്‍ കിട്ടണമെന്ന സി.ബി.ഐയുടെ ആവശ്യം നിരാകരിച്ചിരുന്നു. ഇതിനെതിരെ സി.ബി.ഐ സമര്‍പ്പിച്ച ഹരജിയിലാണ് ഹൈക്കോടതി ജഡ്ജി അഖില്‍ ഖുറേഷി അമിത്ഷായെ സി ബി ഐ കസ്റ്റഡിയില്‍ വിട്ടത്.