Categories

വഞ്ചനയുടെ വര്‍ത്തമാനം; ജീവനക്കാര്‍ക്കിപ്പോള്‍ റംസാന്‍ സമ്മാനമായി സമന്‍സും

varthamanam-rdനിരപരാധികളായ ഒരു കൂട്ടം മാധ്യമപ്രവര്‍ത്തകരെ കടക്കെണിയിലേക്ക് തള്ളിവിട്ട് കേരളത്തിലെ മുജാഹിദ് മടവൂര്‍ വിഭാഗം റംസാനില്‍ ഇഫ്താറുകള്‍ സംഘടിപ്പിക്കുകയും റിലീഫ് വിതരണം നടത്തുകയും ചെയ്യുന്നു. തൃശൂരില്‍ അമേരിക്കക്കാരന്റെ നോമ്പുതുറ വിജയിപ്പിച്ചു. പത്രവും ഇഫ്താറുകളും എല്ലാം സംഘടനക്ക് വേണ്ടി. അഥവാ സംഘടന വിഭാവനം ചെയ്യുന്നുവെന്ന് അവര്‍ പറയുന്ന ഇസ്ലാമിന് വേണ്ടി. എന്നാല്‍ തൊഴിലാളിക്ക് വിയര്‍പ്പുണങ്ങുന്നതിന് മുമ്പ് കൂലി കൊടുക്കണമെന്ന പറഞ്ഞ ഇസ്ലാമിനെ അവര്‍ക്ക് സ്വീകാര്യമായില്ല. ഉള്ള കൂലി കൊടുത്തില്ലെന്ന് മാത്രമല്ല, തൊഴിലാളികളുടെ പേരില്‍ വര്‍ത്തമാനം മാനേജ്‌മെന്റെടുത്ത ലോണ്‍ തിരിച്ചടക്കാത്തതിനാല്‍ ജീവനക്കാര്‍ക്കിപ്പോള്‍ സമന്‍സും ലഭിച്ചിരിക്കയാണ്. ഈ വിശുദ്ധ റംസാനില്‍ വര്‍ത്തമാനം മാനേജ്‌മെന്റിന് ജീവനക്കാര്‍ക്ക് കൊടുക്കുന്ന മികച്ച റംസാന്‍ സമ്മാനമായിരിക്കുമിത്.

വര്‍ത്തമാനം ദിനപത്രത്തിന് എന്താണ് സംഭവിച്ചത്. കേരളത്തിലെ പ്രമുഖരായ മാധ്യമപ്രവര്‍ത്തകരുടെ ഒരു കാലഘട്ടം കവര്‍ന്നെടുത്ത ആസ്ഥാപനം ഒടുവില്‍ അവര്‍ക്ക് തിരിച്ചു നല്‍കിയത് പ്രാരാബ്ദങ്ങളാണ്. മലയാളത്തിലെ ഏതു പത്രത്തെയും വെല്ലുവിളിക്കാനുള്ള എഡിറ്റോറിയല്‍ ശക്തിയുമായാണ് ചാലപ്പുറത്ത് നിന്ന് വര്‍ത്തമാനം ആരംഭിച്ചത്. ചീഫ് എഡിറ്ററായി സുകുമാര്‍ ആഴിക്കോട്. ധാര്‍മ്മിക പിന്തുണയുമായി മലബാറിന്റെ കഥാകാരന്‍ എന്‍.പി മുഹമ്മദ്, പത്രപ്രവര്‍ത്തകരംഗത്ത് സമ്പന്നമായ പ്രവര്‍ത്തന പാരമ്പര്യമുള്ള പി.ജെ മാത്യുസാര്‍, കേരളകൗമുദിയില്‍ നിന്നുള്ള ടി.വി വേലായുധന്‍, ചടുല പത്രപ്രവര്‍ത്തനത്തിന്റെ ആവേശവുമായി വി.ആര്‍ ജയരാജ്, രാജ്യാന്തരപത്രപ്രവര്‍ത്തന പാരമ്പര്യവുമായി ജീമോന്‍ ജേക്കബ്, സ്‌പോര്‍ട്‌സ് ഡെസ്‌കില്‍ രവിമേനോന്‍, എഴുത്തുകാരനായ ഹാഫിസ് മുഹമ്മദ്, നീനി , മനോരമയില്‍ നിന്നും കെ ബാലചന്ദ്രന്‍… പട്ടികകള്‍ നീളുന്നു. എന്നാല്‍ അവരെല്ലാം ഇന്ന് എവിടെ പോയി ?.

സ്ത്രീ സ്വാതന്ത്ര്യത്തിന് വേണ്ടി ചെണ്ടകൊട്ടിപ്പാടിയ പത്രം പിന്നീടെടുത്ത നിലപാട് ലജ്ജിപ്പിക്കുന്നതായിരുന്നു. മുസ്ലിം ലീഗ് സെക്രട്ടറി പി കെ കുഞ്ഞാലിക്കുട്ടിക്ക് എതിരെ ലൈംഗിക ആരോപണവുമായി റജീനയെന്ന പെണ്‍കുട്ടി ഇന്ത്യാവിഷന്‍ ചാനലിന്റെ ഓഫീസിലേക്ക് ഓടിക്കയറിയതിന്റെ പിറ്റേ ദിവസം വര്‍ത്തമാനം അങ്ങനെ ഒരു സംഭവം കേരളത്തില്‍ നടന്നതേ അറിഞ്ഞിരുന്നില്ല. അങ്ങനെ വര്‍ത്തമാനത്തിലെ മാധ്യമപ്രവര്‍ത്തകര്‍ക്ക് ആശയവും ആമാശയവും നഷ്ടപ്പെട്ടു.

കഴിവ് തെളിയിച്ചവരും പരിശ്രമശാലികളുമായ പത്രപ്രവര്‍ത്തകരും പത്രത്തെ നെഞ്ചിലേറ്റി താലോലിക്കാന്‍ ഒരു സംഘടനയും വിദേശത്ത് നിന്ന് നിര്‍ലോഭമെത്തുന്ന ഫണ്ടും ലോകമെങ്ങും അറിയപ്പെടുന്ന ചീഫ് എഡിറ്ററും ഉണ്ടെങ്കിലും മാനേജ്‌മെന്റിന്റെ കഴിവ് കേടും മണ്ടത്തരവും കൊണ്ട് മാത്രം ഒരു പത്രം പരാജയപ്പെടാമെന്നതിന് തെളിവാണ് വര്‍ത്തമാനം. ഗംഭീരമായായിരുന്നു തുടക്കം. മുന്‍ഗണനകള്‍ തെറ്റിയ പ്രവര്‍ത്തന രീതികള്‍ പത്രത്തെ പിന്നീട് തളര്‍ത്തി. ജീവനക്കാര്‍ക്ക് ശമ്പളം വൈകി. പലരും ഉപേക്ഷിച്ച് പോയി. അവശേഷിച്ചവരോട് മാനേജ്‌മെന്റ് പറഞ്ഞ ഉപായമായിരുന്നു അത്. ‘നിങ്ങളുടെ പേരില്‍ കമ്പനി ബാങ്കില്‍ നിന്നും കടമെടുക്കും. മാസങ്ങള്‍ക്കുള്ളില്‍ കടം കമ്പനി തിരിച്ചടക്കും അതോടെ ഇപ്പോഴത്തെ പ്രതിസന്ധി അതിജീവിച്ച് പത്രത്തിന് മുന്നോട്ട് പോകാനാകും’.

വ്യക്തമായ കാഴ്ചപ്പാടോ ദീര്‍ഘവീക്ഷണമോ പരിചയ സമ്പത്തോ ഇല്ലാത്ത ഒരു കൂട്ടം ആളുകള്‍ ഭരണയന്ത്രം തിരിച്ചതുകൊണ്ടു തന്നെ ആറു മാസം കൊണ്ട് പത്രത്തില്‍ പ്രതിസന്ധി തുടങ്ങിയിരുന്നു. അഞ്ചുമാസത്തോളം ശമ്പളം മുടങ്ങി നിന്ന അവസരത്തിലാണ് ഓരോരുത്തരുടെ പേരില്‍ വായ്പയെടുത്ത സ്ഥാപനത്തെ രക്ഷിക്കണമെന്ന ആവശ്യം മാനേജ്‌മെന്റ് മുന്നോട്ടു വെച്ചത്. വര്‍ത്തമാനത്തെ അത്രമാത്രം സ്‌നേഹിച്ചിരുന്ന ഒരു കൂട്ടം ചെറുപ്പക്കാര്‍ അതിനു സമ്മതം മൂളി. അങ്ങനെ വര്‍ത്തമാനം അതിന്റെ ജീവനക്കാരുടെ പേരില്‍ കോഴിക്കോട് വിജയാ ബാങ്കില്‍ നിന്നും കാനറാ ബാങ്കില്‍ നിന്നും ലക്ഷങ്ങളുടെ ലോണെടുത്തു. വിജയബാങ്കില്‍ നിന്നും 50,000 മുതല്‍ 1.5 ലക്ഷം രൂപ 53 തൊഴിലാളികളുടെ പേരില്‍ ലോണെടുത്തു. കാനറ ബാങ്കില്‍ നിന്നും 39 തൊഴിലാളികളുടെ പേരില്‍ 30,000-80,000 രൂപ വരെയായിരുന്നു വായ്പയെടുത്തത്.ഇങ്ങിനെ ലക്ഷങ്ങളാണ് എന്നാല്‍ ഭീമമായ ഒരു സംഖ്യ ജീവനക്കാരുടെ വായ്പയായി ലഭിച്ചിട്ടും സ്ഥാപനം പ്രതിസന്ധിയില്‍ നിന്ന് കരകയറിയില്ല.

വീണ്ടും ശമ്പളം മുടങ്ങി. ഒടുവില്‍ ജീവിക്കാന്‍ വക തേടി പല ചെറുപ്പക്കാരും മറ്റു സ്ഥാപനങ്ങളില്‍ ചേക്കേറി. വിശ്വാസത്തിന്റെ പുറത്ത് വായ്പക്ക് ഒപ്പിട്ടു കൊടുത്ത യുവാക്കളെ മുഴുവന്‍ വഞ്ചിക്കുന്ന നടപടിയാണ് പിന്നീട് കമ്പനിയുടെ ഭാഗത്തുനിന്നുണ്ടായത്. ഏഴ് അടവുകള്‍ മാത്രം അടച്ച കമ്പനി പിന്നീട് അങ്ങോട്ട് തിരിഞ്ഞുനോക്കിയില്ല. ഇക്കാര്യം സംസാരിക്കാന്‍ ചെല്ലുന്നവരോട് മാനേജ്‌മെന്റ് നിര്‍ദാക്ഷിണ്യം പെരുമാറി. സ്ഥാപനത്തോടുള്ള കൂറുകൊണ്ട് ആരും പ്രത്യക്ഷ സമരപരിപാടികള്‍ക്ക് നീങ്ങിയില്ല. എന്നാല്‍ പിന്നീട് കമ്പനിയുടെ ഏക ആസ്തിയായ കെട്ടിടം വില്‍ക്കാനുള്ള നീക്കം നടക്കുമ്പോഴാണ് ഓഫീസിലേക്ക് മാര്‍ച്ച് നടത്തുന്നതുള്‍പ്പെടെയുള്ള സമര പരിപാടികള്‍ക്ക് ജീവനക്കാര്‍ തീരുമാനമെടുത്തത്.

പത്രവര്‍ത്തക യൂനിയന്‍ ഇടപെട്ട് ഓഫീസ് മാര്‍ച്ചിന് തീരുമാനിച്ചെങ്കിലും വായ്പ തിരിച്ചടക്കാമെന്ന് മാനേജ്‌മെന്റ് ഉറപ്പ് നല്‍കിയതിനാല്‍ സമരം നിര്‍ത്തിവെച്ചു. ലോണ്‍ തിരിച്ചടക്കാന്‍ ബാങ്ക് അധികൃതരുമായി ധാരണയുണ്ടാക്കിയെന്ന് അറിയിപ്പ് ലഭിച്ചതിനെ തുടര്‍ന്ന് പ്രക്ഷോഭ പാതയില്‍ നിന്ന് എല്ലാവരും പിന്‍ വാങ്ങി. എന്നാല്‍ കേരളത്തിലെ അറിയപ്പെടുന്ന മുജാഹിദ് മതപണ്ഡിതനായ ഹുസൈന്‍ മടവൂരിന്റെ സംഘടനക്ക് കീഴില്‍ പ്രവര്‍ത്തിക്കുന്ന വര്‍ത്തമാനം മാനേജ്‌മെന്റ് തൊഴിലാളികളോട് വീണ്ടും വിശ്വാസ വഞ്ചന കാണിച്ചു. ഇതിനിടെ ശക്തമായ പ്രതിഷേധത്തിന്റെ ഫലമായി കാനറാ ബാങ്കിലെ ബാധ്യത തീര്‍ക്കാന്‍ തീരുമാനമായി. കാനറാ ബാങ്കിലായിരുന്നു പല മുജാഹിദ് സംഘടനാ നേതാക്കളുടെയും പേരില്‍ വായ്പയെടുത്തത്. കാനറാ ബാങ്കിലെത് സെറ്റില്‍ ചെയ്തതോടെ അവര്‍ സുരക്ഷിതരായി. പാവപ്പെട്ട തൊഴിലാളിയുടെ കടക്കെണി തുടര്‍ന്നു.

കേരളത്തിലെ മറ്റൊരു തൊഴിലാളികള്‍ക്കും ലഭിക്കുന്ന തൊഴില്‍ സുരക്ഷിതത്വമോ സംഘടനാബലമോ ജനാധിപത്യത്തിന്റെ നാലാം തൂണുകാരായ ആധുനിക പത്രപ്രവര്‍ത്തകര്‍ക്ക് ഇല്ല എന്നതാണ് വര്‍ത്തമാനം നല്‍കുന്ന ഞെട്ടിപ്പിക്കുന്ന മഹത്തായ മറ്റൊരു പാഠം. പത്രപ്രവര്‍ത്തക യൂനിയന്‍ ഇടപെട്ടെങ്കിലും വിജയം കണ്ടില്ല.വഞ്ചനക്കിരയായ അറുപതോളം മാധ്യമപ്രവര്‍ത്തകര്‍ മനോരമ, മാതൃഭൂമി ഇന്ത്യാവിഷന്‍ ഉള്‍പ്പെടെയുള്ള മുഖ്യധാരാ മാധ്യമങ്ങളിലാണ് ഇപ്പോള്‍ പ്രവര്‍ത്തിക്കുന്നതെങ്കിലും കേരളത്തിലെ ഒരു മാധ്യമ സ്ഥാപനം അതിന്റെ തൊഴിലാളികളോട് കാണിച്ച വഞ്ചന റിപ്പോര്‍ട്ട് ചെയ്യാന്‍ പോലും മറ്റ് മാധ്യമങ്ങള്‍ക്ക് കഴിഞ്ഞില്ല. സംഘടനയുടെ സ്വാധീനത്തിന് വഴങ്ങിയും ഒരു മാധ്യമത്തിന്റെ നെറികേടിനെ എതിര്‍ക്കാന്‍ മറ്റൊരു മാധ്യമത്തിന്റെ മാനേജ്‌മെന്റ് തയ്യാറാകാത്തതിനാലും ഏറ്റവും കൃത്യമായ ഈ വഞ്ചനാ മറച്ചു പിടിക്കപ്പെടുന്നു.

യൂനിയനുമായുള്ള നിരന്തര ചര്‍ച്ചക്കൊടുവില്‍ വായ്പ തിരിച്ചടക്കാമെന്ന് മാനേജ്‌മെന്റ് സമ്മതിച്ചതായിരുന്നു. ഇതിന്റെ അടിസ്ഥാനത്തില്‍ വര്‍ത്തമാനത്തിനെതിരെയുള്ള സമര പരിപാടികളും പിന്‍വലിച്ചു. എന്നാല്‍ ഒരിക്കല്‍ക്കൂടി മാനേജ്‌മെന്റ് തങ്ങളുടെ വികൃത മുഖം കാണിച്ചു. ഉറപ്പുകള്‍ ലംഘിക്കപ്പെട്ടു. കോടതിയില്‍ നിന്ന് സമന്‍സ് ലഭിച്ചതോടെ ഭാവി പരിപാടികള്‍ ആലോചിക്കാനുള്ള തയ്യാറെടുപ്പിലാണ് ജീവനക്കാര്‍. മാധ്യമപ്രവര്‍ത്തകരുടെ പേരില്‍ കടം കയറുമ്പോഴും ഹുസൈന്‍ മടവൂരും സംഘവും സംഘടനാ പരിപാടികള്‍ക്ക് ലക്ഷങ്ങള്‍ ചെലവഴിക്കുകയാണെന്ന് ജീവനക്കാര്‍ ആരോപിക്കുന്നു. വയനാട്ടില്‍ നടന്ന കഴിഞ്ഞ സംഘടനാ സമ്മളനത്തില്‍ നന്മയും നീതിയും എന്നായിരുന്നു മുദ്രാവാക്യം. ഈ രണ്ട് വാക്കുകളും പറയാന്‍ സുഖമുള്ളതാണെന്ന് അവര്‍ സമ്മേളനത്തിനു ശേഷവും തെളിയിച്ചു.

വര്‍ത്തമാനം മാനേജ്‌മെന്റിന്റെ വഞ്ചനക്കിരയായ അറുപതോളം ജീവനക്കാര്‍ ഇപ്പോള്‍ ജയിലുകളിലേക്ക് നാളുകളെണ്ണുകയാണ്. ഇങ്ങനെ സംഭവിക്കുകയാണെങ്കില്‍ അത് അന്താരാഷ്ട്ര മാധ്യമ ലോകത്ത് തന്നെ കോളിളക്കങ്ങള്‍ സൃഷ്ടിക്കും. ലോക മാധ്യമങ്ങള്‍ കേരളത്തില്‍ ക്യാമ്പ് ചെയ്ത് ഈ വാര്‍ത്ത പുറത്തെത്തിക്കും. ഇതോടെ ആഗോള സലഫി പ്രസ്ഥാനത്തിനു തന്നെ മുഖം നഷ്ടപ്പെടും.



20 Responses to “വഞ്ചനയുടെ വര്‍ത്തമാനം; ജീവനക്കാര്‍ക്കിപ്പോള്‍ റംസാന്‍ സമ്മാനമായി സമന്‍സും”

  1. shinod

    അഭിനന്ദനാര്‍ഹമാണ്‌ ഈ നീക്കം. മറ്റു മാധ്യമങ്ങള്‍ നല്‍കാന്‍ മടിക്കുന്ന കാര്യങ്ങള്‍ നല്‍കുമ്പോള്‍ മാത്രമാണ്‌ കേരളഫ്‌ളാഷ്‌ ന്യൂസ്‌ പോലുള്ള പോര്‍ട്ടലുകളുടെ പ്രാധാന്യം വര്‍ധിക്കുന്നത്‌.

  2. prasannan

    ഓരോരുത്തര്‍ക്കും ഓരോ പണി പറഞ്ഞിട്ടുണ്ട്‌. സംഘടനയില്‍ വയല്‌ പറയുന്ന പോലല്ല, പ്രബുദ്ധമായ മാധ്യമരംഗത്തെ ഇടപെടലുകള്‍. അതു വളരെ ദൂരം മുന്നോട്ടുപോയിരിക്കുന്നുവെന്നെങ്കിലും ഈ അമേരിക്കന്‍ സ്‌തുതിപാഠകര്‍ ഓര്‍മ്മിക്കുന്നത്‌ നന്നായിരിക്കും.

  3. shafi p.p

    ഇരട്ട ഭീകര മുഖമാണ് നിങ്ങളുടെ ഇടപെടലുകളിലൂടെ വ്യക്തമാക്കുന്നത്.

    1) നമ്മുടെ പത്ര-മാധ്യമരംഗത്തേക്ക് കടന്നു വരുന്ന മാനേജുമെന്റുകളുടെ കാപട്യം. അത് മതസംഘടനകളുടെ പേരിലാണങ്കില്‍ പോലും.
    2)നമ്മുടെ പത്രമാനേജുമെന്റുകള്‍ കാണിക്കുന്ന പരസ്പര സഹായം……മനോരമയുടെ ഇന്ററഗേറ്റഡ് ഫിനാന്‍സും വഞ്ചനയുടെ വര്‍ത്തമാനവും ഒന്നും മറ്റ് പത്രങ്ങള്‍ക്ക് വാര്‍ത്തയേ ആവുന്നില്ല……ഈ വിശുദ്ധ പശുക്കളെ ആരാണ് പിടിച്ച് കെട്ടുക

  4. pravi

    Its a shocking news

  5. Sandhehi...

    കേരളത്തിലെ പ്രബുദ്ധരായ മാധ്യമ പ്രവര്‍ത്തകരും, പത്ര പ്രചാരണത്തിന് എന്ത് ചെയ്യണമെന്നു പരിചയമുള്ള വിപണന തന്ത്രഞ്ഞന്മാരുമായിരുന്നല്ലോ വര്‍ത്തമാനത്തിന്റെ കരുത്ത്‌. വയള് പറഞ്ച്ചു നടന്നവര്‍ പത്രം നടത്തുന്നെന്നു കേട്ടപ്പോള്‍ വിവരമുള്ള (നേരും നെറിയുമുള്ള) കേരളത്തിലെ എഡിറ്റോറിയല്‍ അച്ഛനമാര്‍ക്കു രണ്ടാമതൊന്നു ആലോചിക്കാനില്ലായിരുന്നു…വയള് പരച്ച്ചിലുകാരുടെ മുമ്പും പിമ്പും നടന്നു കുരുക്കിട്ടു പിടിച്ചു കസേരകളുടെ വലിപ്പ ചെറുപ്പങ്ങള്‍ ആളെന്നെടുത്ത ഈ വിവരമുള്ള പനിയെടുക്കുന്നക്ക് ശമ്പളത്തിന്റെ പരിഭവം പറയാനും നേരമുണ്ടായിരുന്നത് നന്നായി… പരമാവധി ഉപയോഗിച്ച് പാവകളി നടത്തി, മാറിയും മാറ്റിച്ചും ഒടുവില്‍ പരിപ്പെടുത്തും ഊളിയിട്ടു പോയവര്‍ക്കൊന്നും പിന്നീട് വന്നവന്റെ കണ്ണീരിനു വിലയുണ്ടാവില്ല…അച്ചടിക്കപ്പെടാത്തതും ബ്ലോങനയാവാതതുമായ ഒരുപാട്‌ രഹസ്യ വിചാരങ്ങള്‍ക്ക്‌ വിരാമമിടുകയാണ്‌ നല്ലത്.. അതുകൊണ്ട് തെറ്റ് ചെയ്തവര്‍ക്കും തെറ്റ് പറ്റിയവര്‍ക്കും ഒരു മുന്‍‌കാല ജീവനക്കാരന്റെ കൂപ്പു കൈ…

  6. shafeeq

    it has to be brought to the lime light by a campaign. otherwise the management will never realise/or correct the mistake they are doing.

  7. ktws

    വയലു പറഞ്ഞു നടന്നവരെ കണ്ടല്ല… പത്രക്കാരാരും വര്‍ത്തമാനത്തിലെത്തിയത്‌. സുകുമാര്‍ അഴീക്കോടിനെയും എന്‍ പി മുഹമ്മദിനെയും എന്‍ പി ഹാഫിസിനെയും മാത്യു സാറിനെയും പോലുള്ള നേതാക്കളെ കണ്ടു തന്നെയാണ്‌. ജീവിക്കാന്‍ വേണ്ടിയാണ്‌ അവരെല്ലാം പണിയെടുത്തത്‌. വീട്ടില്‍ പട്ടിണിയില്ലാതെ കഴിയാന്‍… അല്ലാതെ സംഘടനയെയോ നേതാക്കളെയോ പരിപോഷിപ്പിക്കല്‍ അവരുടെ ലക്ഷ്യമായിരുന്നില്ല.. അഞ്ചും ആറും മാസം ശമ്പളം കിട്ടാതിരുന്നിട്ടും പിടിച്ചുനിന്നവരുടെ നെഞ്ചത്തുകയറി കുത്തരുത്‌…അഞ്ചു പൈസയ്‌ക്ക്‌ ഗതികിട്ടാഞ്ഞിട്ടാണ്‌ പലരും അവിടെ വിട്ടത്‌. അവിടെ നിന്നവര്‍ മൂന്നു തരത്തിലുള്ളവരാണ്‌.

    1 വീട്ടില്‍ അത്യാവശ്യം വകയുള്ളവര്‍
    2 ഒരവസ്ഥയില്‍ ലയിച്ചുപോവുന്ന മാനസികാവസ്ഥയുള്ളവര്‍
    3 സംഘടനയോട്‌ കൂറുള്ളവര്‍..
    അല്ലാതെ വീട്ടില്‍ ഒരു ഗതിയുമില്ലാത്തവരും വെറും പത്രപ്രവര്‍ത്തനം നടത്തി ജീവിതം കളയാന്‍ ഇഷ്ടമില്ലാത്തവരും അവിടം വിട്ടിട്ടുണ്ട്‌. ആ പോയവരെ കുറ്റപ്പറയുന്നത്‌ ഒരിക്കലും കാലത്തിനു മേല്‍ ചാര്‍ത്തിയ ഈ നെറികേടിന്‌ ന്യായീകരണമാവില്ല.

  8. abdullah

    ലോക മാധ്യമങ്ങള്‍ കേരളത്തില്‍ ക്യാമ്പ് ചെയ്ത് ഈ വാര്‍ത്ത പുറത്തെത്തിക്കും. ഇതോടെ ആഗോള സലഫി പ്രസ്ഥാനത്തിനു തന്നെ മുഖം നഷ്ടപ്പെടും.
    salafi prasthaanathinte mugham nashtappedilla. madavoorikal salafikalalla ennu avarthanne paranjittund.

  9. k p jayakumar

    വഞ്ചനയുടെ വര്‍ത്തമാനം!
    ജീവനക്കാര്‍ക്കിപ്പോള്‍ റംസാന്‍ സമ്മാനമായി സമന്‍സും
    http://varthamanamwalkouts.blogspot.com/
    The Salafi Movement can not keep mum-writes Keralaflashnews.com

  10. siraj

    ഈ വിശുദ്ധ പശുക്കളെ ആരാണ് പിടിച്ച് കെട്ടുക

  11. arshad

    Ethu Oru shabamanu , Nalla oru yuva thalamuraye Vayithirichu vitta madavoorinulla vidhi . Mujahid prasthanathinu vendi neeru ozhikkiya kure madavoorinte
    bashayil paranchal “Vayassanmarude” Shabam

  12. ansal moovattupuzha

    ഒരു പത്രസമ്മേളനത്തില്‍ ഒരു മാധ്യമപ്രവര്‍ത്തകന്‍ എഴുന്നേറ്റ്‌ നിന്ന്‌ സാക്ഷാല്‍ ഹുസൈല്‍ മടവൂരിനോട്‌ ചോദിച്ചു. താങ്കളുടെ സംഘടനയുടെ പത്രമായ വര്‍ത്തമാനത്തില്‍ ജീവനക്കാര്‍ക്ക്‌ ശമ്പളം കൊടുക്കാതെ പീഡിപ്പിക്കുന്നുണ്ടല്ലോ… അതിനുള്ള മറുപടി… പ്രസ്ഥാനത്തിന്റെ കീഴില്‍ നിരവധി സ്ഥാപനങ്ങള്‍ പ്രസിദ്ധീകരിക്കുന്നുണ്ട്‌. അതിനെ കുറിച്ച്‌ എനിക്കൊന്നു പറയാനില്ലെന്നാണ്‌. അതെങ്ങനെ ശരിയാവും. ഇതുവരെയുള്ള വര്‍ത്തമാനം പത്രമെടുത്തുനോക്കിയാല്‍ അതിലുള്ള ഭൂരിഭാഗം സംഘടനാവാര്‍ത്തകളും മടവൂര്‍ മുജാഹിദിന്റെതാണ്‌. അതിനെ നിയന്ത്രിക്കുന്നവര്‍ മടവൂര്‍ വിഭാഗം നേതാക്കളാണ്‌. അസോസിയേറ്റ്‌ എഡിറ്റര്‍ കാരക്കുന്ന്‌ ആരാ? ജനറല്‍ മാനേജരായിരുന്ന കരിമ്പിലാക്കല്‍ ആരാ? എം.ഡി മാരായിരുന്ന എന്‍.വി അബ്ദുറഹിമാനും അസ്‌ഗറലിയും ഇബ്രാഹീം ആരാ?..അല്ലാ..വര്‍ത്തമാനം മടവൂര്‍ വിഭാഗത്തിന്റെതല്ലെന്ന്‌ ആരെയാണ്‌ പറഞ്ഞു പറ്റിക്കുന്നത്‌. സ്വന്തം അണികളെപോലും പറ്റില്ല. കാരണം അത്‌ അണികള്‍ക്കറിയാം…. കാരണം പാവങ്ങളുടെ പതിനായിരങ്ങള്‍ സംഘടനയുടെ പേരില്‍ ഷെയറാക്കി ഉയര്‍ത്തിയ പ്രസ്ഥാനമാണ്‌ വര്‍ത്തനമാം…..

  13. muhammed p k

    newsukal vallera athekam nelavaram pularthunnu thudarnnum kuduthal vijyam pratheshekkunnu thankyou

  14. mohamed shameem

    എന്തൊരു തുടക്കം… മലപോലെ വന്നു മഞ്ഞു പോലെ ഉരുകുന്നു… ഇതാണ് ‘വര്‍ത്തമാനം’ എന്ന് കേള്‍ക്കുമ്പോള്‍ മനസ്സില്‍ വരുന്നത്. വര്‍ത്തമാനം തുടക്കത്തില്‍ ഗള്‍ഫിലൊക്കെ മുജാഹിദ്‌ നേതാക്കള്‍ വന്നു പറഞ്ഞത് ഇതുവരെ കേരളം കണ്ടിട്ടില്ലാത്ത പത്രം, കേരളം ആഗ്രഹിക്കുന്ന പത്രം എന്നൊക്കെ പറഞ്ഞാണ്‌. മാത്രമല്ല 5 വര്ഷം കേരളത്തില്‍ പഠനം നടത്തിയിട്ട് ഇനിയുമൊരു നല്ല പത്രത്തിന് കേരളത്തില്‍ ചാന്‍സ് ഉണ്ടെന്ന പുതിയ വെളിച്ചപ്പാടും ആയാണ് മുജാഹിദ്‌ നേതാക്കള്‍ ഗള്‍ഫില്‍ വിലസിയത്. എന്തൊരു കാര്യം ചെയ്യുമ്പോളും വ്യക്തമായ ലക്ഷ്യവും നയവും ആദര്‍ശവും വേണം. ഇല്ലെങ്കില്‍ അത് തകരും. അതിന്റെ ഒരു ഉദാഹരണമാണ് ‘വര്‍ത്തമാനം’. പ്രസംഗിക്കാനും എഴുതാനും എല്ലാവര്‍ക്കുമാകും പക്ഷെ, പ്രയോഗത്തില്‍ കൊണ്ടുവരാന്‍ ആത്മാര്തത എന്നൊരു സംഗതി ഇല്ലെങ്കില്‍ പിന്നെ പരാജയം തന്നെ. മുജാഹിദ്‌ മടവൂര്‍ വിഭാഗത്തിന്റെ ‘ശബാബ്’ കഴിഞ്ഞാല്‍ പിന്നെ ആധികാരിക രേഖ ‘വര്‍ത്തമാനം’ ആണ്. ശബബിലും വര്‍ത്തമാനത്തിലും എഴുതുന്നവര്‍ ഒന്ന് തന്നെ. വലിയ വ്യത്യാസമൊന്നുമില്ല. കൂടുതല്‍ വാര്‍ത്തകള്‍ മുജാഹിദ്‌ മടവൂരിന്റെതാണ്. തമ്മില്‍ വിശ്വാസം ഇല്ലാത്തതാണല്ലോ മുജാഹിദ്‌ പിളരാന്‍ തന്നെ കാരണം. പിന്നെ എങ്ങനെ ഒരു പത്രം വിജയിക്കും. വര്‍ത്തമാനം ബ്ലോഗില്‍ പറഞ്ഞത് പോലെ ‘കാലത്തിനു മേല്‍ നെറികേടിന്റെ കയ്യൊപ്പ്’ ഇതാണ് ‘വര്‍ത്തമാനം’ കൊണ്ട് ആകെ കിട്ടിയ സമ്പാദ്യം.

  15. salafi

    The reason of all this problems is going away from Allah’s deen.
    Do tauba and come back to the track.
    http://dars.ilmussalaf.info/ci.html
    salafi

  16. salafi

    This will not affect the world salafi dawa… any way.
    These people thought use the word salafi the salafi scholars of the world have already given fatawa against them. So no salafi’s have to worry about them.
    listen this
    http://dars.ilmussalaf.info/cm.html

  17. nadheem

    this AFTEREFFECTS is nothing,but for the sin which madavoories had done-ie distroying an harmonious organisation KNM.

  18. Arshad Nizam

    ellam ketti pootti mathiyakkikkoode moulavimare?

  19. Riyas Mon

    September 20th, 2009
    A news you published about Varthamanam Daily, But what happened?
    Now varthamanam go on. Your celebrated Shinod Edakad, Our old journalist is become not familier to Malayalam readers. But Our varthamanam is stilll

  20. shinod

    Riyas mon,,,
    Loan now closed..that much social pressure came…your so called paper now running that’s another miracle. but what lost..? that want to check..no building..no printing machine..varthamanam is a good idea..but the leaders handling the thing ..making a problems..Shinod, a well known that’s not a question, that simple showing your range…

LEAVE YOUR COMMENTS

Press ctrl+g to toggle between English and Malayalam.