Categories

ലോക്പാല്‍ ബില്‍ എന്ത്?

സര്‍ക്കാര്‍ തലത്തിലും ഭരണഘടനാസ്ഥാപനങ്ങളുടെ തലപ്പത്തും നടക്കുന്ന അഴിമതി തുടച്ചുനീക്കാന്‍ ലക്ഷ്യമിട്ടായിരുന്നു ജനലോക്പാല്‍ ബില്‍. വര്‍ഷങ്ങള്‍ക്കു മുമ്പ് ഏറെ ചര്‍ച്ചയായിരുന്നെങ്കിലും വലിയ തുടര്‍ചലനങ്ങളൊന്നും ഉണ്ടായില്ല.

എന്നാല്‍ കേന്ദ്രത്തിലും സംസ്ഥാനങ്ങളിലും അഴിമതി എല്ലാ നിയന്ത്രണങ്ങളും തെറ്റിച്ച് നടമാടാന്‍ തുടങ്ങിയതോടെ ഇതിനെതിരേ ശബ്ദമുയരുകയായിരുന്നു. ഗാന്ധിയനും സാമുഹ്യപ്രവര്‍ത്തകനുമായ അണ്ണ ഹസാരയാണ് അഴിമതിക്കെതിരേ ശബ്ദമുയര്‍ത്തി രംഗത്തെത്തിയത്. സമൂഹത്തിന്റെ വിവിധ ധാരയിലുള്ളവര്‍ അദ്ദേഹത്തിന് പിന്തുണയുമായെത്തുകയായിരുന്നു.

അഴിമതിക്കെതിരേ കുരിശുദ്ധത്തിനാണ് താന്‍ ഇറങ്ങിപ്പുറപ്പെട്ടിട്ടുള്ളതെന്ന് അണ്ണ ഹസാരെ വ്യക്തമാക്കിയിട്ടുണ്ട്. ഈയവസരത്തില്‍ എന്താണ് ലോക്പാല്‍ ബില്ലെന്നും ഇതിലെ വ്യവസ്ഥകള്‍ എന്തെല്ലാമാണെന്നും മനസിലാക്കുന്നത് നന്നായിരിക്കും.

നിര്‍ദിഷ്ട ബില്‍
അഴിമതി പൂര്‍ണമായും ഇല്ലാതാക്കുകയാണ് ജന ലോക്പാല്‍ ബില്‍ അഥവാ പീപ്പിള്‍സ് ഓംബുഡ്‌സ്മാന്‍ ബില്ലുകൊണ്ടുദ്ദേശിക്കുന്നത്. സുപ്രീംകോടതിയിലെ മുന്‍ ജഡ്ജിയും കര്‍ണാടക ലോകായുക്തയുമായ സന്തോഷ് ഹെഗ്‌ഡേ, മുതിര്‍ന്ന് നിയമജ്ഞന്‍ പ്രശാന്ത് ഭൂഷണ്‍, വിവരാവകാശ പ്രവര്‍ത്തകനും മഗ്‌സെസെ പുരസ്‌കാര ജേതാവുമായ അരവിന്ദ് കേജ്‌രിവാള്‍ എന്നിവര്‍ ചേര്‍ന്നാണ് ബില്ലിന്റെ കരടുരൂപം തയ്യാറാക്കിയത്.

അഴിമതിയെക്കുറിച്ച് അന്വേഷിക്കാന്‍ ഒരു സ്വതന്ത്ര സമിതി അഥവാ ജന്‍ലോക് പാല്‍ രൂപീകരിക്കണമെന്നതാണ് ബില്ലിലെ പ്രധാനപ്പെട്ട നിര്‍ദ്ദേശം. എത്ര ഉന്നതരായവരായും അഴിമതിയാരോപണം ഉയര്‍ന്നാല്‍ അന്വേഷണം നടത്തുക, ഒരുവര്‍ഷത്തിനകം അന്വേഷണം പൂര്‍ത്തിയാക്കി നടപടിക്ക് ശുപാര്‍ശ ചെയ്യുക എന്നിവയാണ് ഇതിന്റെ മറ്റ് ചുമതലകള്‍.

അഴിമതി നടത്തിയവര്‍ക്കെതിരേ നിയമനടപടിയെടുക്കുന്നുണ്ടെന്നും അവര്‍ക്ക് പരമാവധി ശിക്ഷലഭിക്കുന്നുണ്ടെന്നും ഉറപ്പാക്കാന്‍ ലോക്പാല്‍ ശ്രദ്ധിക്കണം. കുറ്റം ചെയ്ത ആളുടെ സ്വത്തുവകകള്‍ കണ്ടുകെട്ടണം. രാഷ്ട്രീയക്കാരായാലും ഉദ്യോഗസ്ഥരായാലും അതത് സര്‍ക്കാറുകളുടെ യാതൊരുവിധ നിയന്ത്രണമോ സമ്മര്‍ദ്ദമോ കൂടാതെ പ്രവര്‍ത്തിക്കാനുള്ള എല്ലാ അധികാരങ്ങളും ഈ സമിതിക്കുണ്ടായിരിക്കും.

അഴിമതിയെ തൂകത്തെറിയാന്‍ പര്യാപ്തമായ എല്ലാ വ്യവസ്ഥകളും ബില്ലിലുണ്ടെന്നാണ് ‘ഇന്ത്യ എഗെന്‍സ്റ്റ് കറപ്ഷന്‍’ എന്ന സംഘടന പറയുന്നത്. അഴിമതിക്കെതിരായ സമരത്തില്‍ അണ്ണ ഹസാരയ്‌ക്കൊപ്പം പങ്കെടുക്കുന്ന പ്രമുഖസംഘടനയാണ് ഇത്. എന്നാല്‍ യു.പി.എ സര്‍ക്കാര്‍ ഇപ്പോള്‍ തയ്യാറാക്കിയിരിക്കുന്ന ബില്‍ വെറും കണ്‍കെട്ടുവിദ്യ മാത്രമാണെന്നാണ് സംഘടന പറയുന്നത്. രാഷ്ട്രീയക്കാരെ സഹായിക്കാന്‍ മാത്രമേ നിര്‍ദ്ദിഷ്ടബില്‍ സഹായിക്കൂ എന്നും സംഘടന ആരോപിക്കുന്നു.

ബില്‍ ഇതിനുമുമ്പും

ഇതിനുമുമ്പ് എട്ടുതവണ ലോക്പാല്‍ ബില്‍ പാര്‍ലമെന്റില്‍ അവതരിപ്പിച്ചിരുന്നു. 1971,85,89,96,98,2001,2005,2008 എന്നീ വര്‍ഷങ്ങളിലായിരുന്നു ബില്‍ അവതരിപ്പിച്ചത്. എന്നാല്‍ ലോക്‌സഭയില്‍ മാത്രമായിരുന്നു ബില്‍ പാസാക്കിയത്. അതും ഒരുതവണ മാത്രം. രാജ്യസഭയില്‍ ബില്‍ ഒരിക്കല്‍പ്പോലും പാസാക്കപ്പെട്ടില്ല.

ഹസാരെയും അനുകൂലിക്കുന്നവരും തയ്യാറാക്കിയ ജനലോകായുക്ത ബില്‍ ഏറെ ഫലപ്രദമാണെന്നാണ് പൊതുവേ വിലയിരുത്തപ്പെടുന്നത്. 18 സംസ്ഥാനങ്ങളിലെയും ലോകായുക്തമാര്‍ക്ക് പൂര്‍ണസഹായം ഉറപ്പുവരുത്തുന്നതാണ് ജനലോകായുക്ത ബില്ലെന്നാണ് ഇവര്‍ അവകാശപ്പെടുന്നത്.

anna hasare

പ്രധാന നിര്‍ദ്ദേശങ്ങള്‍
1-അഴിമതി തടയാനായി കേന്ദ്രത്തില്‍ ഒരു ലോക്പാലും സംസ്ഥാനങ്ങളില്‍ ലോകായുക്തകളും
2-സുപ്രീംകോടതിയുടേയും തിരഞ്ഞെടുപ്പ് കമ്മീഷന്റേയും മാതൃകയില്‍ പൂര്‍ണമായും സ്വതന്ത്രമായിരിക്കണം ഇതിന്റെ പ്രവര്‍ത്തനം. നിര്‍ണായകമായ നീതിന്യായ അധികാരങ്ങളും ഇതിന് നല്‍കണം.
3- ഏതെങ്കിലും മന്ത്രിയോ ഉദ്യോഗസ്ഥവൃന്ദമോ അന്വേഷണത്തെ സ്വാധീനിക്കാന്‍ ശ്രമിക്കുന്നില്ലെന്ന് ഇത് ഉറപ്പുവരുത്തണം.
4-അഴിമതിയാരോപണങ്ങള്‍ എന്തുകാരണംകൊണ്ടായാലും വര്‍ഷങ്ങള്‍ നീണ്ടുപോകാന്‍ അനുവദിക്കരുത്. ഒരുവര്‍ഷത്തിനിടയ്ക്ക് തന്നെ അന്വേഷണം നടത്തി കുറ്റവാളികളെ ജയിലിലടയ്ക്കുന്നുണ്ടെന്ന് ഉറപ്പുവരുത്തണം
5-കുറ്റക്കാരാണെന്ന് കണ്ടെത്തിയവര്‍ക്കെതിരേയുള്ള നിയമനടപടികള്‍ എത്രയും പെട്ടെന്ന് പൂര്‍ത്തിയാക്കണം.
6-കേന്ദ്രസര്‍ക്കാറോ സംസ്ഥാനങ്ങളോ നടപ്പാക്കുന്ന പദ്ധതികള്‍ സമയബന്ധിതമായി നടപ്പാക്കുന്നില്ലെങ്കില്‍ പൊതുജനങ്ങള്‍ക്ക് പരാതി നല്‍കാവുന്നതാണ്. കേന്ദ്ര-സംസ്ഥാന സര്‍ക്കാറുകളുടെ കാര്യക്ഷമതയില്ലായ്മക്കെതിരേയും ലോക്പാലിന് നടപടിക്ക് നിര്‍ദ്ദേശിക്കാം.

ആര്‍ക്കെതിരെയാണോ പരാതിയുയര്‍ന്നത് അവരില്‍ നിന്നും പിഴ ഈടാക്കാനും അത് പരാതിക്കാര്‍ക്ക് നല്‍കാനും ലോക് പാലിന് അധികാരമുണ്ടാകും.
7- എന്തെങ്കിലും അഴിമതി നടക്കന്നതായി പരാതിയുണ്ടെങ്കില്‍ പൊതുജനങ്ങള്‍ക്ക് ലോക് പാലിനെ അറിയിക്കാവുന്നതാണ്. റോഡ് നിര്‍മ്മാണത്തിലെ അപാകതകളോ, റേഷന്‍ വിതരണത്തിലെ പ്രശ്‌നങ്ങളോ പാസ്‌പോര്‍ട്ട് ലഭിക്കുന്നതിനുള്ള പ്രശ്‌നങ്ങളോ എന്തും ജനങ്ങള്‍ക്ക് ലോക്പാലിനോട് പരാതിപ്പെടാവുന്നതാണ്.
8-ലോക്പാലിലെ അംഗങ്ങളുടെ അഴിമതിയും അന്വേഷിക്കാനുള്ള സംവിധാനമുണ്ട്. ഭരണഘടനാ വിദഗ്ധരും ജഡ്ജിമാരും അടങ്ങിയ സമിതിയായിരിക്കും ലോക്പാലിലെ അംഗങ്ങളെ തിരഞ്ഞെടുക്കുക. രാഷ്ട്രീയക്കാരെ ഇതിന്റെ ഏഴയലത്തുപോലും അടുപ്പിക്കുകയില്ല. തികച്ചും ജനാധിപത്യരീതിയില്‍ ആണ് ഇതിലെ അംഗങ്ങളെ തിരഞ്ഞെടുക്കുക.

ലോക്പാലിലെ ഏതെങ്കിലും ഉദ്യോഗസ്ഥനെതിരേ ഉയര്‍ന്ന ആരോപണം ശരിയാണെന്ന് തെളിഞ്ഞാല്‍ രണ്ടുമാസത്തിനുള്ളില്‍ നടപടിയെടുക്കും.

നിലവില്‍ അഴിമതി ആരോപണങ്ങള്‍ അന്വേഷിക്കുന്ന വിജിലന്‍സ് കമ്മീഷന്‍, സി.ബി.ഐയുടെ അഴിമതി വിരുദ്ധ സെല്‍ എന്നിവ ലോക്പാലിന് കീഴിലാക്കണമെന്നും നിര്‍ദ്ദേശമുണ്ട്.

18 Responses to “ലോക്പാല്‍ ബില്‍ എന്ത്?”

  1. nilamburkaran

    പ്രിയമുള്ളവരേ. അന്നാ ഹസാരെ നടത്തുന്ന കുരിശു യുദ്ധത്തില്‍ പങ്കു ചേരൂ.. നാടിനെ അഴിമാതിയ്ടെ കരാള ഹസ്തങ്ങളില്‍ നിന്ന് മോചിപ്പിക്കൂ.. പാവപ്പെട്ടവന് അരിയും വിത്തും വളവും വാങ്ങാനുള്ള പണം കട്ട് മുടിക്കുന്ന തുരനിക്ല്‍ അടക്കാനുള്ള നിയമം വരട്ടെ. ചുരുങ്ങിയ പക്ഷമ് ഇന്വനോക്കെ ഒരു പേടി എങ്കിലും കാണുമല്ലോ??? പ്ലീസ് അന്നയെ പിന്‍തുണക്കൂ…ലോകത്തിലെ ഏറ്റവും വലിയ ജനാധിപത്യ രാജ്യത്തിന്‍റെ മനം കാക്കൂ .. കട്ട് മുടിക്കുന്ന ഡി എം കെ , തുടങ്ങിയ കക്ഷികളെ നിരോധിക്കുക തന്നെ വേണം .. ചത്തു പോവുമ്പോള്‍ നോട്ടു കെട്ട് ഇട്ടു കത്തിച്ചാലും തീരാത്തത്ര പണം ഈ നാടിലെ പാവപ്പെട്ടവന്റെ പണം ആണ് പ്രിയമുള്ളവരേ… നാടുകാരെ ..പ്രതികരിക്കൂ

  2. Jabir

    അന്ന ഹസാരെ…
    നിങ്ങള്‍ക്ക് പിന്നില്‍ കോടിക്കണക്കിന്‍ ഇന്ത്യന്‍ ജനതയുണ്ട്.
    അഴിമതി തുടച്ചു നീങ്ങിയാല്‍ തന്നെ ഇന്ത്യയിലെ ദാരിദ്ര്യം ഒരളവോളം ഇല്ലാതാക്കാന്‍ കഴിയും..

  3. ഷിജു കോതോട് കോഴിക്കോട്

    അന്ന ഹസാരെ നിങ്ങള്‍ക്കു പിന്നില്‍ കോടിക്കണക്കിനു യൂവാക്കള്‍ ഉണ്ട് ധൈര്യമായി മുന്നോട്ടുപോവുക കള്ളന്‍മാരും കൊള്ളക്കാരും ഇനി ഈ ഭാരതത്തില്‍ ഉണ്ടാവരുത് ഏതു പാര്‍ട്ടിക്കാരനായും കൂടാതെ അഴിമതി നടത്തിയ പ്രവര്‍ത്തകന്‍റെ കുടൂംബത്തിന്‍റെ മുഴുവന്‍ സ്വത്തു വിവരങ്ങളും കണ്ടെത്തി അവരെ പാപ്പരായി പ്രഖ്യാപിക്കണം ഇവരുടെ ഭാര്യ ഭര്‍ത്താവ് അച്ഛന്‍ അമ്മ മക്കള്‍ ഇവരുടെ പേരിലുള്ള മുഴുവന്‍ സ്വത്തു ഗവ. ഏറ്റെടുക്കണം ബിനാമി മാരെയും ജയിലിലടക്കണം രാജയെ പാപ്പരാക്കണം കള്ളന്‍മാര്‍ ഇനി ഭാരതം ഭരിക്കേണ്ട

  4. Nijin.S.R

    കൂടുതല്‍ സൌത്ത് ഇന്ത്യന്സിനും ലോക്പാലിനെ കുറിച്ച് ഒരു അറിവുമില്ലതവരാന്.അവരില്‍ ഒരു ബോധം നമ്മള്‍ ഉണ്ടാകിയെടുകണം. ലോക്പല്‍ നമ്മുടെ ആവസ്യമാ. അതിനു വേണ്ടി നമ്മള്‍ ഒരുമിച്ച് പ്രവര്ത്ഹികാം……ജൈഹിന്ദ്……..

  5. shamon

    ഹസാര RSS AGENT ANOO

  6. ratheesh pallath

    അന്നാജി എല്ലാവക പിന്തുനകളും നിങ്ങള്കുണ്ട് മുന്നോട്ടു മുന്നോട്ടു

  7. sherif kallupalan

    I am sure that Anna Hassare will win in the fight against corruption, best wishes

  8. vipish

    അന്നാജി ഞങ്ങളുണ്ട് കൂടെ …… ഭാരത്‌ മാതാ കീ ജയ് …

  9. binod g pillai

    ഇന്ത്യ ഒരു പരമാധികാര രാജ്യമാണ് . സ്വന്തം ഭരണഘ്കടന ഉണ്ട് .നിയമ നിര്‍മാണ സഭകള്‍ ഉണ്ട് ,ചര്‍ച്ചകളിലും സമവയത്തിലും ആണ് ഇത്തരം സുപ്രഥാന വിഷയങ്ങള്‍ തീര്‍പ്പ് കല്പിക്കേണ്ടതു . പടിഞ്ഞരെന്‍ രാജ്യങ്ങളിലും ,അറബു രാജ്യങ്ങളിലും,സംഭവിക്കുന്നത്‌ നമ്മള്‍ കണ്ടുകഴിഞ്ഞു .രാജ്യം മുഴുവനും വിപ്ലവകാരികള്‍ക്ക് ജന്മം നല്‍കുവാന്‍ ഈ സമരം തുടര്‍ന്നാല്‍ കഴിയും , ഇത് രാജ്യത്തിന്റേ നിലനില്‍പ്പിനു ദോഷമാണ് . അങ്ങയോടു ഒരു അപേഷമാത്രം പാരലമെന്റുമായ് സഹകരിച്ചു പഴുതുകള്‍ ഇല്ലാത്ത ലോക്പല്‍ ബില്‍ നിര്‍മ്മിക്കുക .ഒരു കാര്യം മാത്രം ഓര്‍മിപ്പിക്കുന്നു ജനാതിപത്യം ശിതിലമാക്കാന്‍ എളുപ്പമാണ് പക്ഷേ അവ നേടാന്‍ ഉള്ള കഴ്ടപാട് നമ്മുക്ക് അനുഭവം ഉണ്ട് .

  10. mallika

    ഒരു ജനാധിപത്യ രാഷ്ട്രത്തില്‍ രാഷ്ട്രീയക്കാരെ ഏഴയലത്ത് കടത്തില്ലെന്നു പറയുന്ന ഈ പൌരസമൂഹം ആരോട് കടപ്പെട്ടിരിക്കുന്നു? നിയമങ്ങളുടെ അഭാവമല്ല നമ്മുടെ പ്രശ്നമെന്നും നടപ്പിലാക്കേണ്ട ആള്‍ക്കാര്‍ അത് നടപ്പിലാക്കാന്‍ ശരിയായി ശ്രമിക്കുന്നില്ലെന്നും അതിനു കാരണം ജനാധിപത്യ ബോധത്തിന്റെ അഭാവമാനെന്നും മനസ്സിലക്കതവരോട് എന്ത് പറയാന്‍? അഞ്ചു കൊല്ലം കൂടുമ്പോള്‍ ജനങ്ങള്‍ക്ക്‌ മുന്നില്‍ പോകേണ്ടുന്ന രാഷ്ട്രീയക്കാരേക്കാള്‍ നല്ലവരാകാന്‍ ജനങ്ങളുടെ പണം ശബളമായും കിമ്പലമായും പറ്റുന്ന അരാഷ്ട്രീയ വാദികല്ക്കവുമെന്നു കരുതാന്‍ മാത്രം ബുദ്ധിഹീനരയോ ഇന്ത്യക്കാര്‍?

  11. vinod payyoli

    ദൈവം കൂടെയുണ്ട്

  12. akshaya

    കോടാനുകോടി ജനങ്ങള്‍ രക്ഷകനായി അന്നഹസാരയെ കാണുന്നു

  13. akshaya

    malayalam

  14. AFSEL KASSIM SAYED

    ജയ്‌ ലോക്പല്‍ , ജയ് ഹിന്ദ്‌
    അന്ന ജീക്ക് ആയിരം ആയിരം അഭിവാദ്യങ്ങള്‍

  15. Navas Edavilangu

    അഴിമതിക്കെതിരായ അണ്ണാ ഹസാരെയുടെ ഈ സമരം ശ്ലാഗനീയമാണ്. രാജ്യത്തിന്റെ സുരക്ഷിതത്വവും സാമൂഹ്യ നീതിയും ഉറപ്പാക്കല്‍ പ്രധാന മന്ത്രിയുടെ ചുമതലയാണ്. രാജ്യത്തെ അഴിമതി മുക്തമാക്കാന്‍ കടപ്പെട്ട പ്രധാന മന്ത്രി തന്നെയാണ് ലോക്പല്‍ ബില്ലില്‍ ഒന്നാമതായി ഉള്‍പെടെണ്ടത് .

  16. jinson

    ഞാനും അണ്ണ ഹസരയുടെ സമരത്തിലും പങ്കുചേരുന്നു ഞാന്‍ ഒരു അഴിമതി രഹിത ഭാരതത്തെ സ്വപ്നം കണ്ണുന ഒരാളാണ്

  17. rani

    അഴിമതി വിരുദ്ധ പോരാട്ടത്തിനായി നമുക്കെല്ലാവര്‍ക്കും കൈ കോര്‍ക്കാം .അണ്ണാ ഹസാരെ ക്ക് പിന്തുണയായി ഇന്ത്യയിലെ യുവാക്കള്‍ എല്ലാവരും ഉണ്ട്.അഴിമതി വിരുദ്ധ ഭാരതം എന്ന സ്വപ്നം സാക്ഷത്കരിക്കാം……

  18. Vijay

    Anna Hassareyude nethruthwathilulla Jana Lokpal Billanu Janangalku Vendathu. Allathe Congressinte nethruthwathilulla Lokpal Bill Janangalkuvendiyullathalla, athu adhikari vargathinu vendiyullathanu.

LEAVE YOUR COMMENTS

Press ctrl+g to toggle between English and Malayalam.