Categories

ഐസ്‌ക്രീം കേസ്: അജിതയും മഅദനിയും കൂടിക്കാഴ്ച നടത്തിയതായി സത്യവാങ്മൂലം

കോഴിക്കോട്: ഐസ്‌ക്രീംകേസുമായി ബന്ധപ്പെട്ട് അന്വേഷി പ്രസിഡന്റ് കെ. അജിതയും പി.ഡി.പി ചെയര്‍മാന്‍ അബ്ദുല്‍ നാസര്‍ മഅദനിയും കൂടിക്കാഴ്ച നടത്തിയതായി സത്യവാങ്മൂലം. 1999 ജനുവരി നാലിന് അന്നത്തെ കണ്ണൂര്‍ റെയ്ഞ്ച് ഐ.ജിയായിരുന്ന ശേഖരന്‍ മിനിയോടന്‍ സുപ്രീംകോടതിയില്‍ സമര്‍പ്പിച്ച സത്യവാങ്മൂലത്തിലാണ് ഇക്കാര്യം പറയുന്നത്.

ഐസ്‌ക്രീംപാര്‍ലര്‍ പെണ്‍വാണിഭക്കേസിലെ പ്രതികളെ വെറുതെവിട്ട ഹൈക്കോടതി വിധിക്കെതിരെ സുപ്രീംകോടതിയില്‍ അജിത നല്‍കിയ ഹരജിക്കെതിരെയാണ് സത്യവാങ്മൂലം സമര്‍പ്പിച്ചത്. അന്നത്തെ ഉത്തരമേഖലാ ഐ.ജിയായിരുന്ന ജേക്കബ് പുന്നൂസും, ഐസ്‌ക്രീം കേസ് പ്രത്യേക അന്വേഷണ സംഘത്തിന്റെ തലവനായിരുന്ന ശേഖരന്‍ മിനിയോടനുമാണ് സത്യവാങ്മൂലം നല്‍കിയത്. അന്നത്തെ എജിയായിരുന്ന എം.കെ ദാമോദരന്‍ നല്‍കിയ നിയമോപദേശത്തിന്റെ അടിസ്ഥാനത്തിലുള്ളതായിരുന്നു രണ്ട് സത്യവാങ്മൂലവും.

ഐസ്‌ക്രീംകേസില്‍ കുഞ്ഞാലിക്കുട്ടിക്കെതിരായ സാക്ഷിമൊഴികള്‍ അസ്ഥിരമാണ്. സാക്ഷികള്‍ പറഞ്ഞ സ്ഥലത്ത് കുഞ്ഞാലിക്കുട്ടി പോയിട്ടില്ലെന്നും, അദ്ദേഹത്തിന്റെ അനുയായികളെയും മറ്റും ചോദ്യം ചെയ്തതില്‍ നിന്നും ഇത് വ്യക്തമായിട്ടുണ്ടെന്നും സത്യവാങ്മൂലത്തില്‍ പറയുന്നു. അതുകൊണ്ടുതന്നെ കുഞ്ഞാലിക്കുട്ടിയെ ഐസ്‌ക്രീംകേസില്‍ പ്രതിചേര്‍ക്കേണ്ടതില്ലെന്നുമായിരുന്നു ഇരുവരുടേയും നിലപാട്.

ഈ സത്യവാങ്മൂലത്തിന്റെ 21ാം ഖണ്ഡികയില്‍ ഒന്നരപേജോളം വരുന്ന ഭാഗത്തിലാണ് അജിതയും മഅദനും ഐസ്‌ക്രീംകേസിന്റെ കാര്യം ചര്‍ച്ചചെയ്തതായി ശേഖരന്‍ മിനിയോടന്‍ പറയുന്നത്. മഅദനി ഇടപെട്ട് മുസ് ലീം യുവാവിനെ ഐ.എസ്.ഐ പരിശീലനത്തിനായി അയച്ചു എന്ന കേസിന്റെ അന്വേഷണത്തിനിടയിലാണ് മഅദനിയും അജിതയും നിരന്തരം സമ്പര്‍ക്കം പുലര്‍ത്തിയിരുന്നതായി വ്യക്തമായതെന്ന് മിനിയോടന്‍ ചൂണ്ടിക്കാണിക്കുന്നു. ഇവര്‍ ഇരുവരും ഭീകരവാദികളാണെന്നതിന് തെളിവുണ്ട്. ഇവര്‍ ക്രിമിനലുകളില്‍ പ്രതിയാക്കപ്പെട്ടവരാണെന്നും മിനിയോടന്‍ പറയുന്നു.

ഇവര്‍ക്കെതിരെയുണ്ടായിരുന്ന കേസുകളും സത്യവാങ്മൂലത്തില്‍ പരാമര്‍ശിച്ചിട്ടുണ്ട്. 1998 ഫെബ്രുവരി 15ന് നടന്ന കോയമ്പത്തൂര്‍ സ്‌ഫോടനക്കേസുമായി ബന്ധപ്പെട്ട ഗൂഢാലോചനയില്‍ പങ്കാളിയാണ് മഅദനി. ഈ കേസില്‍ തമിഴ്‌നാട് പോലീസ് അദ്ദേഹത്തെ അറസ്റ്റ് ചെയ്ത് ജയിലിലിട്ടിരിക്കുകയാണ്. 1970കളില്‍ നടന്ന പുല്‍പ്പള്ളി പോലീസ് സ്‌റ്റേഷന്‍ ആക്രമിച്ച കേസില്‍ പ്രതിയാണ് കെ. അജിത. ആക്രമണത്തില്‍ തഹസില്‍ദാര്‍ കൊല്ലപ്പെട്ട സംഭവത്തില്‍ അജിത ഏഴ് വര്‍ഷം ജയില്‍ ശിക്ഷ അനുഭവിച്ചിട്ടുണ്ട്. ഇവര്‍ ഇരുവരും ചേര്‍ന്ന് കുഞ്ഞാലിക്കുട്ടിയ്‌ക്കെതിരെ നടത്തുന്ന ഗൂഢാലോചനയുടെ ഭാഗമാണിതെന്നും സത്യവാങ്മൂലത്തില്‍ പറയുന്നു.

6 Responses to “ഐസ്‌ക്രീം കേസ്: അജിതയും മഅദനിയും കൂടിക്കാഴ്ച നടത്തിയതായി സത്യവാങ്മൂലം”

  1. Manojkumar.R

    കേസിനെ വഴി തിരിച്ചു വിടാനായി എന്തെല്ലാം അണിയറ നീക്കങ്ങളാണ് നടക്കുന്നത്.കോയമ്പത്തൂര്‍ സ്ഫോടന കേസും പുല്പള്ളി പോലീസ് സ്റേഷന്‍ കേസുമെല്ലാം തന്നെ പ്രതികള്‍ ശിക്ഷിക്കപ്പെട്ട ചരിത്രമാണ് പറയുന്നത്.ഒരു പക്ഷെ അവര്‍ക്കാര്‍ക്കും ഇത്ര കാലം പിടിച്ചു നില്‍ക്കാനുള്ള സാമ്പത്തിക ശേഷി ഇല്ലാത്തതു ആകാം കാരണം.അത് പോലെയുള്ള ഒരു തീര്‍പ്പ് ഐസ് ക്രീം കേസിലും ഉണ്ടാവണമെന്ന് പ്രത്യഷിക്കാനുള്ള സ്വാതന്ത്ര്യം പോലും പൌരനു ഇല്ലെന്നു പറയാന്‍ ആര്‍ക്കാണ് അധികാരം?

  2. J.S. Ernakulam.

    സ്ത്രീകള്‍ക്ക് വേണ്ടി രാപകല്‍ ഇല്ലാതെ കഷ്ട്ടപെടുന്ന അജിത

    ഒരു വനിതാ പോലിസിനെ എം എല്‍ എ ചീത്തവിളിച്ചതും,

    അതെ എം എല്‍ എ പരിപാവനമായ സഭയില്‍ എല്ലാ മന്ത്രി

    മാരുടെയും മുന്‍പില്‍ വച്ച് ഒരു വനിതാ ഉദ്യോഗസ്ഥയെ

    ഉപദ്രവിക്കാന്‍ ശ്രമിച്ചതും അറിഞ്ഞില്ലേ ??????

    ഹോ –സണ്ട്തത സാഹചരികളെ ആരും തള്ളി പറയാറില്ലല്ലോ!!!!

  3. Deshasnehi

    J S Ernakulam ,തന്നെപ്പോലെയുള്ളവരുടെ തൊലിക്കട്ടി അപാരം .നമിക്കാതെ വയ്യ.

  4. haroon perathil

    js നും ഇവരുടെ കയ്യില്‍ നിന്നും എന്തെങ്കിലുമൊക്കെ കിട്ടുന്നു എന്ന് തോന്നുന്നു

  5. J.S. Ernakulam.

    അജിതയുടെയും, വി എസ ന്റെയും ടാര്‍ഗറ്റ് രാഷ്ടിയ ശത്രുക്കള്‍ മാത്രം, അത് മനസ്സിലാക്കാന്‍ വിദേശത്ത് പോയി പഠിക്കണമെന്നില്ല,
    അജിതയുടെ ഭാര്താവ് മലബാര്‍ സിമന്റ്‌ കേസില്‍ പ്രതി,
    വി എസ്ന്റെ മകന് ലോകത്തില്‍ ആര്‍ക്കും കിട്ടാത്ത പദവി അതും ചുരുങ്ങിയ സമയം കൊണ്ട്.അന്തസ്സ് ഉള്ളവര്‍ ആണെങ്കില്‍ ഇവര്‍ അവര്‍ക്കെതിരെയല്ലേ കേസ് കൊടുക്കേണ്ടത്?????
    ചെറുതായാലും വലുതായാലും കുറ്റം കുറ്റം തന്നെയാണ്,
    അത് പിള്ളയായാലും, കുട്ടിയായാലും. തെറ്റ് ചെയിത്തവര്‍ ശിക്ഷിക്കപ്പെടനം.അതിനെ ഞാന്‍ 100 % പിന്താങ്ങുന്നു.
    വൈരികള്‍ ചെയ്യുന്ന കുറ്റം മിഴിച്ചു നോക്കുകയും,
    സ്വന്തക്കാരും,സുഹൃത്തുക്കളും ചെയ്യുന്ന കുറ്റം കറുത്ത കണ്ണടയുടെ
    മറയല്‍ നോക്കുന്നതും തെറ്റാണു, അത് മനസ്സിലാക്കാനുള്ള കഴിവ് deshasnehi (പേരില്‍ മാത്രം), haroon ഉണ്ടെന്നു ഞാന്‍ കരുതിക്കോട്ടെ?????

  6. J.S. Ernakulam.

    അജിതയുടെയും, വി എസ ന്റെയും ടാര്‍ഗറ്റ് രാഷ്ടിയ ശത്രുക്കള്‍ മാത്രം, അത് മനസ്സിലാക്കാന്‍ വിദേശത്ത് പോയി പഠിക്കണമെന്നില്ല,
    അജിതയുടെ ഭാര്താവ് മലബാര്‍ സിമന്റ്‌ കേസില്‍ പ്രതി പട്ടികയില്‍ ,വി എസ്ന്റെ മകന് ലോകത്തില്‍ ആര്‍ക്കും കിട്ടാത്ത പദവി അതും ചുരുങ്ങിയ സമയം കൊണ്ട്.അന്തസ്സ് ഉള്ളവര്‍ ആണെങ്കില്‍ ഇവര്‍ അവര്‍ക്കെതിരെയല്ലേ കേസ് കൊടുക്കേണ്ടത്?????
    ചെറുതായാലും വലുതായാലും കുറ്റം കുറ്റം തന്നെയാണ്,
    അത് പിള്ളയായാലും, കുട്ടിയായാലും. തെറ്റ് ചെയിത്തവര്‍ ശിക്ഷിക്കപ്പെടനം.അതിനെ ഞാന്‍ 100 % പിന്താങ്ങുന്നു.
    വൈരികള്‍ ചെയ്യുന്ന കുറ്റം മിഴിച്ചു നോക്കുകയും,
    സ്വന്തക്കാരും,സുഹൃത്തുക്കളും ചെയ്യുന്ന കുറ്റം കറുത്ത കണ്ണടയുടെ
    മറയല്‍ നോക്കുന്നതും തെറ്റാണു, അത് മനസ്സിലാക്കാനുള്ള കഴിവ് deshasnehi (പേരില്‍ മാത്രം), haroon ഉണ്ടെന്നു ഞാന്‍ കരുതിക്കോട്ടെ?????
    സ്വന്തം കണ്ണിലെ കരടു എടുത്തിട്ട് പോരെ മറ്റുള്ളവന്റെ കണ്ണിലെ കരടെടുക്കാന്‍??????

LEAVE YOUR COMMENTS

Press ctrl+g to toggle between English and Malayalam.