Categories

സച്ചിന് ഓര്‍ഡര്‍ ഓഫ് ഓസ്‌ട്രേലിയന്‍ അംഗത്വം നല്‍കണം: ആദം ഗില്‍ക്രിസ്റ്റ്

മുംബൈ: ഇന്ത്യന്‍ ക്രിക്കറ്റിന്റെ ഇതിഹാസ താരം സച്ചിന്‍ ടെണ്ടുല്‍ക്കര്‍ക്ക് ഓര്‍ഡര്‍ ഓഫ് ഓസ്‌ട്രേലിയ അംഗത്വം നല്‍കാനുള്ള തീരുമാനം ഉചിതമാണെന്ന് മുന്‍ ഓസീസ്താരം ആദം ഗില്‍ക്രിസ്റ്റ്.

ആ പദവി നല്‍കാന്‍ എന്തുകൊണ്ടും അര്‍ഹനായ വ്യക്തിയാണ് സച്ചിനെന്നും ഗില്‍ക്രിസ്റ്റ് പറഞ്ഞു. സച്ചിനെ ഇഷ്ടപ്പെടുന്ന ലക്ഷക്കണക്കിന് ക്രിക്കറ്റ് പ്രേമികളാണ് ഓസ്‌ട്രേലിയയിലുള്ളത്.

Ads By Google

ഇരുരാജ്യങ്ങളും തമ്മിലുള്ള ബന്ധം മെച്ചപ്പെടുത്താന്‍ സച്ചിന്റെ സാന്നിധ്യവും സഹായിച്ചിട്ടുണ്ട്. സച്ചിനെ ഓസ്‌ട്രേലിയ ആദരിക്കുന്നതുമായി ബന്ധപ്പെട്ട് അനാവശ്യ വിവാദങ്ങളുണ്ടാക്കരുതെന്നാണ് തന്റെ ആഗ്രഹമെന്നും അദ്ദേഹം പറഞ്ഞു.

രഞ്ജി ക്രിക്കറ്റില്‍ കളിക്കാന്‍ തയാറെടുക്കുന്നതായി സച്ചിന്‍ പ്രഖ്യാപിച്ചത് അദ്ദേഹത്തിന് ക്രിക്കറ്റിനോടുള്ള ആത്മാര്‍ത്ഥയാണ് കാണിക്കുന്നതെന്നും ഇതിനെ അവഗണിക്കാന്‍ കഴിയില്ലെന്നും ഗില്‍ക്രിസ്റ്റ് പറഞ്ഞു.

ഇന്ത്യയില്‍ സന്ദര്‍ശനത്തിനെത്തിയപ്പോള്‍ ഓസ്‌ട്രേലിയന്‍ പ്രധാനമന്ത്രി ജൂലിയ ഗില്ലാര്‍ഡ് ആണ് സച്ചിനെ ആദരിക്കുമെന്ന് പ്രഖ്യാപിച്ചത്. അപൂര്‍വമായാണ് ഓര്‍ഡര്‍ ഓഫ് ഓസ്‌ട്രേലിയ അംഗത്വം ഓസ്‌ട്രേലിയക്കാരല്ലാത്തവര്‍ക്ക് നല്‍കുന്നതെന്നും എന്നാല്‍ സച്ചിന്‍ എന്തുകൊണ്ടും ഇതിന് അര്‍ഹനാണെന്നും ഗില്ലാര്‍ഡ് പറഞ്ഞിരുന്നു.

എന്നാല്‍ സച്ചിന് ഓര്‍ഡര്‍ ഓഫ് ഓസ്‌ട്രേലിയ നല്‍കുന്നതിനെതിരെ നിരവധി പേര്‍ രംഗത്തെത്തിയിരുന്നു. മുന്‍ ഓസീസ് താരം മാത്യു ഹെയ്ഡന്‍ ഇതിനെതിരെ പരസ്യമായി രംഗത്തുവന്നിരുന്നു. ഓര്‍ഡര്‍ ഓഫ് ഓസ്‌ട്രേലിയ അംഗത്വം ഓസ്‌ട്രേലിയന്‍ താരങ്ങള്‍ക്കുള്ളതാണെന്ന വാദമാണ് ഹെയ്ഡന്‍ ഉന്നയിച്ചത്.



‘ഹേ ഗൂഢാലോചനക്കാരെ നിങ്ങള്‍ക്ക് സഖാവിനെ കൊല്ലാനാവും, പക്ഷേ ചതി കൊണ്ട് തോല്‍പ്പിക്കാനാകില്ല’; ആശുപത്രിക്കിടക്കയില്‍ നിന്ന് കൈചുരുട്ടി മുദ്രാവാക്യം വിളിച്ച് ഉമ്മന്‍ ചാണ്ടിയുടെ നാട്ടുകാരി

കോട്ടയം: കേരളം ആകാംഷയോടെയായിരുന്നു ലാവ്‌ലിന്‍ കേസിലെ ഹൈക്കോടതി വിധിയ്ക്ക് കാത്തിരുന്നത്. ഒടുവില്‍ മുഖ്യമന്ത്രി പിണറായി വിജയന്‍ കുറ്റവിമുക്തനാണെന്ന കോടതി പ്രഖ്യാപിച്ചു. പിണറായിയുടെ വിജയത്തില്‍ പാര്‍ട്ടിക്കാരായവരും അല്ലാത്തവരുമൊക്കെ ആഹ്ലാദിച്ചു. എന്നാല്‍ അവരില്‍ നിന്നെല്ലാം വ്യത്യസ്തയായ ഒരാള്‍ ഉണ്ടായിരുന്നു അതും മുന്‍ മുഖ്യമന്ത്രി ഉമ്മന്‍ചാണ്ടിയുടെ മണ്ഡലമാ

‘എത്രയെത്ര വാര്‍ത്താബോംബുകള്‍ പൊട്ടിച്ചിട്ടുണ്ട് പഹയന്‍മാരേ നിങ്ങള്‍.!; ധൈര്യമുണ്ടോ ആ വാര്‍ത്തകളൊക്കെ ഒന്നുകൂടി തനിച്ചിരുന്നു കേള്‍ക്കാന്‍ ?’; ലാവ്‌ലിന്‍ വിധിയില്‍ മാധ്യമങ്ങളോട് ടി.എം ഹര്‍ഷന്‍

കോഴിക്കോട്: ലാവ്‌ലിന്‍ കേസില്‍ മുഖ്യമന്ത്രി പിണറായി വിജയനെ കുറ്റവിമുക്തനാക്കി കൊണ്ടുള്ള വിധി ശരിവെച്ച ഹൈക്കോടതി വിധിയില്‍ പ്രതികരണവുമായി മാധ്യമ പ്രവര്‍ത്തകനായ ടി.എം ഹര്‍ഷന്‍.'പ്രമുഖ' ചാനലുകളിലെ പ്രമുഖറിപ്പോര്‍ട്ടര്‍മാര്‍ ചാനല്‍ ലൈബ്രറികളിലേയ്ക്ക് ചെല്ലണം. ഫയലില്‍ 'ലാവലിന്‍' എന്ന് സേര്‍ച്ച് ചെയ്താല്‍ പഴയ വാര്‍ത്തകള്‍ അടപടലേ ഇടിഞ്ഞുവീണുകിട്ടും. ഓരോന്നും കണ്ടുന