Categories

അച്ഛന്റെ രാഷ്ട്രീയ ജീവിതം തകര്‍ക്കാന്‍ ശ്രമം: ബിനീഷ് കോടിയേരി

bineesh-kodiyeri-rw

തിരുവനന്തപുരം: തന്നെ ഗുണ്ടകളുമായി ബന്ധപ്പെടുത്തുന്നത് അച്ഛന്റെ രാഷ്ട്രീയ ജീവിതത്തെ തകര്‍ക്കാനാണെന്ന് ആഭ്യന്തര മന്ത്രി കോടിയേരി ബാലകൃഷ്ണന്റെ മകന്‍ ബിനീഷ് കോടിയേരി. ഗുണ്ടാത്തലവന്‍ ഓംപ്രകാശുമായി തനിക്ക് ഒരു ബന്ധവുമില്ല. അച്ഛനെ തകര്‍ക്കാന്‍ കേരളത്തില്‍ മാധ്യമ മാഫിയ പ്രവര്‍ത്തിക്കുന്നുണ്ടെന്നും ഒരു ചാനലിന് നല്‍കിയ അഭിമുഖത്തില്‍ ബിനീഷ് കൂട്ടിച്ചേര്‍ത്തു.

‘കോടിയേരി ആഭ്യന്തര മന്ത്രി മാത്രമായ കാലത്ത് ഇത്തരം ആരോപണങ്ങളില്ലായിരുന്നു. അദ്ദേഹം സി.പി.എമ്മിന്റെ പൊളിറ്റ് ബ്യൂറോ അംഗമായതിന് ശേഷമാണ് വലിയ തരത്തിലുള്ള ആരോപണങ്ങള്‍ ഉയര്‍വന്നിട്ടുള്ളതെന്ന് ജനങ്ങള്‍ മനസ്സിലാക്കണം. ഇതിന് വ്യക്തമായ രാഷ്ട്രീയ ലക്ഷ്യങ്ങളുണ്ട്. ചില മാധ്യമ പ്രവര്‍ത്തകരും ചില മന്ത്രിമാരുടെ സ്റ്റാഫില്‍പ്പെട്ടവരും തനിക്കെതിരെ കഥകളുണ്ടാക്കുകയായിരുന്നു. യൂണിവേഴ്‌സിറ്റി കോളേജില്‍ പഠിക്കുന്ന കാലത്ത്, എതിര്‍വശത്ത് ‘സാഫല്യം കോംപ്ലക്‌സി’ല്‍ ഓംപ്രകാശിനെ കണ്ടിട്ടുണ്ട്. അതുപോലെ പല സ്ഥലത്തും ഓംപ്രകാശ് നില്‍ക്കുന്നത് കണ്ടിട്ടുണ്ടെന്നല്ലാതെ ഓംപ്രകാശുമായി ഒരു തരത്തിലുള്ള ബന്ധവുമില്ല. എനിക്ക് ഓംപ്രകാശിനെ അറിയുകയോ അയാളുമായി ഇന്നേവരെ സംസാരിക്കുകയോ ചെയ്തിട്ടില്ല’-ബിനീഷ് കോടിയേരി പറഞ്ഞു.

LEAVE YOUR COMMENTS

Press ctrl+g to toggle between English and Malayalam.