Categories

രാജസേനന്റെ ‘ഇന്നാണ് ആ കല്യാണം’

‘ഒരു സ്‌മോള്‍ ഫാമിലി’ എന്ന ചിത്രത്തിനു ശേഷം രാജസേനന്‍ സംവിധാനം ചെയ്യുന്ന ചിത്രമാണ് ഇന്നാണ് ആ കല്യാണം. പ്രണയവും ക്യാമ്പസുമൊക്കെയാണ് ചിത്രത്തിന്റെ വിഷയം. ഒപ്പം വിവാഹം എന്ന പേരില്‍ ഇന്നു കാട്ടിക്കൂട്ടുന്ന ധൂര്‍ത്തുകളെയും ചിത്രം വിമര്‍ശിക്കുന്നു.

യുവതാരം രജിത് മേനോനാണ് ചിത്രത്തിലെ നായകന്‍. നീലിമയും (മാളവിക) ഐഷയും സുഹൃത്തുക്കളാണ്. ഇരുവരും എഞ്ചിനിയറിംഗിനു പഠിക്കുന്നു. ഇതേ കോളജില്‍ പഠിക്കുന്ന കാര്‍ത്തിക് ( രജിത്) ഒരു ദരിദ്രകുടുംബാംഗമാണ്. കാര്‍ത്തിക്കും കൂട്ടുകാരനായ കുഞ്ഞുമോനും ഈ പെണ്‍കുട്ടികളുമായി അടുക്കുന്നു. തുടര്‍ന്നുള്ള സംഭവവികാസങ്ങളിലൂടെ ചിത്രം പുരോഗമിക്കുന്നു. നിലീമയുടെ അച്ഛനായി സായ്കുമാറും അമ്മയായി രോഹിണിയും അഭിനയിക്കുന്നു. ജഗതി, സുരാജ് വെഞ്ഞാറമൂട്, ഇന്ദ്രന്‍സ്, ബിന്ദുപണിക്കര്‍ തുടങ്ങിയവരാണ് മറ്റു താരങ്ങള്‍.

ബക്രുദ്ദീനും രാജസേനനും ചേര്‍ന്നാണ് തിരക്കഥ. ഛായാഗ്രഹണം വിനോദ് ഇല്ലമ്പള്ളി. വയലാര്‍ ശരത്ചന്ദ്രവര്‍മ്മയുടെ ഗാനങ്ങള്‍ക്ക് ബിജിബാല്‍ ഈണം പകരുന്നു. യോഹാന്‍ പ്രൊഡക്ഷന്‍സിന്റെ ബാനറില്‍ ഗീവറുഗീസ് യോഹന്നാന്‍ ആണ് നിര്‍മ്മിക്കുന്നത്.

ഒരുകാലത്ത് നിരന്തരം ഹിറ്റുകള്‍ സമ്മാനിച്ചിരുന്ന രാജസേനന് അടുത്തകാലത്തൊന്നും ആ ഫോമിലേയ്ക്ക് തിരിച്ചുപോകാന്‍ കഴിഞ്ഞിട്ടില്ല. അടുത്തിടെ പുറത്തിറങ്ങിയ രണ്ടു ചിത്രങ്ങളും മോശം പ്രകടനമാണ് കാഴ്ചവച്ചത്. ഇതിനിടെ അദ്ദേഹം അഭിനയിക്കാനെത്തിയെങ്കിലും അതും കാര്യമായി സ്വീകരിക്കപ്പെട്ടില്ല. ഈ ചിത്രത്തിലൂടെ തന്റെ നഷ്ടപ്രതാപം വീണ്ടെടുക്കാനാകുമെന്നാണ് സംവിധായകന്റെ പ്രതീക്ഷ.

One Response to “രാജസേനന്റെ ‘ഇന്നാണ് ആ കല്യാണം’”

  1. RAJAN Mulavukadu.

    ഒരു സ്‌മോള്‍ ഫാമിലി’ എന്ന സിനിമ കണ്ടപ്പോള്‍ രാജസേനന്‍ ഇത്ര തറ ആയോ എന്ന് തോന്നിപോയി.
    ഇത്തരം സിനിമകള്‍ കാണുന്ന എന്നെപോലുള്ളവര്‍ക്ക് ധിരധക്കുള്ള അവാര്‍ഡു കിട്ടണം.

LEAVE YOUR COMMENTS

Press ctrl+g to toggle between English and Malayalam.