Categories

പരസ്യങ്ങള്‍ നിരീക്ഷിക്കാന്‍ സര്‍ക്കാര്‍ ഒരുങ്ങുന്നു

കൊച്ചി: വിപണിയിലിറങ്ങുന്ന ഉത്പന്നങ്ങളെക്കുറിച്ചുള്ള പരസ്യങ്ങള്‍ നിരീക്ഷിക്കാന്‍ കേന്ദ്ര സര്‍ക്കാര്‍ ഒരുങ്ങുന്നു. കേന്ദ്രമന്ത്രി കെ.വി. തോമസാണ് ഇക്കാര്യം അറിയിച്ചത്.

കണ്‍സ്യൂമര്‍ ഫെഡിന്റെ ‘വീട്ടുമുറ്റത്തൊരു ത്രിവേണി’ പദ്ധതിക്കുള്ള കേന്ദ്ര സഹായത്തിന്റെ ആദ്യഗഡു നല്‍കുന്ന ചടങ്ങിലാണ് മന്ത്രി ഇക്കാര്യം പറഞ്ഞത്.

ഉപഭോക്താക്കളെ കബളിപ്പിക്കുന്ന തരത്തിലുള്ള പരസ്യങ്ങള്‍ ഇല്ലാതാക്കാനും അവയ്‌ക്കെതിരെ നടപടി സ്വീകരിക്കാനും വേണ്ടിയാണ് സര്‍ക്കാറിന്റെ ഈ നീക്കം. ഇതിനായി മാധ്യമപ്രവര്‍ത്തകരും ഉപഭോക്താക്കളുടെ പ്രതിനിധികളും അടങ്ങുന്ന കമ്മിറ്റി രൂപീകരിക്കാനാണ് പദ്ധതിയെന്നും കെ.വി തോമസ് വ്യക്തമാക്കി.

സംസ്ഥാനങ്ങള്‍ക്ക് കുറഞ്ഞ നിരക്കില്‍ ഗോതമ്പ് നല്‍കി ആട്ടയാക്കി പായ്ക്ക് ചെയ്തു നല്‍കുന്ന പദ്ധതി കേരളത്തില്‍ കണ്‍സ്യൂമര്‍ ഫെഡുമായി ചേര്‍ന്നു നടപ്പാക്കുമെന്നും അദ്ദേഹം അറിയിച്ചു.

Malayalam News
Kerala News in English

2 Responses to “പരസ്യങ്ങള്‍ നിരീക്ഷിക്കാന്‍ സര്‍ക്കാര്‍ ഒരുങ്ങുന്നു”

  1. Manojkumar.R

    പരസ്യങ്ങളെ നിരീക്ഷിക്കാന്‍ തുടങ്ങിയാല്‍ പിന്നെ മന്ത്രിക്കു എല്ലാം തന്നെ നിരോധിക്കേണ്ടി വരും.പരസ്യങ്ങള്‍ ഇല്ലങ്ങില്‍ പിന്നെങ്ങിനെ ലോകം നില നില്‍ക്കും? മാധ്യമങ്ങളായ മാധ്യമങ്ങളൊക്കെ നില നില്‍ക്കുന്നത് പരസ്യം കൊണ്ടാണെന്ന് ആര്‍ക്കാണ് അറിയാത്തത്.അത് സത്യമാണോ നുണയാണോ എന്നൊന്നും ആരും നോക്കാറില്ല.ഇങ്ങനെ നിരന്തരം ജനങ്ങളെ വഞ്ചിച്ചു കൊണ്ടാണ് കുത്തകകള്‍ ലാഭം കൊയ്യുന്നത്. ഈ ലാഭം നിലനിര്താനന്‍ ആണല്ലോ ഭരണകൂടങ്ങള്‍ തന്നെ നില കൊള്ളുന്നത്‌. കാരണം ഭരണ കൂടങ്ങള്‍ നിയമങ്ങള്‍ നിര്‍മ്മിക്കുന്നത് ഇത്തരം ചൂഷകര്‍ക്ക് വേണ്ടിയുമാനല്ലോ…പിന്നെങ്ങിനെ യാണ് താങ്കള്‍ പരസ്യങ്ങളെ നിയന്ത്രിക്കുക? ഒരിക്കല്‍ പരസ്യങ്ങള്‍ ഇല്ലാതായാല്‍ നമ്മുടെ ചാനലുകളും പത്രങ്ങളുമെല്ലാം കരയ്ക്ക്‌ പിടിച്ചിട്ട മീനിനെ പോലെ ചത്ത്‌ മലക്കും.പിന്നെങ്ങിനെ ആണ് താങ്കളെ പോലെയുള്ള നേതാക്കള്‍ക്ക് നിലനില്‍ക്കാന്‍ കഴിയുക.നിങ്ങളെ വളര്‍ത്തി വലുതാക്കുന്നത് ഈ മാധ്യമ പടകള്‍ ആണല്ലോ?…. ഇരിക്കുന്ന കൊമ്പില്‍ കത്തിവെക്കാന്‍ അങ്ങയ്ക്ക് കഴിയുമെന്ന് തോന്നുന്നില്ല! വെറുതെ ജനത്തെ പറഞ്ഞു പറ്റി ക്കുന്നത് എന്തിനാ?

  2. KP ANIL

    നീതിക്ക് നിരക്കാത്ത രീതിയില്‍ പരസ്യം നല്‍കുന്നത് നിരോധിക്കണം പക്ഷെ അത് നിങ്ങള്‍ എങ്ങനെ തിരിച്ചറിയും അതിനു വേണ്ടി ഒരു ഓഫീസ് ഉണ്ടാക്കണം അതില്‍ കുറെ ജോലിക്കാര്‍ അവര്‍ക്ക് കൈമണി കൊടുത്തു ഏതു കള്ളാ പരസ്യവും നല്‍കാം അങ്ങനെ കുറച്ചു പേര്‍ക്ക് പണി ആകും കുറെ കള്ളപണം ഇറങ്ങും അത്രമാത്രം, വീതം തങ്ങള്‍ക്കും ലഫിക്കും

LEAVE YOUR COMMENTS

Press ctrl+g to toggle between English and Malayalam.