Administrator
Administrator
എന്‍മകളെ
Administrator
Sunday 21st August 2011 12:23pm


തൊടല്ലെ കുഞ്ഞിനെ
തരളചിത്തയാം അവശപൂതമേ
മടിയിലേക്കില്ല കുടിയിലേക്കില്ല
പിറന്നാളാഘോഷത്തിരുപ്പിറയില്ല
പിറന്നതേതൊരു പറവയേയുംപോല്‍
ചിറകില്ല പക്ഷെ, ഉരഗവുമല്ല.
എടുത്തുവെച്ചൊരു തിടമ്പുപോ, ലെന്നാല്‍
തലയില്‍ വെയ്ക്കുവാന്‍ തലയില്‍ പേനില്ല
ഉറുമ്പരിക്കുന്നു നിലത്തുവെയ്ക്കുമ്പോള്‍.

മുല കൊടുക്കുകില്‍ വിഷം വായില്‍നിന്നും
മുലയിലേക്കാണ് വരിക പൂതനേ
ഒരു കവിപോലും മധുരിക്കും വാക്കോ
അതല്ലൊരുനോക്കോ കൊടുത്തതുമില്ല
ചെറുശ്ശേരി കാണാക്കുരുന്നുകളിവര്‍
പിറന്നൊരൂരിനെ പറയിക്കുന്നവര്‍
അരുത് കൈകൊണ്ട് തൊടല്ലെ കുഞ്ഞിനെ
വിഷം തളിച്ചതാണരുത്
കുട്ടികള്‍


Advertisement