ummanchandy-rwആലപ്പുഴ: എ.കെ ആന്റണിക്കെതിരെ അന്വേഷണം വേണമെന്ന പിണറായി വിജയന്റെ ആവശ്യം ലാവലിന്‍ കേസ് നീട്ടിക്കൊണ്ടുപോകാനുള്ള ശ്രമത്തിന്റെ ഭാഗമാണെന്ന് പ്രതിപക്ഷ നേതാവ് ഉമ്മന്‍ ചാണ്ടി പറഞ്ഞു. പ്രതി സാക്ഷികളെ നിശ്ചയിക്കുന്നത് കോടതി നടപടികളില്‍ കേട്ടുകേഴ്‌വി പോലുമില്ലാത്ത സംഭവമാണെന്ന് അദ്ദേഹം കൂട്ടിച്ചേര്‍ത്തു.

സി.ബി.ഐ ചോദ്യം ചെയ്തപ്പോള്‍ ഈ ആവശ്യം എന്തുകൊണ്ടായിരുന്നു പിണറായി ഉന്നയിക്കാതിരുന്നത്.ഇപ്പോള്‍ അന്വേഷണം പൂര്‍ത്തിയാക്കി കുറ്റപത്രവും സമര്‍പ്പിച്ചതിന് ശേഷം കോടതി സമന്‍സ് അയച്ചുകഴിഞ്ഞപ്പോഴാണ് പിണറായി പുതിയ ആവശ്യം ഉന്നയിച്ചിരിക്കുന്നത്. അസമയത്ത് പുതിയ വാദഗതി ഉയര്‍ത്തുന്നത് കേസില്‍ കാലതാമസം വരുത്താനുള്ള ബോധപൂര്‍വ്വമായ നീക്കത്തിന്റെ ഭാഗമാണെന്നും ഉമ്മന്‍ ചാണ്ടി കുറ്റപ്പെടുത്തി.