Categories

മുല്ലപ്പെരിയാര്‍: കേന്ദ്രസര്‍ക്കാരിന് തീരുമാനം അടിച്ചേല്‍പ്പിക്കാനാവില്ലെന്ന് ആന്റണി

കണ്ണൂര്‍: മുല്ലപ്പെരിയാര്‍ പ്രശ്‌നം പരിഹരിക്കുന്നതിന് ചര്‍ച്ച മാത്രമാണ് പോംവഴിയെന്ന് കേന്ദ്ര പ്രതിരോധ മന്ത്രി എ.കെ.ആന്റണി പറഞ്ഞു. ഇരു സംസ്ഥാനങ്ങളും തമ്മിലുള്ള ചര്‍ച്ചയ്ക്ക് ആവശ്യമായ എല്ലാ സഹായങ്ങളും കേന്ദ്ര സര്‍ക്കാര്‍ ചെയ്തു നല്‍കുമെന്നും അദ്ദേഹം കണ്ണൂരില്‍ പറഞ്ഞു.

മുല്ലപ്പെരിയാര്‍ പ്രശ്‌നവുമായി ബന്ധപ്പെട്ട് എന്തെങ്കിലുമൊരു തീരുമാനം ഒരു സംസ്ഥാനത്തിനുമേലും അടിച്ചമര്‍ത്താന്‍ കേന്ദ്രസര്‍ക്കാരിനാവില്ല. അങ്ങനെ കല്പന നല്‍കുന്നതിനുള്ള അധികാരം കേന്ദ്ര സര്‍ക്കാരിനല്ല മറിച്ച് സുപ്രീംകോടതിക്കാണെന്നും ആന്റണി വ്യക്തമാക്കി. മുല്ലപ്പെരിയാര്‍ പ്രശ്‌നത്തില്‍ തനിക്കും ആശങ്കയുണ്ടെന്ന് വ്യക്തമാക്കിയ ആന്റണി പ്രശ്‌നം നീട്ടിക്കൊണ്ടു പോകാതെ രമ്യമായി പരിഹരിക്കാന്‍ ശ്രമം തുടരണമെന്നും നിര്‍ദ്ദേശിച്ചു.

കേരളത്തിനായി പ്രത്യേക സാമ്പത്തിക പാക്കേജ് കേന്ദ്രത്തിന്റെ പരിഗണനയിലാണെന്നും ആന്റണി പറഞ്ഞു.

Malayalam news

One Response to “മുല്ലപ്പെരിയാര്‍: കേന്ദ്രസര്‍ക്കാരിന് തീരുമാനം അടിച്ചേല്‍പ്പിക്കാനാവില്ലെന്ന് ആന്റണി”

  1. ശുംഭന്‍

    മുല്ലപ്പെരിയാറില്‍ പുതിയ അണക്കെട്ട് പണിയണമെന്ന് എല്‍. കെ. അദ്വാനി പോലും തുറന്നു പറഞ്ഞു. എന്നിട്ടും നമ്മുടെ സ്വന്തം ആളായ ആന്റണിക്ക് അത് പറയാന്‍ പേടി. കൊല്ലം കണ്ടവന് ഇല്ലം വേണ്ട എന്ന് കേട്ടിട്ടുണ്ട്, എന്നാല്‍ കേന്ദ്രം കണ്ടവന് സംസ്ഥാനം വേണ്ട എന്ന് കേട്ടിട്ടില്ല.

LEAVE YOUR COMMENTS

Press ctrl+g to toggle between English and Malayalam.